áts hjá Icelandair

[Bjarkih]

http://mbl.is/mm/frettir/innlent/2008/06/22/utlit_fyrir_fjoldauppsagnir_hja_icelandair/

Útlit fyrir fjöldauppsagnir hjá Icelandair

Um sextíu flugmönnum hjá Icelandair og allt að hundrað og fimmtíu flugfreyjum, verður sagt upp eftir helgi. Lausráðnir starfsmenn fá ekki endurráðningu, og eins missa fastráðnir vinnuna. Þetta kom fram í fréttum Sjónvarpsins í kvöld.

Dregið verður úr áætlunarflugi í vetur og áhöfnum fækkað. Boðað hefur verið til starfsmannafundar á þriðjudagsmorgun þar sem fara á yfir framtíðarhorfur fyrirtækisins.

Viðbúið er að einnig verði fækkað í öðrum deildum. Að minnsta kosti 200 manns missa því vinnuna. Björgólfur Jóhannsson, forstjóri Icelandair Group, vildi ekki tjá sig um fyrirhugaðar uppsagnir í dag við fréttastofu Sjónvarps.

[srr]

Vonum að Sæmi haldi vinnunni sinni!

[Fjarki]

Hann gæti þá bara farið að vinna í teppasöluni í Ármúlanum á sömu launum, eða var það parkett??

Neinei segi svona, þetta er ömurlegt hvernig er komið á mörgum stöðum og þurfa að taka svona á hlutunum er ennþá leiðinlegra.

[íbbi_]

þetta er hart þessa dagana, ég labbaði út af vinnustað í byrjun kreppunar, og það er meira en að segja það að fá vinnu í dag, ég reyndar fékk ljómandi djobb, en ég líka veit hversu heppin ég er

[bimmer]

Það er ekki gaman að reka fyrirtæki í dag - ömurlegt að þurfa að
rífa niður það sem búið er að eyða mikilli orku í að byggja upp

[Fjarki]

fleirri,

Í Fréttablaðinu í dag kemur fram að um 300 starfsmenn Icelandair Group, móðurfélags Icelandair, verði sagt upp. Er um að ræða flugmenn, flugfreyjur og starfsfólk í fyrirtækjum sem þjónusta flugvélar Icelandair á Keflavíkurflugvelli. Á síðastnefnda staðnum verður 80-100 manns sagt upp samkvæmt tilkynningu til Vinnumálastofnunar.

http://www.visir.is/article/20080623/FRETTIR01/483339369

[saemi]

Jamm þetta er frekar leiðinlegt að horfa upp á.

Maður hefur horft á stjórnendur í fyrirtækjum hér á landi raka að sér seðlum og rúa fyrirtækin inn að skinni. Svo þegar kólnar aðeins þá skelfur allt og nötrar því ekki er stingandi strá á grindhoruðum, nauðrökuðum kroppnum. Þegar kreppir að þá er ekkert eftir í varasjóð til að taka höggið því allt er farið í vasa stjórnandanna.

Hannes nokkur Smárason sá til þess að allt fé Icelandair gamla, félaginu sem maður vinnur hjá, það fór í FL-group sem síðan allir vita hvernig fór með. Við erum ekki að tala um neina skiptimynt þar. Ásamt því að forstjórar og yfirmenn þessa félags hafa sett vel í vasa sína undanfarin misseri og gera enn!

Svo er allt brjálað þegar maurarnir vilja líka fá launahækkun, þá standa allir upp og segja að það muni keyra fyrirtækið í þrot ef það þarf að fara að borga hærri laun. Fyrirtækið hafi einfaldlega ekki efni á því. Það er samt sorglegt, að eins og staðan er í dag, er það sennilega satt!

Það hafa allir þá samúð með stjórnendunum í dag og finnst þessi krafa launafólks með ólíkindum. En það hefur alveg gleymst að þessir stórnendur blessaðir hafa rokið upp í launum um þúsundir prósenta. Ekki eru þeir að bjóðast til að lækka laun sín og koma þannig til móts við harnandi ár.

Sú var tíðin að forstjóri Icelandair var með tvöföld flugstjóralaun á mánuði. Ekki er lengra en svona 10 ár síðan þetta var. Laun síðasta forstjóra voru 16.6 milljónir á mánuði. Ágætis hækkun á 10 árum þar!

Ég á nú sem betur fer ekki hættu á því að missa vinnuna mína í þessum uppsögnum núna. Ég mun að vísu lækka töluvert í launum í haust, en það eru margir félagar sem eru að missa vinnuna og hafa gert áður hjá þessu félagi.

Ég kann vel við félagið sem ég vinn hjá, en það er sorglega margt þar sem mætti betur fara í stórnun mannauðs.

[srr]

Ég á nú sem betur fer ekki hættu á því að missa vinnuna mína í þessum uppsögnum núna.

Gott að heyra

[grettir]

Já, þetta er sorglegt. Icelandair er það stórt fyrirtæki að flestir þekkja einn eða fleiri sem vinna þar.

En það er magnað með marga af þessum stjórnendum. Poppa upp á hárréttum tíma, mjólka fyrirtækin alveg þurr og láta sig svo hverfa með himinháa starfslokasamninga fyrir "vel unnin störf".

Time travelers?

[Viggóhelgi]

Enga öfundsýki strákar, þeir eiga þessa peninga vel skilið!

[finnbogi]

Enga öfundsýki strákar, þeir eiga þessa peninga vel skilið!

GLÆPONAR !

[Jet]

Samfara þessum fréttum hef ég skv. áreiðanlegum heimildum fréttir af því að nokkrir svakalegir BMW-ar fara á sölu bráðlega.
Jafnvel einn e39 M5 í mjög góðu ástandi.

[saemi]

Samfara þessum fréttum hef ég skv. áreiðanlegum heimildum fréttir af því að nokkrir svakalegir BMW-ar fara á sölu bráðlega.
Jafnvel einn e39 M5 í mjög góðu ástandi.

[bebecar]

16,6 á mánuði

Fyrir hvað? Þetta er nú ljóta ruglið.

[fart]

16,6 á mánuði

Fyrir hvað? Þetta er nú ljóta ruglið.

starfslokasamningur /12?