BMW hefur ákveðið að flýta framleiðslu á nýja Z4 Coupé sportbílnum og er fyrstu bílanna að vænta á markað þegar í júní á næsta ári. Ekki eru nema rúmir tveir mánuðir síðan Z4 coupé var kynntur sem hugmyndabíll á bílasýningunum í Frankfurt og Tókýó og því ljóst að skammt er milli hugmyndar og veruleika hjá BMW, a.m.k. í þessu tilviki. - - - Þykir BMW hafa tekist afar vel upp við hönnun bílsins og eins er nýja 265 hestafla l6 vélin sögð lofa góðu, en svo að afl hennar geri sem mest fyrir aksturseiginleika bílsins, er hann smíðaður að hluta til úr magnesíum, sem léttir hann umtalsvert. Til að bæta um betur hefur síðan verið ákveðið að hefja einnig framleiðslu á M-útgáfu af bílnum og mun sama 343 hestafla vélin prýða hana og er í BMW E46 M3. Nýju M útgáfunnar af Z4 Coupé er einnig að væntan á Evrópumarkað í júní nk.
