bmwkraftur.is

Ráðherrar OPEC samþykkja að auka framleiðslu



Verkamaður við loka á olíuleiðslu í Daura-olíuvinnslunni, sem er rétt fyrir utan Bagdad, höfuðborg Íraks.
AP

Olíumálaráðherra OPEC-ríkjanna eru sagðir hafa komist að samkomulagi um það á fundi sínum í Beirút í Líbanon að auka olíuframleiðslu um 2 milljónir tunna á dag í júlí eða um 8%. Þá verður framleiðsla aukin um hálfa milljón tunna á dag til viðbótar í ágúst ef þörf þykir, að sögn ráðherranna. Olíuverð hefur hækkað á mörkuðum í dag og fór á ný yfir 40 dali tunnan á markaði í New York. Sérfræðingar segja óvíst hvort þessi framleiðsluaukning nægi til að koma ró á olíumarkaðinn.
Ákvörðun fulltrúa OPEC í Beirút var málamiðlun milli þeirra ríkja, eins og Sádi-Arabíu, sem vildu auka framleiðslu þegar í stað um 2,5 milljónir tunna á dag, og ríkja á borð við Íran, sem vildi hækka framleiðsluþakið í að minnsta kosti tveimur skrefum.

Ali Naimi, olíumálaráðherra Sádi-Arabíu, sagði við blaðamenn að samþykkt hafi verið að hækka framleiðsluþakið í 25,5 milljónir tunna á dag frá og með 1. júlí og í 26 milljónir 1. ágúst en ráðherrarnir munu koma saman 21. júlí í Vín til að fara yfir stöðuna og meta hvort þörf sé á aukningunni í ágúst.

Aðrir ráðherrar staðfestu þetta en formleg yfirlýsing verður gefin út síðar í dag. Bijan Namdar Zangeneh, olíumálaráðherra Írans, sagði að nauðsynlegt væri að auka framleiðsluna í 2 skrefum þar sem í raun væri ekki um að ræða olíuskort á markaði og því yrðu ríkin að fara varlega í að auka framleiðsluna.

Aðildarríki OPEC framleiða nú um 2,3 milljónum tunna meiri olíu á dag en framleiðsluþakið segir til um og með samkomulaginu í Beirút er í því raun verið að staðfesta núverandi framleiðslu.

Tekið af MBL.IS

_________________
Enginn BMW

Það verður frábært þegar vatnsbensínið kemur á markað,,
45% minna bensín í því en núverandi bensíni


má búast við svona 5-10árum enn að það komi til íslands

_________________
With great challenges comes great engineering.
Gunnar Reynisson

Enn betri fréttir eru þær að vísindamenn telja að olíubirgðir jarðarinnar séu vanáætlaðar hundraðfalt og ekki nóg með það heldur séu þær endurnýjanlegar, m.ö.o að þetta séu ekki gamlar risaeðlur

_________________
Ingvar Örn || BMW R100RS 1994 || Renault Megane RS Turbo 2009 || Alfa Romeo Duetto 1967 Fast Road

Það er líka meira í gangi t,d uppáhaldið mitt roller cams, það er allt betra við svoleiðis loft stýrikerfi á vélum en venjulegir ventlar

Málið er bara að ná að skipta um orkugjafa sem mengar ekki,, ég veðja á vetni eins og BMW, það er svo mikið líka af tækninýjungum sem myndu gera vetni langt best, eins og t,d twin turbo vetnis 700 bílarnir sem BMW er að hanna núna,,, 300hö mega spega tog og mengar samt ekki,,

_________________
With great challenges comes great engineering.
Gunnar Reynisson

Það verður farið í alkóhól næst sem brennslugjafa því vetni er svo gífurlega dýrt í framleiðslu ásamt því sem framleiðslan á því er mjög óumhverfissvæn(menn notast ekki við rafgreiningu).

Verður fínt að setja svona 45l af alkóhóli á bílinn og svona 1l á sjálfan sig þegar maður kemur heim

_________________
E36 M3 US | Jeep Grand Cherokee Limited V8

Já vonandi fara þessir anskotar að lækka bensín verðið aðeins, týpiskt þó það lækki úti helst það jafn helvíti hátt hérna heima.

_________________

BMW E30 328i Coupe

Já birgðastaðan maður...........

_________________
XC 90 2005 V8 (frúarbíllinn)
Suzuki Hayabusa GSX1300R 1999
B3 biturbo 2008 #101 (on it's way)

Í gær lækkaði síðan olíutunnan á futures markaðnum í 38$ tunnan.

Hvar fannstu þessar upplýsingar Bebecar? Hefði áhuga á að lesa þetta? Hef aldrei heyrt kenningar um að þetta sé renewable að öðru leiti til en á þúsundum ára með samþjöppuðum risaeðlum

Nú er ég einmitt að taka mastersverkefni í hagkvæmri leið til að framleiða vetni með því að nýtast við háhitasvæðin á Íslandi. Ég held að Olían eigi einmitt ekki endilega eftir að klárast á okkar líftíma en mér finnst þó líklegt að Vetni taki við henni. Þó það sé ekki framleitt í dag að meirihluta með umhverfisvænum hætti þá á það eftir að breytast eins og allt annað. Ég byggi t.d. mínar rannsóknir á franskri rannsókn um að framleiða vetni í Kjarnorkuveri. Sama hvað fáfróðir umhverfissinar segja þá er það mjög hrein orka og líklega eina raunverulega lausnin sem til er í dag á orkuvandamáli heimsins.

_________________
JÞS
- 323i coupe - '96

voila!
http://worldnetdaily.com/news/article.asp?ARTICLE_ID=38645

_________________
Ingvar Örn || BMW R100RS 1994 || Renault Megane RS Turbo 2009 || Alfa Romeo Duetto 1967 Fast Road

Heyr heyr Jón Þór! Gaman að einhver sér ljósið varðandi kjarnorkuna, færð ekki mikið umhverfisvænni orku í dag (fyrir utan vatnsorku, jarðvarma og annað slíkt).

Það verður spennandi að sjá hvort vetnið nær að ryðja sér til rúms til að knýja bíla eða hvort það verður jafnvel rafmagn úr rafgeimum. En það er alveg sama hvaða leið verður farin, það verða alltaf til kraftmiklir og snöggir bílar. Það er bara vanþekking að segja að vetnis- og rafmagnsbílar séu kraftlausir og seinir, það er bara meiri áhersla í dag að búa til þannig bíla, hitt kemur seinna. Það er ekkert tæknilegt sem kemur í veg fyrir það.

Við hérna á Íslandi getum t.d. boðið okkur fram við að taka ýmsa vetnisbíla til prófunar því við getum framleitt vetni 100% umhverfisvænt. Ég hefði ekkert á mót því t.d. að hafa einn 745h til reynslu

_________________
Nökkvi
BMW E36 Alpina B3 3,0 cabrio
Seldir: BMW E46 328i '99, BMW E39 540i '96, Audi Cabrio 2,0 '93, BMW E36 325i Coupé '93

Já hvernig væri það, gastu ekki bara látið konuna nappa einu stykki áður en hún hætti? - Hefði ekkert á móti því að vinna hjá BMW í "vetnis"-deildinni eftir að ég hætti hér.

_________________
JÞS
- 323i coupe - '96

Það var nú á dagskránni að orða það að fá einn til reynslu
Kannski full langsótt samt.

E68 vetnisbíllinn fer í "almenna sölu" og ég held að það sé búið að selja (leasa) alla bílana sem í boð verða. Það eru kallar eins og til dæmis Joska Fisher (formaður Græningja í Þýskalandi) sem fá eintak. Síðast þegar ég vissi var samt enginn E68 farinn að keyra opinberlega á vetni þannig að þetta er enn í vinnslu. Allar auglýsingamyndir sem til eru af E68 vetnisbílnum eru bara útlitið, undir húddinu er bara bensín.

_________________
Nökkvi
BMW E36 Alpina B3 3,0 cabrio
Seldir: BMW E46 328i '99, BMW E39 540i '96, Audi Cabrio 2,0 '93, BMW E36 325i Coupé '93

Iss það eru nú meiri leiðindin.

p.s. Mögnuð grein Bebecar!

_________________
JÞS
- 323i coupe - '96

Ég var nú reyndar búin að heyra um þetta áður fyrir nokkru síðan, menn fóru víst að pæla í þessu fyrir sirka 15 árum síðan þegar olíulindir sem voru tómar byrjuðu að leka aftur.

_________________
Ingvar Örn || BMW R100RS 1994 || Renault Megane RS Turbo 2009 || Alfa Romeo Duetto 1967 Fast Road

Já mjög áhugverð pæling!

_________________
JÞS
- 323i coupe - '96