e39 520 hristist þegar bremsað!? HJÁLP

[Svenni Litli]

BMW 520i E39 03/1999 með 13 skoðun

Svo er mál með vexti að bíllinn titra mjög mikið þegar ég bremsa. Þegar ég bremsa fast titrar hann ekki jafn mikið og þegar ég bremsa laust.
Hann semsagt titrar meira ef ég bremsa laust.

Það sem ég er búið er að gera:
Nýjir bremsudiskar
Fór með hann á skoðunarstöð og lét þá tjékka á öllum spyndilkúlum, hjólalegum, fóðringum og öllu mögulegu sem gæti tengst þessu og allt í góðu þar.
Fór með hann uppí eðalbíla og lét þá prófa bílinn og athuga með þetta, en þeir mældu með því að fara með hann á skoðunarstöðina.
Fór með hann úppí tækniþjónustu bifreiða og þeir prófuðu bílinn og kíktu undir hann en fundu ekki neitt.
Lét balansera felgurnar og keypti ný dekk.

Ég ætla núna í kvöld að taka dælurnar af og skoða þetta nánar, hreinsa bakvið diskinn ( ég skipti ekki um diskana, kaupi bílinn með glansandi bremsudiskum) og skoða þetta nánar. Tók eftir því líka þegar ég var á dekkjaverkstæðinu að bremsudæluhúsið var aðeins laust báðumeginn, gat s.s. aðeins hreyft dæluhúsið með hendinni en ekki mikið, er það eðlilegt?


Þetta semsagt byrjaði rólega og er núna í hámarki, efast um að nokkur bíll hristist meira þegar bremsað er. Tek aftur fram að hann titrar bara svona mikið þegar það er bremsað rólega á 90/100 km/h en hann titrar minna þegar ég negli á bremsuna. Það eru engin aukahljóð kominn ennþá 1,9,13 í kjölfar hristingsins.

Ég vildi bara athuga hvort einhver kannist við þetta og gæti sagt mér hvað þetta gæti verið. Ég undir strika það sem maðurinn í TB sagði "þetta er mjög skrítið".

Með fyrirfram þakkir Sveinn Jónsson

[eiddz]

Hjólastilling?

[sosupabbi]

Bremsudælurnar eiga ekki að vera lausar, svo getur verið að þegar að bremsudiskaskiptin voru gerð að það hafi ekki verið hreinsað nógu vel bakvið þá, það getur ollið svona hristing hef ég heyrt.

[Navigator]

Hugmynd hvort felgurnar séu með einhverjum spacerum/hringjum bakvið og hafi gleymst að setja við síðustu skipti, amk var það lýsingin á titringi á BMW bróður míns.

Amk athuga það þegar hjólin eru tekin undan og bremsudælurnar hertar fastar

[bjarkibje]

dekk? skakkar felgur? skakkur bremsudiskur?

[Danni]

Spyrnufóðringar! Man þegar ég átti E39 í denn þá hagaði annar þeirra sér akkurat svona. Hafði einmitt ekkert að segja að skipta um bremsudiska. Lét umboðið skipta um spyrnufóðringar og bíllinn varð eins og draumur í akstri eftir það

[IvanAnders]

Ertu að skoða bremsurnar allan hringinn?

Titrar stýrið með? Getur þetta verið að aftan?

Ef það er í lagi með spyrnufóðringarnar, farðu þá og láttu renna diskana!

Nýjir diskar geta skekkst eins og aðrir, og jafnvel komið smá skakkir, þýðir ekki að útiloka þá alveg þó þeir séu nýjir.

[íbbi_]

þegar ég kaupi bílin núna í sept þá titraði hann svona, ég reif úr honum hálfslitna diska og nýlega klossa og setti diskana og klossana sem eru í honum núna í. það var í byrjun sept,

hjá mér var hann að titra örlítið í kringum 80kmh og þegar maður bremsaði laust, en titraði ekki ef maður bremsaði vel,

hann snarhætti þessu þegar ég skipti um diskana/klossana, skrítið að þetta sé komið aftur. ég keypti hann með þessum tritring og fyrri eigandi sagði að hann hafi titrað svona og hann skipt um klossa og það hafi ekki lagast.

bíllinn var ekinn 199þús þegar ég skipti um þetta,

[Svenni Litli]

Bíllinn er kominn í 202þ núna... en það er í góðu með hjólastillinguna, hann er ekki að leita í neina átt né að misslíta dekkjunum miðað við gömlu dekkin. Alveg þráðbeinn í keyrslu. Það er búið að útiloka alla diska og já þetta kemur að framan. Allt í góðu að framan.
En takk kærlega ég ætla að kíkja á þessa spyrnufóðringu, mig einmitt grunar að þetta sé hún. Ætla að prófa að skipta þær báðar.

Takk kærlega fyrir skjót svör.

[Axel Jóhann]

Ég get græjað það fyrir þig ef þú villt, símanúmer er hér að neðan.

[Orri Þorkell]

Axel er nýbúinn að redda nákvæmlega þessu í mínum E39, lýsti sér nákvæmlega eins (spyrnur), topp vinnubrögð og eldsnöggur

[Svenni Litli]

verð í bandi við þig Axel þegar ég er kominn með varahlutinn í hendurnar

[Axel Jóhann]

Aight