bmwkraftur.is

Lögregla á Spáni gómaði um helgina fimm milljarðamæringa þegar þeir óku sportbílum sínum á yfir 200 km hraða á þjóðvegum Katalóníu. Mennirnir voru að taka þátt í svonefndum Gum Ball 3000, árlegum ólöglegum kappakstri ríkra bílaáhugamanna.
Meðal þátttakenda í ár eru bandaríski leikarinn Adrien Brody, breska fyrirsætan Jodie Kidd, söngvarinn Jamiroquai og frændi kóngsins í Sádi-Arabíu.

Ökumennirnir fimm, sem voru handteknir vegna ofsaakstursins eru sagðir vera frá Bretlandi, Kanada og Belgíu og á aldrinum 30 til 50 ára. Lögregla segir að einn þeirra hafi ekið á milli bæjanna Sagunto og Cambrils, 210 km leið, á 50 mínútum, sem þýðir að meðalhraðinn hefur verið 252 km á klukkustund.

Lögregla í Frakklandi hafði varað kollega sína á Spáni við því að yfir 160 aflmiklir sportbílar væru á leiðinni til landsins en keppnin hófst 5. maí í París. Lögregla í Bordeaux héraði í Frakklandi sektaði nokkra ökumenn fyrir ofsaakstur á laugardag.

Algengustu bílategundirnar í keppninni eru Lamborghini, Ferrari, Bentley, Mercedes, Ford Mustang, Porsche, Chevrolet Camaro, Maserati og BMW.

Að sögn spænska blaðsins La Vanguardia fóru ökumennirnir frá París til Madrídar til að heilsa upp á knattspyrnumanninn David Beckham, brenndu síðan til Costa del Sol og skruppu þaðan yfir til Casablanca og Marrakech þar sem þeir nutu gestrisni Mohammeds VI Marokkókonungs. Í bakaleiðinni ætla þeir að koma við í Cannes þar sem kvikmyndahátíðin er að hefjast en keppninni lýkur á föstudag.

Á síðasta ári fór Gum Ball 3000 fram í Bandaríkjunum. Þá var áætlað að samanlagðar sektir sem þátttakendur þurftu að greiða, hafi numið jafnvirði tæpra tveggja milljóna króna.

Hvað haldiði að við séum að fara gera á bílunum okkar á næsta ári,,

Allir að skipta um drif til að geta cruisað á 200kmh í 4000rpm

Hva geturðu það ekki núna

Mér hefur alltaf litist vel á þessa keppni - "stóri bróðir" fær koss beint á "linsuna" og það er bara svalt.

Sá einmitt þessa Jodie Kidd í gær í Top Gear videó, ansi töff gella og hún kann að keyra Jay Kay er líka mega töffari.

Þetta lið er að vinna mikið verk fyrir okkur bílaáhugamenn þar sem allstaðar er þjarmað að akstursáhugamönnum, í öllum löndun með lækkandi hraða, fleiri hraðamyndavélum, hraðahindrunum.

Munið, við erum vakandi ökumennirnir hinir eru sofandi

Fyrir 50 árum var kappakstur haldin á lokuðum götum og hver sem gat borgað innritunargjaldið gat tekið þátt á eigin ábyrgð, í dag eru allir svo hræddir.

NO guts NO glory!

Það hlýtur að vera hægt að fá þessa mynd sýnda hér í bænum líka - yrði örugglega vel mætt.