bmwkraftur.is

Eins og ég hef sagt áður, þá ert þú mjög fær í þessu, og veist meira en flestir aðrir hvað best sé að gera, og jú ef maður ætlar að vera mega pro í þessu, þá er gott að hafa þennan lakkþykktarmæli til að vita hversu mikið má taka og hversu mikið maður er búinn að gera. En með því að massa bílana svona mikið eins og þú virðist gera, þá held ég að maður sé kominn á ansi mikið hættusvæði hvað varðar að gera lakkið mjög viðkvæmt fyrir sneringu án þess að það komi mjög fljótt aftur mikið af fínum rispum.
Ég mundi telja t.d mössunina á þessum Avensis (held ég) vera mössun fyrir bílasýningu, s.s massað allt í burtu sem mögulega er hægt að massa, en þá bitnar það aftur á móti allt of mikið á styrk lakksins.

Ég hef farið á námskeið í þessu, og þar var þetta einmitt sýnt mjög vel, og voru notuð húdd af samskonar bílum á svipuðum aldri, annað var massað svo mikið að það sást ekkert nema djúp steinköst, en hitt var massað aðeins minna, þannig að það voru ennþá nokkrar örrispur sem hefði verið hægt að massa úr, en þær sáust samt ekki nema skoða það vel, fyrra húddið rispaðist við það að nudda ca. þrisvar yfir sama svæðið með puttanum þrátt fyrir að vera tandurhreint, en seinna húddið þoldi þetta alveg án þess að fá vott af rispum á sig.

Og ef þú vilt skoða eitthvað af því sem ég hef gert, þá er einn Focus st inní efri salnum hjá þeim í Brimborg, og einnig einn hárrauður, þeir eru gott dæmi sem vel er hægt að sjá hversu vel þeir eru unnir

_________________
BMW e53 X5
Honda CRV
Gas Gas 450 FSE

Kúnnarnir hljóta þá að sjá það sjálfir ef það eru ljótar rispur á bílunum, og það er nú oft blettað í steinköst og rispur inní sílsum og annað með sérstökum lakkpennum sem koma frá bílaframleiðendunum, sama hvort það sé Brimborg eða eitthvað annað umboð

_________________
BMW e53 X5
Honda CRV
Gas Gas 450 FSE

Já, svo þú ert á nýja staðnum í Hafnarfirði með meistara Hirti. Ég var einmitt sjálfur að vinna á Max1 uppá höfða hjá Hlölla megninu af seinasta ári, var þar að stússast í hinu og þessu og þar á meðal þrifunum. Egill forstjóri hlýtur að hafa verið hrikalega ánægður að geta lent á svona manni eins og þér sem getur tekið svona verk að sér þar sem Kópsson er að taka svo hrikalega mikið fyrir svona verk, eins og þú segir þá skiptir þetta hrikalega miklu máli að geta fundið svona sparnað á tímum sem þessum.

En Óli (kelirina), eins og þú varst að segja með þessa ullarpúða þá fór ég einmitt í gær niðrí Málningarvörur til að grenslast fyrir um þetta og jafnvel kaupa einhver efni. Þar kemur starfsmaður og segir mér að þar sem ég er rétt að byrja á þessu þá sé vafalaust málið að fara beint í ullarpúða og léttan massa. Concept Re-Nu Glaze massa http://www.conceptchemicals.com/concept ... uglaze.jpg þar sem hann átti að taka um 70% af rispum í burtu.
Ég prófaði þetta og var ekki alveg nógu sáttur þar sem mér fanst ég ekki hafa nógu góð völd á roknum þar sem hann átti mjög auðvelt með að grípa í og stjórna ferðinni (ég var ekki að þrýsta neitt á rokkinn eða svoleiðis).
En jú það mátti sjá mun á þessu og tókst mér að fjarlægja rispur en ekki næstum því allar, En ég þurfti að taka um 3-4 umferðir.

Miðað við video sem ég hef séð á netinu, þar á meðal af 50 min löngu meguiars videoi þá fanst mér allt ganga mjög vel fyrir sig og ekkert vesen með að halda roknum stöðugum, og því er ég að leita að.

Og já ég sá Focus ST-inn í síðustu viku og hann var hrikalega flottur og vel unninn við stutt stopp.

_________________
BMW E39 535i 1999

Reglan hjá mér er að massa einungis það mikið að ekki sé teflt glærunni á einhvern hátt í hættu. Fyrir mössunina þá var lakkið um 140míkron að þykkt og eftir var það um 135míkron. Enn er því mikið eftir af glærunni og ekki nein hætta á að hún fari að flagna af vegna lélegs styrks. Marring getur komið fyrir á öllum lökkum. Ef massað er mikið þá þarf auðvitað að leifa glærunni að jafna sig. Svona mössun er það sem ég er að bjóða upp á þ.e.a.s. fagmannleg og vöndum mössun þar sem unnið er einungis það mikið af glærunni að ekki er tekið meira en að jafnaði 4-7 míkron. Hef all oft lent í því að það eru rispur sem ekki er ráðlægt að fjarlæga og læt ég viðskiptavininn auðvitað vita af því enda vil ég alls ekki massa eins mikið og þú heldur því fram að ég sé að gera.

Það er líka mjög auðvelt að feika mössun þar sem í öllum mössum eru olíur sem ná nánast upp litnum en dofna svo mjög hratt á innan við einum mánuði.

Svo má ekki gleyma því hvort lakkið er einna eða tveggja þátta lakk hvað varðar mössunina.

... að öllu jöfnu þá er þetta flott grein og umræða auk þess sem það væri mun skemmtilegra að tala við þig í persónu en á netinu. Kannski maður komi í smá heimsókn enda er ekki nema um 1,5km í þig frá aðstöðunni þar sem ég er að vinna við þrifin.

kv.
Ólafur Þór

með að halda rokknum stöðugum þá er það allt spurning um æfingu, láta efnið brotna vel upp og enn og aftur æfingu.

Hvar er hægt að nálgast námskeið um mössun hér á landi?

_________________
BMW E39 535i 1999

Þetta er ekkert sem er kennt mjög oft, en þeir í málningarvörum og í Poulsen hafa fengið menn að utan til að halda fyrir sig námskeið

_________________
BMW e53 X5
Honda CRV
Gas Gas 450 FSE

Ég efast ekki um að þú sért betri en ég í þessu, enda búinn að vera lengur í þessu en ég og á ég ennþá ýmislegt ólært, en já það væri gaman að geta spjallað við þig betur í persónu um þetta, enda koma hlutirnir oftast verr út í skrifuðu máli heldur en töluðu

_________________
BMW e53 X5
Honda CRV
Gas Gas 450 FSE

Bið að heilsa Hirti flott hjá þér þarf einmitt að fara að massa pikkuppinn minn og ég á eftir að prenta út þennan þráð og hafa með mér þegar að því kemur. Kv Sindri Bessason

_________________
Merkur(sierra) xr4ti

Takk fyrir það, og ég skila kveðju til hans

_________________
BMW e53 X5
Honda CRV
Gas Gas 450 FSE

Hvernig mössunarvélar eru menn að nota?

Rotary eða Dual Action?

Rotary: http://www.autopia.org/forum/attachment ... rotary.jpg

Dual Action: t.d. http://images.solidcactus.com/autobarn/ ... lisher.jpg

_________________
BMW E39 535i 1999

bæði þó svo að ég nota aðalega rotary vélina. Hins vegar getur komið fyrir að Dual Action vélin er betri í verkið vegna lakks og hita

Ég nota bara rotary vélina.

_________________
BMW e53 X5
Honda CRV
Gas Gas 450 FSE

ástæða fyrir mismunandi notkun véla er eftirfarandi:

Bifreiðalakk er mis hart eftir því frá hvaða framleiðanda og jafnvel mismunandi eftir undirgerð bifreiða. Mjúkt lakk og jafnvel aðrar gerðir lakka getur átt þá tilhneigingu til að massaefnið dreifist í ójafna fleti "cake" sem jafnvel erfitt er að vinna á með rotary vél þar sem sú vél myndar mun meiri hita en dual action vélin. Vegna þess þá er jafnvel betra og auðveldara að notast við Dual action vélina og taka lengri tíma í verkið.

kv.
Ólafur Þór

Ein spurning hérna í viðbót,

Ég er með rotary vél sem er með hraðastillingar frá 1 og uppí 6, þegar að það er verið að tala um snúninginn á púðanum þá er oftast talað um rpm, svo að spurningin er sú, hvað er stilling 1 mörg rpm?

_________________
BMW E39 535i 1999