BMW kraftur - aukin umsvif #2..

[saemi]

Jæja félagar.

Ég (Sæmi) og Gunni Lorenz erum búnir að vera að spjalla svolítið saman og búnir að móta stefnu fyrir klúbbinn svona í bili.

Við ætlum að vinna að því að láta gefa út félagsskírteini fyrir meðlimi í klúbbnum, sem myndi þá verða til þess að við gætum fengið afslátt hjá B&L og fleirum. Ég fer á fund með kynningarstjóra B&L þann 11.12. að ræða þau mál.

Til að viðkomandi geti gerst félagi, þurfum við að fá eftirfarandi upplýsingar:

Fullt nafn, kennitala, sími, email og heimilisfang. Ásamt því viljum við að menn gefi lýsingu á BMW ökutæki sínu (ef þeir eiga slíkt). Sendið þessar upplýsingar á skraning@bmwkraftur.com . Þetta verður sett inn á sér hluta á vefnum, þar sem allir félagar verða listaðir upp ásamt lýsingu á bílnum og mynd. (Svo væri einnig góð hugmynd að hafa mynd af félögunum líka, svo maður þekki nú hvorn annan þegar maður mætir félaganum.. ekki bara bílnum )

Það er verið að vinna að þessarri uppsetningu og þegar hún verður komin á hreint verður þetta sett upp í einum grænum. Þannig að það væri frábært ef þið félagar tækjuð ykkur til og settuð saman smá lista yfir bílana ykkar, hvað er búið að gera við þá, búnað osfrvs. Gunni er búinn að senda inn póst um þetta áður og þetta er bara svona til að ýta á eftir mönnum að senda upplýsingarnar til hans.

Þegar þetta verður svo tilbúið og menn hafa skráð þetta hjá okkur, fá þeir væntanlega útgefið félagsskírteini. Við stefnum að því að hafa þetta ókeypis í byrjun, færast ekki of mikið í fang í byrjun, en stefna svo að því að klúbburinn verði öflugri síðar þegar meiri reynsla er komin á þetta. Þá yrðum við jafnvel með árgjald og meðlimir í BMW Europa, sem sagt alvöru félagssamtök.

En svona í fyrstu ætlum við að einbeita okkur að því að betrumbæta vefinn, ásamt því að standa fyrir samkomum líkt og verið hefur.

Ásamt því að setja inn á vefinn okkar safn með upplýsingum um bíla meðlima, myndir og texta sem lýsa gripunum, munum við svo gera smá útlitsbreytingar á vefnum og endurskoðun á spjallflokkum (bæta við bilanadálki, sponsor-linkum ofl).

Varðandi samkomur, þá ætlum við að hafa grillpartí snemma á næsta ári til að byrja með. Húsnæðið er til staðar, bjórinn er ekkert að fara og við alltaf jafn hressir.

Með kveðju

Gunni og Sæmi

[Kull]

Flott mál. Það væri samt ágætt að vita hvert á að senda þessar upplýsingar.

[Svezel]

Þetta er hið besta mál og ekki vantar áhugann á þessu. Þurfum bara að koma upp almennilegri meðlimaskrá sem fyrst svo það sé hægt að græja kortin.

Svo er nokkuð augljóst að ársgjald borgar sig fljótt upp ef maður er á fá afslátt hér og þar út á klúbbinn (auk annarra fríðinda).

Bíð spenntur eftir grillinu...og bjórnum

[sh4rk]

Heyrðu þetta er flott mál, þá er bara að fá að vita hvert maður á að senda þessar upplýsingar.

BMW 735i e23
BMW 745i e23

[Djofullinn]

Þetta er frábært

[Gunni]

hehe auðvitað gleymdist það sendiði bara á skraning@bmwkraftur.com

[Þórður Helgason]

Mæli með þessu og endilega að vera með í alþjóðafélaginu, er það er hægt.

[gstuning]

Ég verð að segja ég er rosalega ánægður með hvað þessi klúbbur er að vaxa,

Ég er með tillögu að við sem kúbbur reynum að setja um góðan gagnagrunn fyrir bílanna okkar, þá viðgerðir, aðferðið, tæknilegar greinar, leiðbeiningar, uppfærslur, og bara helst allt sem kemur bmw við sem mekanískur hlutur,

T.d gerði ég dauðaleit eftir því hversu margar tennur er á crankinu á 325i e30, ég þurfti þetta til að segja smt6 á bílinn hans stefáns, ég fann í staðinn mjög mikið af upplýsingum, frá einhverjum rúsneskum site,
Þar fann ég wiring diagrams fyrir þó nokkra bíla, einnig bilana leitir og fleira en það var á rússnesku þannig að það var í raun ekki hægt að nota þær, en wiring var á ensku, ég fann ekki fyrir bílinn minn, en fann fyrir flesta aðra bimma, svo veit ég helling um e30 bílanna, og það sem að þeim viðkemur, ég veit um góða síðu á e30.de sem inniheldur öll drifhutföll sem voru í e30 og í hvaða e30 þau voru, svo lika mjg tæknilegar upplýsingar eins og kveikjan við tdc og alskonar aðrar upplýsingar, það er svo rosalega auðvelt að gera við bílinn sinn með réttar upplýsingar,

T.d Electronic Troubleshooting Manual geisladiskurinn hann væri gullsígildi, drauma hlutur að eiga,

Og fleira í þessa átt, eins og haynes bækurnar, og bentley bækurnar, það er svo gott að nota þær þegar er verið að gera við,

Ég er mjög fylgjandi stefnunni sem hefur verið ákveðinn fyrir klúbbinn, mér finnst að við ættum allir að taka okkur til og skrifa tæknilegar greinar þegar við höfum gert eitthvað í bílunum okkar, t.d skipt um dempara, röð aðgerða og þannig, hvaða parta á að kaupa, og kannski númerinn með ef menn geta,

Ég man á www.bmwe30.net að þar voru rosalega margar svoleiðis greinar, og mjög gaman að fletta í gegnum þær,
t.d hvernig á að búa til one touch window switch, og fleira,

Ég er alveg tilbúinn að skrifa greinar um tjúningar og það sem þeim viðkemur, allt frá síum uppi mína bestu kunnáttu, því að ég vil að íslenskir bmw eigendur séu upplýstir um allt sem viðkemur að eiga
The ultimate driving machine, og geti ákveðið hagi bílsins síns eftir því sem að þeir vilja með hann gera, t.d það setur enginn veltibúr í bíl ef ekki á að keppa, nema að það sé keppni í að eiga flottasta sýninga bílinn,

Þannig að menn byrjið að leita að öllu sem þig getið um bmw-a og senda gunna linka eða texta,

t.d fann ég eitthvað um 745i fyrir sæma um daginn en er nú búinn að týna því, held að ég hafi fundið það á turbo bimma síðunni evrópsku.

Ég veit að sumir luma á einhverjum bókum um viðgerðir og svoleiðis og það væri flott að koma þeim upplýsingum á netið fyrir alla.

[Gunni]

ég er kominn í samband við BMW club europa, og hef fengið fyrstu gögn um skilyrðin og annað slíkt. vildi bara láta ykkur vita. Hérna koma svo smá skilaboð frá þeim í Club Europa:

We wish all BMW enthusiasts in Iceland a "Merry Christmas" and a "Happy New Year"

kveðja, Gunni

[saemi]

Ég er alveg sammála Gunna GS, með að koma upp gagnabanka.

Ég er með slatta af texta og myndum, aðallega varðandi turbo dæmi sem ég hef viðað að mér í gegnum árin, tekið af netinu.... bara bíður eftir að verða sett upp á server. Þetta tekur bara svo mikið pláss, 50-100 mb að ég hef ekki getað sett þetta upp á síðuna mína!

Það var einmitt flott að fá þennan póst frá þér um daginn varðandi 745i dæmið, frábært þegar menn eru að miðla svona fróðleik

Sæmi

[Gunni]

bump...