Eurotrip 2007, rúmlega 2000hp í fjórum bílum...

[Svezel]

alltaf skemmtilegra að taka rönn með strákunum...ha hmmm

[MR.BOOM]

Hérna eru myndir sem ég tók á SPA.

MLR at SPA 2007



MLR at SPA 2007

[ValliFudd]

M3 með túbbó eða supercharger

[bimmer]

Report frá Sæma:

Kæri jóli.

Þá erum við komnir í höfuðstöðvar Bæheims, Munchen sjálfa. Renndum í hlað fyrir klukkutíma eftir RUN dauðans frá Tauber motorsport norður af Nurnberg og alla leið hingað.

Dagurinn byrjaði rólega, sofið til að verða tíu og pakkað saman á Ringhaus. Brakandi sól og blíða þegar Frank og þessi viðkunnalegi staður og fólk var kvatt. Fyrsta stopp var til að þrífa bílana. Það var gert á kunnuglegri bensínstöð, Óskar og Sveinbjörn kannast við hana frá því í fyrra. Eftir að hafa gefið háþrýstidælunni jafngildi kílós í klinki var haldið af stað á glansandi ökutækjunum. Frekar stíf umferð alla leið niður til Tauber manna, meðalhraði um 100. Þar var svo hitt á Sebastian sem ætlar að snurfusa RNGTOY fyrir næstu útferð Þórðar. Hann hefur sem sagt 2 vikur til að græja og gera!

Vikapiltar Sebastian skiptu um bremsuklossa hjá Þórði á ofur-þrumunni, en afturklossarnir áttu eftir rúman millimeter svo ekki var seinna vænna. Næstur upp á lyftu var svo herra Imolarot, en bremsurnar á honum voru alveg að syngja sitt síðasta. Fyrir átökin á SPA var pantað nýtt diskasett sem beið okkar daginn eftir. Bremsurnar héldu merkilega vel á SPA, þótt greitt væri ekið og vel tekið á bílnum. Spólvörnin var höfð af og undirstýring gerði eilítið vart við sig sökum þungans, en aldrei var hann nálægt því að losa afturendan í botngjöf út úr beygjum. Hann þurfti að passa í niðurgírun fyrir beygjur, því það er erfitt að rev-matcha og bremsa í leiðinni. Því var það helst eftir 4ða gír þegar skipt var í 3ja að hætta var á að missa rassinn út í bremsun rétt fyrir beygjur.

En þrátt fyrir að stíga þær svo til botns þegar þurfti fannst aldrei hið margumtalaða “fade” semt talað er um í original bremsunum. Ég tók að vísu aldrei nema svona 8 hringi í einu, tók svo einn hægan hring til að kæla bremsurnar. Þrátt fyrir það mátti heyra brak og bresti í diskunum eftir að staðnæmst var í pittinum.

Nýjir diskar og klossar allan hringinn og áfram var haldið frá Tauber mönnum. Beint út á Autobahn og allt staðið flatt niður í átt til Munchen. Umferðin var að grisjast eftir daginn svo mögulegt var að taka nokkuð gott run niður eftir. Öllu munar líka um að alla leið eru 3 akreinar, ekki 2 eins og oft er á köflum eða alla leið á öðrum leiðum. Meðalhraðinn á leiðinni hefur örugglega verið yfir 200, 220 þegar rólegt var og alveg farið upp í 310 á mæli!!! Já ofur-þruman lét ekki að sér hæða og sýndi Carrera 4S hvað BMW getur gert. Rauði er ekki alveg eins fljótur upp og náði ekki nema 285 þegar slá þurfti af. Ekki mikil hröðun í gangi þá, en gaman væri að sjá hvað hann getur ef pláss leyfir. Þetta má sjá á vídeóinu sem við tókum. Ekki slæmt að blasta niður Autobahn í sól og sumaryl í samfloti niðureftir til Munchen. Þegar þangað var komið tók BMW á móti okkur í kvöldsólinni og bauð okkur velkomna.

Nú er það bara út að essen. Sjáum til með Bratwurst, en Pils verður það definately. Á morgun er það svo guided tour um BMW verksmiðjuna þar skoðað verður assembly línan fyrir vélar, samsetningu á bílum og ýmislegt annað gotterí. Þetta verður “private guided tour for you guys from Iceland only” eins og gaurinn segir sjálfur. Jæja, farnir út að borða, áf vídersehen fon gjörmanní.

Hér eru nokkur video frá þessu þrælskemmtilega rönni til Munchen sem Sæmi vitnar í hér að ofan.

Hér er tekið framúr Hr. Imolarot:
http://www.rngtoy.com/thordur/almennt/Eurotour2007/Tekinn.wmv

Hér er svo rönn við Porsche þar sem ONNO er með brotið plenum cover
og er því að fúska á háum snúning eins og heyrist. Vissum reyndar ekki
á þessum tíma að þetta væri plenum coverið - héldum að loftflæðiskynjararnir
væru orðnir eitthvað leiðinlegir eftir að hafa blotnað á Spa:
http://www.rngtoy.com/thordur/almennt/Eurotour2007/Porsche.wmv

Hér er svo þegar við komum til Munchen - ekki slæmt að sjá roundelið taka
á móti okkur
http://www.rngtoy.com/thordur/almennt/Eurotour2007/Munchen.wmv

[///M]

fóruð þið til alpina,rüf og hamann ?

[bimmer]

fóruð þið til alpina,rüf og hamann ?

Sökum ótímabærs flótta Hr. Alpina og Hr. Múr þá varð minna um
slíkar heimsóknir en planað var. Fórum þó til Hamann - myndir fljótlega

[Svezel]

pfff wannbe's

manni langar BARA aftur út við að sjá þessi video, ég og Óskar svekktum einmitt einn pappakassa á nýjum carrera 4s á leiðinni til Nürburgring í fyrra

[///M]

fóruð þið til alpina,rüf og hamann ?

Sökum ótímabærs flótta Hr. Alpina og Hr. Múr þá varð minna um
slíkar heimsóknir en planað var. Fórum þó til Hamann - myndir fljótlega

gastu þá allavegana ekki bætt þér það upp og verslað meira carbon hjá hamann ?

[bimmer]

fóruð þið til alpina,rüf og hamann ?

Sökum ótímabærs flótta Hr. Alpina og Hr. Múr þá varð minna um
slíkar heimsóknir en planað var. Fórum þó til Hamann - myndir fljótlega

gastu þá allavegana ekki bætt þér það upp og verslað meira carbon hjá hamann ?

Nei ég er ekki kominn í þá deild að spreða miklum $$$ hjá Hamann.

Fann mér eitthvað sem ég hafði efni á - miðjur í Hamann ganginn

[zazou]

Við erum að týna Sæma

[fart]

Hvernig í fjáranum bortnar plenium coverið???

[bimmer]

Hvernig í fjáranum bortnar plenium coverið???

Fór óvart í 2. gír úr 5. í stað 4. Fattaði það um leið og það var að gerast
og gat kúplað frá áður en allt fór í mauk. Hins vegar náði mótorinn að
snúast nógu mikið til að það fór slatti af boosti inn og lokið gaf sig.

Blowoff ventlarnir eru ekki nógu stórir til að geta ráðið við þetta
scenario, þe. mikið boost og throttle bodyin lokuð.

[Arnarf]

Hahaha snilld heyrði ég rétt í porsche myndbandinu?

"Erum við búnir að týna sæma?" í lokinn

[bimmer]

Daginn eftir að við komum til Munchen var sofið út og svo farið í
skoðunarferð um verksmiðju BMW.

Oliver og félagar voru svo miður sín yfir því að gírskiptingin bilaði í hvíta
að þeir ákváðu að redda okkur sárabót - prívat skoðunartúr um verksmiðjuna.
Góða sárabótin!!!!!

Vorum mættir um kl. 11 og fékk undirritaður nett flog þegar þessi kerra
var spottuð fyrir framan verksmiðjuna:


En gleðin var fljót að dvína því að þetta var ekki ekta Koenig Competition
heldur kit skrípi byggt á Fiero og sjálfskipt þar að auki!!!


Hörmung að sjá þetta púst!!!

Drifum okkur síðan að inngangi 5 þar sem við hittum Oliver og félaga hans.
Við vorum allir skveraðir í sloppa og fengum visitor passa (þurftum í
staðinn að skilja eftir skilríki). Ekki mátti hafa myndavélar með sem er
mjög miður!!!

Byrjuðum á því að labba framhjá málmsteypunni þar sem vélarblokkir eru
steyptar og voru þvílíkar stæður þar fyrir utan af blokkum.

Fórum síðan í aðal verksmiðjulínuna þarna sem framleiðir nýja þristinn.
Við fengum að fylgja framleiðslulínunni alveg frá tómri skelinni að fullkláruðum
bíl. Þetta var verulega áhugavert að sjá hvernig bíllinn tók smám saman
á sig mynd. Sæmi hefur nú marga fjöruna sopið í BMW rifi/samsetningu
og hann saup hveljur þegar mælaborð var sett í á 5 sekúndum og
sóllúgur á innan við 10. Einnig var töff að sjá alla driflínunna (vél, kassi,
drif, etc) fara undir í einu skrefi.

Við vorum þarna 3 gestir með 3 fylgdarmenn frá BMW, Oliver, vin hans og
svo einhvern gúru sem allt vissi. Bara góð þjónusta Fengum að skoða
mun meira en venjulegi túristarúnturinn. Mættum einum slíkum en þar
voru ca. 30 manns með einn guide.

Anyways, eftir að þristurinn var tilbúinn til að vera sendur frá verksmiðju
þá fórum við og skoðuðum véladeildina. GÓÐAN DAGINN!!!!!!!!!!

Þarna mátti sjá allskonar flott gums, 6, 8, 10 og 12 cylindra vélar, standard
og ///M. Vorum alveg til í að taka eins og einn vagn fullan af nýjum
///M mótorum og lauma þeim út

Sáum líka prófunarbekki og svo vélar sem höfðu alveg fengið að
finna fyrir því, t.d. nýja V8 M3 vél í mauki eftir að stimpilstöng yfirgaf
samkvæmið út um blokkina
Þetta var mjög áhugaverður rúntur.

Eftir þetta var túrinn búinn og við kvöddum Oliver og félaga og fengum
skilríkin okkar aftur.

Það verður að skrifast á okkur það klúður að hafa ekki smellt neinum
myndum af okkur í sloppunum eða við verksmiðjuna

Nú var haldið á BMW safnið sem er þarna rétt hjá. Á leiðinni eru
höfuðstöðvarnar:






Hér má sjá nýja safnið bakvið okkur Sæma.


Það safn er hins vegar ekki tilbúið og er því safnið í tímabundnu "húsnæði"
sem er jú TJALD!!!


Hér má svo sjá nokkra af bílunum sem við skoðuðum á safninu:





















Restin af deginum fór bara í afslöppun og fórum síðan að borða á einum
slappasta Indverska stað sem sögur fara af


PS: Allar myndir eru teknar af Mr. Boom en photoshoppaðar af undirrituðum.

[slapi]

Z1 eru svo töff bílar og hurðinn fer oní sílsann sem er bara rugl.
Skemmtileg lesning