Við rauðhærðu bræðurnir ákváðum í sameiningu að það væri rosalega góð hugmynd að skreppa í ljós um kvöldið og pöntuðum okkur tíma á sólbrennslu og pyntingarstofunni "SÆLUNNI" í Kópavogi en þeir státuðu sig af því að bjóða kúnnum sínum upp á heitann pott og ég veit eikki hvað og hvað. Nú , við brunuðum upp í Kópavog um kvöldið og báðum örvitann sem var að vinna þar um leiðbeiningar þar sem við kunnum ekkert á kerfið þarna. Hún prangaði inn á okkur einhverju kortahelvíti með 3000 króna inneign og sagði okkur hvar ætti að stinga því. Við rauðbirknu bræðurnir smelltum okkur í pottinn og höfðum það all gott á meðan við biðum óaðvitandi örlaga okkar. Um síðir losnuðu tvær vítisvélar og við stungum kortinu okkar í einhverja maskínu og á digital glugga birtust tölur. Við völdum 9.50 og töldum okkur vera að velja mínúturnar sem við ætluðum að liggja í bekkjunum þar sem að það er hámarks tími fyrir okkur til að byrja með. Þegar inn í herbergið kom blasti þessi sataníska vél við mér og leit hún meira út eins og geimskip en ljósabekkur og bar nafnið Cadillac 3000! Með semingi lagðist ég allsber í bekkinn og beið þess sem verða vildi. Eftir að hafa legið á bekknum í ca. mínútu fór tólið í gang og ég get eiðsvarið það að það dimmdi í Kópavogi, svo mikið rafmagn virtist þetta helvíti nota. Ég dottaði strax í bekknum enda mjög þreyttur eftir að hafa unnið eins og mofo alla helgina í brjálaðri keyrslu en vaknaði innan skamms þegar mér var orðið annsi heitt svo ekki sé meira sagt. Mér fannst undarlega langur tími væri búinn að líða og fór fram til að athuga með stöðuna á bekknum. Þá voru 2 mínútur eftir og funheitur veruleikinn rann upp fyrir mér.....9,50 stóðu fyrir 950KRÓNUR sem þýddu 16 mínútur!!! Þroskahefta stelpan sem var að vinna þarna aulaði því svo út úr sér að þessir bekkir væru alveg nýjir og aðeins þeir alhörðust dveldu í þeim í 10 - 14 mínútur. Ég fann strax að ég var búinn að brenna mjög illa og á þeirri stundu langaði mig verulega til að leggja hendur á kvenmann í fyrsta skipti ævi minnar því að ég vissi alveg hvað ég átti í vændum næstu 2-3 dagana. HVERNIG HEFÐI VERIÐ AÐ AULA ÞVÍ ÚT ÚR SÉR STRAX HELV.....ANDSK....ILLA GEFNI ÞROLLINN ÞINN???
Kvalirnar byrjuðu svo um nóttina og ef ég hefði ekki verið svo heppinn að eiga 5.árs læknanema, hana Sólvegu að vinkonu þá væri ég sennilega bara dauður núna. Hún brunaði með mér í apótek og skrifaði upp á eitthvað heavy duty sterakrem sem ég er búinn að baða mig í síðan auk þess sem að matseðillinn minn samanstendur af 400 ml.gr. Íbúfen töflum og vatnsglösum oft á dag. Ég get sagt ykkur það að ég hef aldrei upplifað verri dag á ævi minni heldur en gærdaginn. Húð mannslíkamanns er ca. 2 m2 og í mínu tilfelli er ca.90 % af þessum tveimur fermetrum brunnið til helvítis! 2.stigs bruni með blöðrum og tilheyrandi viðbjóðslegum sársauka. Þú getur ekkert gert. Ekki setið og varla sofið. Það að klæða sig í föt er pain pain pain og allar hreyfingar alveg fáránlega sársaukafullar. Ég og bróðir minn lágum bara eins og liðin lík ....mjög rauð liðin lík heima hjá mér í gær og grenjuðum úr kvölum á milli þess sem að við bárum kæli og sterakrem á bakið á hvorum öðrum og bruddum verkjatöflur. Í morgun leið mér svo eins og húðin mín væri 2 númerum of lítil og að hún mundi rifna þegar ég hreyfði mig en eftir kalda kælisturtu, krem og 3 Íbúfen leið mér það vel að ég gat drullað mér út og látið svalan vindinn kæla mig enn frekar niður. Reyndar þurfti endilega að vera sólskin í dag sem olli því að ég hljóp hvæsandi eins og vampíra inn á Kaffibrennsluna og settist í dimmasta hornið.
Og hverjum er svo um að kenna? Mér og engum nema mér...jú og vangefna hálfvitanum á sólbaðsstofunni fyrir að hafa leynt mig mikilvægum upplýsingum um að þessir bekkir væru nýir súper dúper heavy duty Turbo ofurbekkir og ekki gefið mér skýrari leiðbeiningar um hvernig ætti að nota þá en .... Hvað er ég sosum að fara í ljós? Það er vita mál að þetta er óhollt al helvedes til og ég með mína húð á bara ekkert að vera að þessu. Ég verð aldrei aldrei brúnn og töff....bara rauður. Reyndar verð ég brúnn á sumrin en það tekur langann tíma og oft brenn ég inn á milli en verð samt brúnn á endanum. Núna ætla ég bara að láta það duga. Summer sun og hvítur á veturnar með sloganið "Fölt er fallegt" að leiðarljósi. Núna sit ég s.s. á Kaffibrennslunni eins og rassskelltur karfi í framan og til að bæta gráu ofan á svart tiltölulega nýbúinn að taka tooth whitening process á tennurnar á mér þannig að ég lít út eins og hálfviti. Eldrauður í framan með skjannahvítar tennur. Jei!
Að sjálfsögðu er ég tilbúinn með aðrar skýringar á útliti mínu fyrir bresku fjölskylduna sem ég er að fara með eða ætla minnsta kosti að reyna fara með í túr um suðurlandið á morgun og hún er sú að ég hafi verið í 5 daga erfiðum trekking túr yfir hálendi Íslands og Vatnajökul í sól og blíðviðri. Mjög töff og hetjuleg skýring og mun betri en hin raunverulega.
Jæja, núna er mér orðið svo illt í rassinum að ég verð að fara út á Austurvöll, fara úr buxunum og kæla hann aðeins.......
Æi, hvað getur maður annað gert en að gera pínulítið grín að þessu öllu saman og hlægja aðeins að heimskupörum sínum?
Needless to say þá er þessi mynd með saturation í botni,,, en ég var virkilega rauður þrátt fyrir það á henni.
en, vonandi hljótið þið ekki varanlegan skaða !!!!
