Póstum eytt... framhald

[GústiX]

Svona fyrst er búið að læsa hinum þræðinum þá vildi
ég bara þakka fyrir svarið því að mér hefur aldrei
verið tilkynnt um þetta og skal ekki auglýsa aftur hérna
en líka benda á að að ég hef oft séð auglýsingar hérna
frá aðilum eins og GSTuning og Audio.is sem hefur
greinilega ekki eytt.... þannig að ég hélt að þetta væri
í lagi

Kv.
Gústi

[Kristjan PGT]

já, ég verð að segja það sem algerlega óháður aðili hér á spjallinu að mér finnst svolítið gert upp á milli manna.

[Logi]

Það er kannski gerður munur á því sem tengist BMW beint og því sem gerir það ekki
Annars hef ég ekki hugmynd um það.....

[oskard]

audio.is auglýsingum er líka hennt nema að þau innihaldi verð á öllum
vörum sem er verið að bjóða meðlimum sérstaklega á afslætti

[arnib]

Ég ætla að reyna að hafa aðeins fleiri orð um þetta mál.

Megin regla á bmwkrafti er að fyrirtæki skuli ekki auglýsa þar.

Þessari reglu fylgja þó nokkrar undantekningar (eins og öllum reglum).

Í fyrsta lagi hefur fyrirtækjum sem sérstaklega styrkja starfssemi klúbbsins (s.s. B&L) verið leyft (og aðstoðaðir við)
að setja inn auglýsingar við sérstök tilefni. Sem dæmi um þetta mætti nefna þráðinn þar sem meðlimum BMWKrafts
voru boðin bodykit á E46 á mjög hagstæðu verði.

Hin undantekningin varðar svör við "óskast" þráðum.
Hérna er best að taka dæmi.
Notandi óskar eftir Bassakeilu, 150W eða öflugri, og magnara til að knýja hana áfram.

Ef að fyrirtæki myndi taka sig til og svara þræðinum hans með "Kíktu á heimasíðuna okkar, xxx.is, við eigum allskonar græjur!",
þá yrði þeim pósti líklega eytt strax.

Aftur á móti ef að fyrirtækið myndi svara "Við eigum Kenwood 12 tommu keilu, 200W og 250W Kenwood magnara saman á 25.000kr."
myndi póstinum líklega ekki verða hent.

Munurinn felst í "markhópi" svarsins, þ.e. okkur finnst allt í lagi þegar fyrirtæki svara með ákveðna vöru á ákveðnu verði og varan á við efni þráðarins, en okkur finnst bmwkraftur ekki vera vettvangur fyrir fyrirtæki til að koma sér á framfæri almennt (nema í þeim tilfellum sem þau eru í samstarfi og/eða styrkja bmwkraft sérstaklega).

Ef þið teljið að fyrirtækjum hafi verið mismunað hingað til stafar það líklega af einhverjum af undantöldum ástæðum.
Fyrirtæki sem bjóða meðlimum fastan afslátt gegn framvísun meðlimaskírteina eða styrkt okkur með öðru móti njóta að sjálfsögðu meiri réttinda heldur en þau sem hafa ekkert með bmwkraft að gera.

Þetta er orðið nógu langt í bili, en það mun verða póstað betri skilgreiningum á þessu fljótlega, þetta er meira
svona braindump frá mér í þetta skiptið.

Ef þú, Gústi, eða aðrir í svipuðum sporum hafið áhuga á því að bjóða meðlimum bmwkrafts sérstök kjör eða
hafið áhuga á einhversskonar samstarfi eruð þið hvattir til að hafa samband við stjórn klúbbsins í gegnum
tölvupóst á admins@bmwkraftur.is

[Farinn]

Verð nú að viðurkenna að mér finnst þetta hálflélegt að loka á fólk sem er að bjóða vöru til sölu sem greinilega er langt undir því verði sem önnur fyrirtæki eru að bjóða sambærilega vöru á! Sérstaklega í ljósi þess að fyrirtæki sem heitir GS tuning getur auglýst hérna endalaust en það er kannski ekki skrýtið þar sem sá aðili er einn að stjórnendum spjallsins og er kannski með þessum aðgerðum að losa sig við alla samkeppni Ef þið ætlið að loka á auglýsingar frá einum verðið þið að loka á alla, þið getið ekki sett reglur sem hægt er að sveigja til þegar ykkur hentar!

Náttúrulega mjög flott að B&L sem er ykkar aðal styrktaraðili skuli auglýsa vörur á góðu verði en mér finnst ekki rétt að loka á aðra bara því hann heitir ekki B&L eða GS tuning!

En þetta er bara mín skoðun

Á hinn bóginn er þá ekkert því til fyrirstöðu að gústi setji inn marga pósta þar sem hann auglýsir til sölu einn magnara á x verði( setja inn myndir og upplýsingar en ekki link) og svo eitt par af hátölurum á x verði og svo koll af kolli

Eða mynduð þið loka því líka?

Kveðja

[arnib]

Það er betra að hafa staðreyndirnar á hreinu þegar þú póstar svona.

Gunni í GSTuning er ekki einn af stjórnendum spjallsins né í stjórn BMW Krafts.
Þú ert væntanlega að rugla honum saman við "Gunni", sem er annar tveggja upprunalegra stofnenda klúbbsins.

GSTuning veita meðlimum bmwkrafts afslætti gegn framvísun meðlimaskírteina og ef þeir virðast hafa haft einhver sér réttindi þá er það vegna þess.

Á hinn bóginn er þá ekkert því til fyrirstöðu að gústi setji inn marga pósta þar sem hann auglýsir til sölu einn magnara á x verði( setja inn myndir og upplýsingar en ekki link) og svo eitt par af hátölurum á x verði og svo koll af kolli

Það er augljóst mál að það er erfitt að koma svona stefnu niður á skýran hátt í orðum, og því verða án efa alltaf einhverjir árekstrar.
Ef að einhver aðili tekur sig til og póstar inn 8 mismunandi þráðum um splunkunýjar vörur, jafnvel þó þær innihaldi verð og allt þetta, mun því örugglega vera eytt út.

Vefurinn okkar á ekki að vera ókeypis auglýsingamiðill fyrir fyrirtæki.

[gstuning]

Ég skal pitcha mínu inn

Ég set eitthvað í einhvern þráð þegar fólk óskar eftir því eða sendi því PM

Ég minni líka á að senda mér frekar PM eða email í stað þess að pósta aftur í þráðinn

Ég kem ekki BMWkraft við á neinn stjórnarlega hátt

GTTurbo ,, held ég að hafi sett in flestar til sölu auglýsingar , enginn minnist á það er það,,

[Gunni]

Verð nú að viðurkenna að mér finnst þetta hálflélegt að loka á fólk sem er að bjóða vöru til sölu sem greinilega er langt undir því verði sem önnur fyrirtæki eru að bjóða sambærilega vöru á!

Það er auðvitað mjög gott ef menn eru að bjóða vörur á lægra verði en áður hefur þekkst. BMWKraftur er ekki samtök sem aðstoða fólk við að koma nýjum fyrirtækjum á framfæri, heldur er þetta BMW eigenda og áhugamannaklúbbur!

Ef mönnum finnst við vera að mismuna fyrirtækjum eftir því hvað þau heita þá er um að gera að senda mér póst á gunni@bmwkraftur.is og benda á það. Það verður þá lagað. Einnig verður að taka til greina að fyrirtæki sem veita félagsmönnum afslátt hafa sjálfkrafa tækifæri á því að auglýsa tilboð á vörum og þjónustu.

Náttúrulega mjög flott að B&L sem er ykkar aðal styrktaraðili skuli auglýsa vörur á góðu verði en mér finnst ekki rétt að loka á aðra bara því hann heitir ekki B&L eða GS tuning!

B&L er ekki okkar aðalstyrktaraðili, ekkert frekar en TB. Við höfum engan aðal styrktaraðila heldur helst klúbburinn uppi á þeim áhugamönnum sem hafa áhuga á að halda honum gangandi. Þetta er gert með því áhugamenn borga hóflegt aðildargjald og taka þátt í samkomum á vegum klúbbsins. Þetta hefur gegnið mjög vel í gegnum tíðina og klúbburinn stækkar og stækkar og umferðin um síðuna eykst jafnt og þétt.


Að sjálfsögðu er gott að fá input frá þeim sem stunda spjallið. Klúbburinn er ekki bara spjallið heldur svo margt margt annað. Það er á döfinni að koma þessum reglum og viðmiðum upp á spjallið í stöfum svo menn geti bara lesið það!

Minn kæri Björgvin. Ef þú hefur áhuga á því að halda úti vefsíðu þar sem fyrirtæki geta auglýst eins og þeim sýnist, þá óska ég þér bara góðs gengis. Við hérna hjá BMWKrafti höfum ekki áhuga á því að eyða fjármagni klúbbsins og tíma okkar í það að halda úti slíku vefsvæði. Svona vinnubrögð hef ég hvergi rekist á og ástæðan fyrir því er trúlega sú að þannig vefsíður eru ekki áhugaverðar.

Það hafa komið upp hugmyndir hjá okkur um að hafa svona "tilboðshorn" hérna þar sem svona dæmi yrði geymt á. Við höfum ekki enn farið út í þetta. Ef það er vilji hjá félagsmönnum fyrir svona hluta þá er sjálfsagt að koma til móts við þá. Menn verða samt að skilja það að við sem klúbbur getum ekki sífelt verið að hlusta á raddir sem koma héðan og þaðan!

Vonandi hefur engin tekið þessum skrifum illa á neinn hátt, enda voru þau ekki meint til þess.

p.s. ég færði þetta í off-topic því þar á þetta betur heima.

[Farinn]

Takk fyrir skjót og mikil svör frá ykkur öllum!!!
Ég er bara að taka þátt í umræðunni vissi ekki að þið væruð svona frábrugðnir hinum spjallvefjunum! Skil ykkar afstöðu hinsvegar mjög vel og virði það sem þið ákveðið enda er þetta ykkar vefur! Þar sem ég hef hvort eð er ekkert að selja og ef svo væri þá myndi ég bara auglýsa það annarsstaðar því þegar öllu er á botninn hvolft þá er ekki mikil sala á þessum spjallvefjum nema á smáhlutum svona almennt! Biðst afsökunar á þessu með GStuning bara af sumum póstum tengdum honum virðist sá ágæti maður oft vera í forsæti hérna en gott að sá miskilningur sé hér með leiðréttur

Kveðja