bmwkraftur.is

Ég var að tala um til dæmis e21. Hann er bæði gamall, illa búinn og óöruggur.

obb obb bob

Ussss.. er ég orðinn svona gamall... Bambapabbi



Gamlir og illa búnir bílar. Hmmm. Sko, þegar Passat 2002 árgerð verður orðinn 20 ára gamall, þá hugsa ég að hann verði alveg jafn langt frá bílum þess tíma eins og E21 er í dag frá okkar tíma. Þannig að hann verður þá líka út úr kú hvað varðar allt þetta sem þú ert að telja upp eins og öryggi.

Og ég mun ekki treysta á að airbag í 20 ára gömlum bíl muni virka! Þannig að ég er ekkert svo viss um að 20 ára bíll verði eitthvað óöruggari heldur en 40 ára bíll. Ég tel E23 t.d. alveg jafn öruggann og 2002 árgerð af Passat, ef þú telur airbag ekki með.

Svo vil ég nú ekki segja að E21 sé óöruggur bíll! Af hverju er hann óöruggur? Af því að hann er ekki með airbag?

Mengunarstaðlar. Það er nú ekki sama hvaða staðla þú ert að miða við. Í dag eru bílar framleiddir fyrir alla markaði, þannig að BMW í dag er að miða við ofur-kröfur Kaliforníu ríkis t.d. ... Fyrir okkur á Íslandi er engin þörf á svona kröfum, enda eru ekki svoleiðis kröfur hjá okkur. Þannig að gamlir bílar koma alveg til með að standast mengunarstaðla alveg eins og í dag.

Að sjálfsögðu er það af hinu góða að minnka mengun, en gamlir bílar er ekki eitthvað sem telur í því sambandi. Þá ætti frekar að skrúfa fyrir eitt álver

Kröfur almennings. Þær eru nú misjafnar eins og mennirnir eru margir. Ég vil nú ekki segja að aldur bíls ráði því hvort hann stenst kröfur almennings. Þó svo að flestir vilji Toyota er þá þar með sagt að BMW standist ekki kröfur almennings? 735i árgerð 1978 stenst betur kröfur mínar heldur en 2002 árgerð af Daiwoo Matiz !
Þó svo að MEIRIhlutinn vilji farartæki til að koma sér á milli staða, þá eru margir sem vilja annað.

Sumum finnst miklu skemmtilegra að aka um á nýjum framdrifnum fallegum kraftlausum VW polo með glasahöldurum og nýjubílalykt heldur en 15 ára gömlum BMW 535i. Það er bara af hinu góða. Ætli það sé ekki svona 70-85% sem myndi frekar velja Polo-inn sem akstursbíl í dag frekar heldur en 535i-inn. En ekki ég og nokkrir aðrir. Það finnst mér bara gaman og gott.



Eheee. Ég hef aldrei heyrt um tölvur sem búa til tölvur. Þannig að það verður alltaf þannig að tölvur muni bila, því mennirnir sem búa þær til gera mistök.

Þ.a.l. munu bílar í framtíðinni bila alveg jafn mikið ef ekki meira en gamlir bílar. Þessvegna er það líka svo að það er verra að eiga fyrstu módelin af nýjum bílum, heldur en seinni módelin. Síðustu módelin verða best, því þá er komin reynsla á kerfin í bílunum og búið að sníða vankantana af þeim.

Svo er það nú ekki bilunin í tölvunum sem er það versta. Yfirleitt er það að finna HVAÐ er bilað sem er verst. Eða eitthvað í rafkerfinu kringum tölvurnar. Ég get ekki ímyndað mér að það sé hægt að gera við 745i árgerð 2002 eftir smá flóð! En 323i 1981 módel.. Ég myndi treysta mér í það.. Jafnvel 745i 1985 módel.



Já. En mörgum finnst þetta ekki góð þróun. Þó svo að margir hugsi ekki nema bara um öryggi og þægindi, þá eru líka margir sem vilja meira. Þegar 850ci kom á markaðinn fékk hann hræðilega dóma hvað varðar akstursÁNÆGJU. Hann var það besta á þeim tíma. Mjög öruggur, þægilegur og flottur. Samt gáfu menn honum verri einkun en fyrirennaranum, E-24!

En ég er alveg sammála síðustu setningunni. Maður verður nefnilega að fórna einhverju til að fá eitthvað. Svo er það bara spurning hverju þú vilt fórna.

Ég vil frekar fórna nýjubílalykt fyrir minni afskriftir. Airbag fyrir stíl og akstursánægju. En það er ekkert réttara en að fórna stíl fyrir airbag!

Ussussusss, ég er búinn að lofta í bili.

Hvað fær mann til að skrifa svona langar greinar eiginlega ?

Sæmi Barbapabbi

Kannski ótrúlegur áhugi á BMW?

Ég held að sæmi sé bara fyrirmynd flestra hérna hvað "UMHYGGJU" BMW bifreiða varðar.
Ég tek að ofan fyrir þessum snillingi.

_________________
Haffi W. Schnurrenberger.

Þakka þér.. fyrir að þakka mér

En humm, umhyggju bíla. Maður er orðinn alltof latur við að bóna. Ég nennti alltaf að bóna þegar ég var sautján! En núna finnst mér það stundum ekki spennandi tilhugsun.

Ég er nú ekkert skárri en margir aðrir

Takk samt.

Sæmi höfðingi.

P.S. Úgg

Jæja, þetta er náttúrlega virðingarvert hjá Sæma. Maðurinn ELSKAR Bimma. Það var eins og ég hafi bara stórlega móðgað hann sjálfan. En hvorki í þessu máli né öðrum er gott að ráðast svona mikið af tilfinningum.




Láttu ekki svona! E21, E23 (eða þessir eldgömlu bimmar) er óöruggur, miðað við nýjustu bílanna og þá eru þeir óöruggur yfir höfuð. E21 er ekki með airbag, ekki með abs, engar styrkingar, boddyið er orðið gamalt, engar af þessum öryggiskröfum og það var bara ekkert verið að gera ráð fyrir neinum öryggisneinu á þessum tíma. Hvað ætli hann mundi fá margar stjörnur hjá NCAP? Já, enga. Af hverju? Því hann er alls ekki nógu öruggur.

Meginpunkturinn er þessi, e21 og e23 eru EKKI með airbag né annan öryggisbúnað og eru þar af leiðandi ekki eins öruggir og Passat 20 ára. Mér er bara skítsama þótt "kannski" sé e21 og e23 jafn öruggir og Passat ef allt öryggisdótið væri tekið út. Þetta er eins og ég mundi segja "Ef ég mundi taka hjólin undan nýjum BMW M5, þá mundi Hræhatsjú Charade rústa honum í spyrnu". Höldum okkur allaveganna við staðreyndir málsins! Staðreyndirnar eru að E21 og E23 eru ekki með neinn öryggisbúnað og eru því ekkert öruggir.

Ef þú segir að þú gerir ekki ráð fyrir að airbag í 20 ára gömlum bíl virki ekki, þá get ég alveg eins sagt að ég geri ekki ráð fyrir að bremsurnar virki í 20 ára gömlum BMW í dag. Það er enginn ástæða til að halda þessu fram.

Verður Passat 2002 alveg jafnt langt frá nýjustu bílum þá og 20 ára BMW er í dag? Já, eflaust. Af hverju? Því hann verður GAMALL og ÓÖRUGGUR miðað við nýjustu bílanna! Það breytir því hinsvegar ekki að Passat 2002 árið 2022 verður öruggari heldur en BMW e21 '81 árið 2001.

Það er eins og þú takir þessu sem árás á BMW sérstaklega. Ég er bara að tala um gamla bíla yfir höfuð. BMW '81 er gamall bíll og því fínt að taka hann sem dæmi.



Enda var ég að tala um ókomna framtíð. Það kemur að því að tölvur búi tölvur, með nánast engri hjálp heimskra manna! Auðvitað verða bílarnir ekkert algerlega lausir við bilanir, en þróunin er þannig að bílar bila allt minna og minna. Það er staðreynd. Þessi þróun verður alltaf hraðari og hraðari. Bílar bila alltaf minna!



Auðvitað er það alltaf þannig að þarf að ná tökum á því sem er verið að gera. Þegar meiri reynsla, þekking og kunnátta verður komin þá verða bílarnir alltaf betri og betri.




Flestir nýju, dýrari bílar eru komnir með bilanatölvur, sem greina hvað sé bilað. Þessi tækni er sniðug en hún þarf meiri tíma til að verða betri. Hún á eftir að verða betri og þá getur tölvan sagt til um hvað sé bilað.

Það er auðvitað alveg hægt að gera við 745i 2002 sem mundi lenda í flóði. Það mundi auðvitað kosta mikla vinnu, varahluti og peninga (en reyndar allt í kaskó og ábyrgð). Það ætti ekkert að gera við 323 '81 ef hann mundi lenda í flóði, það er mín skoðun alveg ótengt því hvort það sé eitthvað auðvelt eða ekki. Samt er nú ekkert auðvelt að fá nýja varahluti í svona gamla bíla. Þetta er bara þróunin. Þessi gömlu deyja.



Auðvitað eru alltaf einhverjir sem vilja 15-20 ára gamlan BMW, sem betur fer! Auðvitað er það af hinu góða. En það er alveg ljóst mál að kröfur almennings eru hærri en svo að eiga 15-20 ára gamlan BMW. Undantekningar sanna regluna. Það er líka af hinu góða, því þá getur þessi þróun fengið að þróast.


Punkturinn var bara sá að 15-20 ára gamall BMW mengar minna en nýjir bílar, enda hafa kröfurnar hækkað og nýjir bílar menga margfalt minna.

Hvað færi mann til að skrifa svona langa grein?

Árni ég hvet þig til að kaupa bílinn, þú færð hann á svo góðu verði að þú getur slegið af Miötunni og selt hana fyrir sumarið!

Svona til að svara hinu spjallinu.

Ég hef mjög lengi velt fyrir mér bílamenningu og að mínu mati eru nýjir bílar óðum að fjarlægast það sem hægt er að kalla bílamenningu. Þetta eru orðin fyrst og fremst samgöngutæki eins og sést á aukningu MPV bíla og glasahaldara í bílaflotanum í dag.

Gamli sjarmurinn er að hverfa. Þetta er sama og með flugið, ungt fólk í dag horfir ekki í hyllingum á flugvélar taka á loft eða fær gæsahúð þegar það finnur steinolíulykt en mín kynslóð er sennilega sú síðast sem man þann tíma þegar það var flott að vera flugfreyja og flugvélar voru framandi og spennandi.

Ég held því líka fram að stefnan í umferðarmálum hér heima sé kolröng. Mín ósk væri sú að mér væri gert kleyft að nota almenningssamgöngur til að komast á milli staða því þær eru síst verri en þessir nýju og ofuröruggu bílar. Ef staðan væri þannig þá gæti ég nefnilega átt dekurbíl sem væri eingöngu keyrður til gamans og því ekki háður öllum þessum leiðinlegu kröfum sem eru gerðar til nútíma bíla.

Ég kalla nú ekki allt ömmu mína í þessum efnum og er búin að keyra heilan helling af allskonar bílum. BMW er að berjast við að halda í sitt concept "the ultimate driving machine" og það verður sífellt erfiðara og erfiðara í nýjum bílum eins og hefur sést á auglýsingum frá Benz (I drive, NO you DRIVE).

E21 er vissulega gamall bíll, en hann er með öfluga vél og góðar bremsur, nokkuð sem skiptir miklu meira máli en loftpúðar bílbeltastrekkjarar. Jú, vegna þess að það minnkar líkurnar á að þú lendir í árekstri.

E21 er líka með krumpusvæði og sex strokka línu vél í löngu húddi til að taka á sig högg.

E21 er líka laus við allt prjál sem í rauninni eru ónauðsynlegir hlutir eins og t.d. glasahaldara, aksturstölvur, rafmagn í hinu og þessu. Vissulega getur verið þægilegt að hafa þetta allt og gaman - en þetta dregur líka úr athyglinni við aksturinn. Í gömlum bílum er sáralítið sem getur dregið úr athyglinni við aksturinn.

Það er líka vel hægt að gera E21 jafn öruggan og nýjan bíl. Það er til dæmis hægt að gera með því að kaupa öruggari sæti í hann og fjögurra eða fimm punkta belti. Svo mætti henda í hann veltibúri fyrir lítinn pening og þá ertu kominn með þrælöruggan bíl.

Það er líka tekið betur eftir svona bílum í umferðinni og maður keyrir þá af meiri virðingu en hinn hefðbundna Passat eða Polo. Allt þetta stuðlar að því að maður lendi síður í árekstri sem hlýtur að vera best þegar á allt er litið.

Hvað aldurinn varðar þá eru það hreinar línur að nýjir bílar eiga eftir að eiga styttri líftíma en bílarnir sem við erum að keyra á í dag.
Þeir eru VERR settir saman en ekki betur, þeir eru miklu flóknari og endurvinnanlegir og höfða ekki til hjartans eins og þeir gömlu. Allt þetta þýðir að fólk mun hugsa ver um þessa bíla og þeir munu verða skemur í umferð og þegar þeir verða lélegir verða þeir endurunnir en ekki gerðir upp eins og hinir.

Gamlir bílar eiga meira skylt við nytjastefnu en nýjir.

Nýtt er ekki alltaf betra en gamalt og það sést best í hönnun ýmiskonar í kringum okkur í dag. Ef ég lýt í kringum mig núna er meira af gömlum hlutum í kringum mig heldur en nýjum og það er bara vegna þess að þeir nýju uppfylla ekki mínar kröfur um gæði og notagildi.

Vá... mér er íllt íhendinni... og farinn að ryksuga!

_________________
Ingvar Örn || BMW R100RS 1994 || Renault Megane RS Turbo 2009 || Alfa Romeo Duetto 1967 Fast Road

Já Gesturinn, það er gaman að þessu

Ég get bara ekki annað en brosað og skemmt mér hið besta. Það má segja að ég elski BMW ... suma allavega En nei nei, ég er ekkert móðgaður, tek þessu alls ekki óstinnt upp. Mér finnst það sjálfsagt að fólk hafi öðruvísi skoðanir á hlutunum en ég. En mér finnst líka sjálfsagt að aðrir taki þá tillit til þess að ég hef kannski öðruvísi skoðanir en það sjálft. Og jafnvel fleiri til ! Þessvegna æsir það upp í mér tilfinninguna þegar komið er með fullyrðingar sem ég er ekki sammála.

Mér finnst skrif þín nú alveg einkennast jafn mikið af tilfinningu og mín og skil ekki af hverju það er slæmt að láta stjórnast af þeim? Mér finnst bara hið besta mál að hafa einhverja sannfæringu til að fylgja. Enda hefur mér fundist á þínum skrifum að þú hafir nokkuð sterkar meiningar eins og ég



Ég ætla bara víst að láta svona Það er mín skoðun að E21 eða E23 séu ekki eldgamlir bílar og þeir séu öruggir.

Það er bara þín skoðun að þeir séu óöruggir og stjörnugjöfin sem þú ert að tala um hjá NCAP er bara ágiskun hjá þér. Ég er með þá ágiskun að E23 komi ekki verr út úr stjörnugjöfinni heldur en glænýr Daiwoo Matiz.

Hvað er öruggara í bíl framleiddum í dag heldur en 1982 módel af E21/23/24 sem dæmi, fyrir utan loftpúðana? Þá er ég að sjálfsögðu að tala um bíl sem hefur fengið viðunandi viðhald.

Svona í leiðinni get ég nefnt að E24 bíllinn, sem var hannaður á grunni E28 bílsins (þ.e.a.s. 6-línan eftir 1982) fór talsvert fram úr þeim stöðlum sem eru í ameríku. BMW vissi ekki hvað ameríkaninn myndi verða strangur á reglum varðandi styrk bíla í framtíðinni. Svo til að þeir myndu ekki lenda í vandræðum seinna meir með ameríkumarkaðinn, líkt og með fyrirennaran E9 (Cs bílinn), þá höfðu þeir bílinn mun sterkari en kröfur komu svo til með að segja til um.
Það var meira notað af stáli í bílinn heldur en væri gert í dag! Eftir 1983 var meira að segja dregið úr notkun efnis í bílinn til að minnka viktina, því nægjanlegur styrkur fékkst samt sem áður. Og þannig var bíllinn framleiddur allt til 1989.

Ég er hjartanlega sammála þér að eldgamlir bílar eru óöruggir. Ford T módel er óöruggur. BMW 3.0 Csl er óöruggur á vissan máta (þakið er með mjög lítinn styrk, ef bíllinn skyldi velta). Bílar sem voru með skálabremsur að framan eru óöruggir osfrv.

En E21 er með styrkingar í öryggisskyni. Sama á við um E23-E24 og E28. Í handbók bílsins segir að hann sé með "Safety occupant compartment with built-in roll bar. Impact absorbing front and rear body sections with controlled deformation behavior" E21 er reyndar ekki með ABS, en hinir eru það.

Ég er alls ekki að tala um að taka allt öryggisdótið úr nýjum Passat þegar ég er að bera saman öryggisbúnað bílanna. Það sem ég er að segja með því er: Það er með réttu hægt að segja að í dag sé nýr Passat öruggari bíll en 1983 módel af 735i, því Passatinn er með airbag! En ef við lítum framhjá loftpúðunum, þá vil ég meina að bílarnir séu með sambærilegan öryggisbúnað. Hvað hefur Passatinn framyfir 735i bílinn?

Það var punkturinn minn með að eftir 10-15 eða 20 ár, þegar loftpúðinn í Passatinum er búinn að liggja inni í stýrinu í öll þessi ár. Þegar kemur að því að lofpúðinn á að blása út þá, þá myndi ég ekki treysta honum fyllilega. Ég bara hef ekki hugmynd um hvort það myndi virka. Málið er bara að það er ekki komin reynsla á það.

En auðvitað myndi ég treysta jafnt á bremsurnar á 20 ára Passat og 40 ára BMW. Því að sem meðvitaðir bíleigendur sjáum við að sjálfsögðu um að halda bremsubúnaði bílanna (sem er eitt stærsta öryggistækið) í góðu ásigkomulagi Svo er bara spurning hvor er með öflugri bremsur.

Ég hef ekki hugmynd um bremsubúnaðinn á Passat, en ég veit að bremsubúnaðurinn á E23 er 4 bremsudælur að framan á hvorum kældum disk, og 1 dæla að aftan á heilum disk. Sami búnaður og er notaður á M635csi (6sec í hundraðið).




Annars tek ég þessu ekki sem árás á BMW. Ég tek þessu bara sem gagnrýni á ELDRI bíla. Að segja að 1981 módel af BMW sé gamall er afstætt. Þá hlýtur BMW Dixie að vera ELDGAMALL bíll



Já, það er þín skoðun. Ég er bara ekki sammála. Ég held að það verði aldrei til tölva sem sér um að hanna tölvu og setja hana saman. Ég held það verði alltaf að koma "heimskur maður" inn einhvernsstaðar í ferlið. Og meira að segja kannski klár maður ef við verðum heppin

Og hvaðan færðu þá staðreynd að bílar bili alltaf minna og minna eftir sem nýrri módel líta dagsins ljós? Mér hefur nú sýnst að bílar bili bara ekkert minna og minna. En ég hef ekkert á bak við þá skoðun nema mína tilfinningu.



Og þarna enn einu sinni er ég ekki sammála (hehe, hljómar kunnuglega). Ég ER almenningur og það er mín KRAFA að eiga 15-20 ára gamlan BMW. Það getur verið að meirihluti almennings vilji ekki eiga svona bíl, en ég vil það.



Þetta átti ábyggilega að vera meira, en ekki minna. Ég er að mestu sammála þarna. Nema að það fer líka eftir vélarstærð hvað bíllinn er að menga miklu. Nýr bíll með stóra vél getur verið að menga meira en eldri með minni

Ahh.. nú veit ég hvað fær mann til að skrifa svona langa grein. Þetta er bara svo gaman Já, maður er skrítinn.

Sæmi skrítni og tilfinninganæmi.

P.S. er það ekki það sem virkar á stelpurnar?

Ég er nú ekki alveg sammála þessu Ingvar. hvernig getur það dregið úr athyglinni við aksturinn að geta ýtt á einn takka til að opna og loka rúðunni meðan þú þarft að snúa eins og óður ef þú ert með handdrifinn glugga ?? Eða rafdrifið sæti ? það ætti held ég frekar að láta þig halda athyglinni við aksturinn ekki satt ?!


Svo ætlaði ég líka að benda á eitt í sambandi við bilanir á nýjum bílum. Núna á ég 10 ára gamlann BMW og móðir mín á nýjann Audi. Nú fengum við bílana í hendurnar á svipuðum tíma síðasta sumar. Bíllinn minn er aldrei búinn að bila, en glænýji bíllinn hennar mömmu er búinn að bila 3svar sinnum !!! Það er bara fáránlegt

Segðu mér eitt gesturinn, hefurðu notað tölvu nýlega?

Ég er frekar hræddur við að þróunin í hugbúnaðarbransanum, þar sem hugbúnaður verður sífelt stærri, hægari og bilanagjarnari, eigi eftir að fara illa í bílana. Ekki myndi mér líða vel vitandi að Microsoft Cardows eigi eftir að sjá um öryggi mitt í umferðinni...

_________________
Ingimar
E30 318i Krókurinn (Barnfind in the making)

Microsoft Cardows... góður! Þetta eru samt orðnar skemmtilegar umræður þó það hafi tekið mig dágóðan tíma að lesa þetta.

Eins og allir sem eitthvað hafa forritað eða pælt í forritun þá er meiri líkur á villu í löngum og flóknum kóða en í stuttum einföldum. Núna í dýrum bílum og í framtíðinni í öllum bílum þá sér ein tölva um allt draslið og því verður kóðinn stærri og flóknari sem tekur við skipunum frá fleiri og fleiri skynjurum og það á eftir að leiða til fleiri bilanna. Þegar hlutir verða flóknir þá bila þeir frekar en einfaldir hlutir.

Þið sjáið bara Benz, í dag er Benz bilanatík en áður var Benz með eina lægstu bilannatíðni sem þekktist. Ástæðan er ekki að verið sé að fúska í Benz heldur afþví að Benzinn er orðinn svo flókinn. Vinur min hefur aðgang að nýjum E-Benz og það er alltaf eitthvað vesen á þessu tölvudótaríi.

Ég trúi því ekki að tölvur eigi eftir að gera tölvur í framtíðinni án þáttöku mannanna því alltaf þarf að forriti tölvurnar og einhversstaðar þarf að byrja.

Annars væri ég ekki að taka Passat sem dæmi um nýjan bíl sem bilar lítið því eins og flestir vita þá er bilantíðni í Passat mjög há.

Þessi umræða er bara orðin ansi heit, flott hjá Gestinum að kynda aðeins upp umræðunum hérna

_________________
E36 M3 US | Jeep Grand Cherokee Limited V8

Já Gunni, en maður er oftast búin að stilla sætin áður en maður fer að keyra

En annars veistu hvað ég á við. Mikið af tæknibúnaði í dag dregur úr athygli við akstur. Það nægir að nefna hluti eins og aksturstölvur, leiðsögutæki, iDrive, hljómflutningstæki og ýmislegt fleira.

Auðvitað er þetta í góðu lagi hjá þeim sem hafa hugann við aksturinn hvort sem er. En hvað oft höfum við heyrt um árekstur vegna þess að einhver var að fikta í útvarpinu eða miðstöðinni o.s.frv.

Það er líka annað í þessari umræðu sem vel má minnast. Við vorum mikið að tala um E23 og Passat. Sá fyrrnefndi var með allra dýrustu bílum á sínum tíma og langt á undan sinni samtíð. Hann gæti því hæglega verið nokkuð nálægt og jafnvel fremri Passat þar sem sá síðarnefndi er "budget" millistærðarbíll.

Það er svo hin mesta firra að halda að maður sé laus við bilanir bara vegna þess að maður á nýjan bíl. Það er ekki svo, allir sem ég þekki og eiga nýjan bíl þurfa að glíma við einhverskonar bilanir sem eru nánast alltaf af völdum rafmagns. Það vill svo til að tveir þeirra eru t.d. á Passat og einn á Octavia.

Maður losnar kannski við viðhald vegna slits, en ekki bilanir.

Ég held að Sæmi hafi hitt naglann á höfuðið með úreldingu nýrra bíla. Það verður miklu erfiðara að halda þeim gangandi í 10 ár heldur þeim bílum sem nú eru 10 ára gamlir. Hvað þá 20 ár! Hvernig haldið þið að það gangi að fá varahluti í allan þennan búnað sem er í nýjum bílum í dag eftir 20 ár?

_________________
Ingvar Örn || BMW R100RS 1994 || Renault Megane RS Turbo 2009 || Alfa Romeo Duetto 1967 Fast Road

ég er kominn með hausverk, illt í augunum, drepast í baki og ég missteig mig áðan og er ekki ennþá búinn að vinna!!! og ég nenni ekki að lesa allann þennan post.

En ég held að þetta sé stútfullt af allskonar sniðugu drasli þannig að ég þykist vera gáfaðari eftirá !

_________________
Haffi W. Schnurrenberger.