Krónan ...

[bebecar]

JÁ SÆLL!

Eur : 124 kr.
Gbp : 158 kr.
Usd : 78,5 kr.

ISV: 159,4


Þetta virðist ætla að halda áfram svona

Nú fara eflaust margir að rúlla..

Já, þetta er náttúrulega bara sorglegt og sárt. Þetta verður alvöru þrældómur fyrir fjöldan allan af fólki - þetta er nýjasta birtingarmynd þrælahalds í rauninni.

Það hlýtur að sjóða reiðin í ansi mörgum núna, en hverjum verður kennt um?

Getum flest kennt sjálfum okkur um..

Skv. gengisþróun á Landsbankanum hefur japanska yenið hækkað um
37% síðasta mánuðinn og svissneskur franki um 30,62%
Hægt að skoða þetta hér
http://www.landsbanki.is/markadir/gengi ... gisthroun/

Þetta eru þær myntir sem flestir hafa mælt með síðasta árið,
þetta þýðir að áhvílandi lán upp á 4,4 mkr. á RR Sport er komið í tæpar
6,1 m.kr.

Getur ímyndað þér stöðuna hjá þeim sem tóku lán í erlendu fyrir íbúð...

Þetta segir manni allavega nokkra hluti; sagan endurtekur sig, ekki er markt takandi á flestum sérfræðingum í fjármálageiranum (sbr. þá sem mæltu með jeni og svissneskum frönkum), það borgar sig að skulda sem minnst (þetta hefur nú líklega verið rætt í bak og fyrir hér enda margir sem hafa tekið há bílalán), í uppsveiflu þyrfti svo að muna næst að leggja til hliðar fyrir mögru árunum.

Þetta með tekjur í íslenskum og skuldir í íslenskum er eitthvað sem fólk hefur ekki talið skipta það miklu máli. Fjöldi fólks hefur í áratugi keypt gjaldeyri og veðjað á hann (í þá daga átti reyndar fólk peninginn en í dag eru peningar búnir til úr skuldum!)

*smá edit - það má heldur ekki gleyma því að það er mjög auðvelt að vera vitur eftir á! Þá er annað mál með há laun í fjármálageiranum, þau eru kannski síst of há ef þetta er starfsöryggið sem menn búa við (nú á ég ekki við toppana auðvitað því þeir eru eflaust með allt sitt á græna svæðinu).

Mér verður nú bara flökurt af því að hugsa um þetta en þó er ég nú ágætlega staddur.

[fart]

I h8 to say I told you so....

[bebecar]

I h8 to say I told you so....

Jah maður hefur nú sem betur fer nokkra sem hafa reynst skynsamir í þessu og þú ert nú þar á meðal, enda hefur þú verið á sömu línu og félagar mínir tveir aðrir - enda allir kannski í reyndari kanntinum miðað við flesta í þessum geira í dag.

Námslánin hrökkva skammt í dag. Við erum samt alveg OK hérna úti þar sem við erum bæði með sparnað og innkomu í DKK.

Hinsvegar þá eru þessar fréttir ekki beint glæsilegar fyrir fólk sem er farið að langa heim - maður þarf dálítið að meta þetta. Það gæti verið góður leikur að vinna erlendis á meðan gengisvísitalan er svona há, maður gæti t.d. notað tækifærið og keypt stærra húsnæði þegar það byrjar að lækka og sparað sér stórfé þar.

Síðast þegar svona gengisfelling varð þá endaði systir mín einmitt með því að búa í 13 ár akkúrat þar sem þú býrð - það stóð aldrei til að vera það lengi úti en við kringumstæður sem þessar þá er fátt sem lokkar mann heim nema fjölskyldan, vinirnir og náttúran.

[Zyklus]

Og athugið það að það á enn eftir að innleysa krónubréf fyrir nokkur hundruð milljarða, auk þess sem vextir eru í hæstu hæðum.
Við höfum einfaldlega lifað um efni fram eins og margir hafa bent á og nú er komið að skuldadögum. Fólk hefur haldið að þetta ástand myndi vara endalaust, að við gætum endalaust skuldsett okkur og að það giltu einhver önnur hagfræði lögmál hér á landi.

Set inn áhugaverða grein eftir íslenskan hagfræðing.

Margir spyrja sig þessa dagana hverjir séu að selja íslenskar krónur og stuðla þannig að falli hennar? Er málið að verið sé að fella krónuna eða er þetta eðlileg þróun?

Gróflega áætlað hefur vaxtamunurinn s.l. 9 ár verið nálægt 7% sem þýðir t.d. að við höfum greitt útlendingum að jafnaði um 7% hærri vexti en þeim býðst í viðskiptalöndum okkar. Þetta nemur um 84% uppsöfnuðum mun. Gjaldeyris- og vaxtajöfnuður (e. fx and interest rate parety) segir okkur að gjaldmiðillinn ætti að gefa samsvarandi mikið eftir – eða 84%.

Meðalgildi vísitölunnar á þessu tímabili hefur verið 120 og samkvæmt þessu ætti gengisvísitalan að vera í 220 til að vega upp á móti miklum vaxtamun undanfarinna ára! Gengisvístalan er í 142 þannig að hún er enn langt frá 220. Economist endar flestar greinar sínar um hávaxtamyntviðskipti (e. carry trade) með því að segja að forsendur slíkra viðskipta ættu ekki að vera fyrir hendi og hljóta því að leiðréttast á endanum. Ef Economist hefur rétt fyrir sér sem og klassísk hagfræði þá gætum við verið að horfa á upphaf lækkunar.

Ef við snúum dæminum við þá hefði það átt að vera stórfrétt og hringja háværum viðvörunarbjöllum að hagur heillar þjóðar batnaði við það eitt að auka skuldir og fá lán hjá útlendingum? Það þótti hins vegar ekki frétt enda voru allir sælir og glaðir en var þetta ekki of gott til að vera satt? Of sterk króna kom til vegna tilflutnings lána, aukinnar lántöku erlendis og komu spákaupmanna og það er bein afleiðing peningamálastefnu Seðlabankans.

Það gagnast lítið nú að benda á aðra og reyna að finna einhverja blóraböggla. Nú er leiðrétting í gangi og upphæðirnar sem leiðrétta krónuna eru slíkar að einstakir bankar geta ekki haft mikil áhrif á þetta flæði. Staðan í “jöklabréfum” er 500 milljarðar, skuldir umfram eignir erlendis um 1.500 milljarðar. Þetta er háar tölur fyrir lítið hagkerfi. Hátt vaxtastig leiðréttist með gjaldfellingu gjaldmiðilsins segir klassísk hagfræði, undir það tekur Economist og ástæðurnar í takt við séríslenskar aðstæður eru útskýrðar í grein okkar Kára frá 2001.

(tekið af: http://stiklur.blogspot.com/2008/03/hvert-er-krnan-fara.html)

Set líka þetta inn:

Heildarlán heimilanna í erlendri mynt standa nú í 57 milljörðum króna og heildarstaða útistandandi jöklabréfa er um 500 milljarðar. Síðari talan hefur jafnmikil áhrif á gjaldeyrismarkað hér, samkvæmt útreikningum Jóns Helga og Kára, og 2,6 milljónir tonna af útfluttum þorski, sem mun samsvara um 17 ára þorskveiði miðað við leyfðar veiðar á yfirstandandi fiskveiðiári.

En þar sem styrking krónunnar er ekki tilkomin vegna aukins útflutnings heldur lántöku þá er niðurstaða fjármálasérfræðinganna að innistæðulausar krónur ollu góðærinu og nú séu skuldadagar að renna upp með minnkandi virði krónunnar.

Það má því segja að það sem sé að gerast núna sé einfaldlega hagfræðin að verki sem við Íslendingar höfum haldið að ætti við alla aðra en okkur sjálf. Krísan á fjármálamörkuðum erlendis er einfaldlega nálin sem stakk á blöðruna hér heima.

[fart]

Jújú.. þetta gerir það minna freistandi að flytja til íslands, Þó svo að freistingarnar hafi ekki verið margar fyrir allavega fyrir mig persónulega.

Ég get samt ekki annað en fundið til með fólki sem fór út í gengistryggð lán án þess að hafa svo mikið sem eina evru/yen/franka í laun eða innkomu og getur því ekki matchað tekjur/gjöld. Auk þess (nú þegar ég hef verið á Íslandi í nokkra daga) hvað hlutirnir hérna eru viðbjóðslega dýrir... allir nema Benzín! sem er alveg á pari við meginland EURO fyrir utan Lúx.

Bensín kostar 1.45 euro (til 1.50) í .de/.be/.fr og það eru 180kr á líter.... þannig að menn mættu alveg hætta að væla yfir bensínkostnaði hér, og einbeita sér frekar að matvöruverði.

[grettir]

Ég er með íbúðalán í íslenskum krónum sem hefur hækkað um tvær milljónir á tveimur árum vegna verðtryggingar.

Þessar tvær milljónir eru ekkert að fara, heldur koma til með að safna vöxtum um komandi ár með tilheyrandi kostnaði fyrir mig og mína fjölskyldu. Og það á bara eftir að bætast við þær.

Það sem myndi minnka eftirspurn eftir erlendu fjármagni væri afnám þessarar fáránlegu verðtryggingar sem er ekkert annað en rányrkja af verstu sort.

Með lán í erlendri mynt getur maður alltaf beðið og vonað að krónan jafni sig - tekið smá áhættu. Ef maður þolir tímabundnar sveiflur (nokkra mánuði, jafnvel ár), þá borgar það sig alltaf að vera með lægri vexti og óverðtryggð lán. Þá er ég að tala um íbúðalán til margra ára. Ég skil vel að langtíma sveiflur fari ekki vel í bílalánin.

Áhætta er ástand sem getur farið á hvorn veginn sem er.
Það er enginn áhætta með verðtryggingu. Maður er alltaf í djúpum skít - allir vita það og enginn gerir neitt í því og þessi gagnslausu jakkaföt sem gaspra á þingi gera ekki nokkurn skapaðan hlut.

[fart]

Ég er með íbúðalán í íslenskum krónum sem hefur hækkað um tvær milljónir á tveimur árum vegna verðtryggingar.

Þessar tvær milljónir eru ekkert að fara, heldur koma til með að safna vöxtum um komandi ár með tilheyrandi kostnaði fyrir mig og mína fjölskyldu. Og það á bara eftir að bætast við þær.

Það sem myndi minnka eftirspurn eftir erlendu fjármagni væri afnám þessarar fáránlegu verðtryggingar sem er ekkert annað en rányrkja af verstu sort.

Með lán í erlendri mynt getur maður alltaf beðið og vonað að krónan jafni sig - tekið smá áhættu. Ef maður þolir tímabundnar sveiflur (nokkra mánuði, jafnvel ár), þá borgar það sig alltaf að vera með lægri vexti og óverðtryggð lán. Þá er ég að tala um íbúðalán til margra ára. Ég skil vel að langtíma sveiflur fari ekki vel í bílalánin.

Áhætta er ástand sem getur farið á hvorn veginn sem er.
Það er enginn áhætta með verðtryggingu. Maður er alltaf í djúpum skít - allir vita það og enginn gerir neitt í því og þessi gagnslausu jakkaföt sem gaspra á þingi gera ekki nokkurn skapaðan hlut.

erlend lán vs verðtryggð eiga að vera jöfn til lengri tíma svo lengi sem einhver fer ekki inn í grunnmyntina og skekkir hana til skamms tíma eins og jöklabréfin gerðu. Þannig að til lengri tíma skiptir engu hvort þú skuldar isk+verðbætur eða erlent....... EF þú hefur enn efni að borga afbornair á lánstímanum.

MÁLIÐ ER NEFNILEGA að
- Verðtryggð lán verða afturþung, þ.e. höfuðstóllinn hækkar en næsta greiðsla hækkar ekkert svo mikið í hárri verðbólgu
-Gengistryggðlán eru framþung, þ.e. ef gjaldmiðillinn hækkar um 30% á 2 vikum hækkar næsta greiðsla um 30%, og þar skilur á milli.

Sumir hafa bara ekki greiðslugetu í 30% hærri afborgun, á meðan verðtryggða lánið hækkar bara um 2-3% max í næstu afborgun.

Ef maður tekur dæmið svo lengra er betra að vera með verðtryggt lán en gengistryggð því að verðbólga helst gjarnan í hendur við verð á húsnæði (hefur verið drifin áfram síðustu ár útaf húsnæðisþættinum) og því ætti eiginféð að haldast nokkuð stöðugt í húsinu svo lengi sem það verður ekki óðaverðbólga (eða kreppuverðbólga).

Með gengistryggðu láni getur eiginféð þornað upp á einum mánuði, eða jafnvel tveimur vikum, og jafnvel orðið það neikvætt að viðkomandi geti ekki selt sig út úr eigninni nema borga með og það cash hann kanski ekki til. Eina leiðin er því að láta bjóða sig upp... sem er náttúrulega ekki gaman.

[Leikmaður]

En þeir sem eru í ,,góðri stöðu" í dag varðandi lán. Ekkert bílalán, rock solid fasteignalán frá gamla góða Íbúðalánasjóði frá 2003 en með slatta lausafé inn á banka.

Hvað gera þeir?

Á maður að láta peninganna rýrna inni í banka? Eða á maður að hoppa um borð í evrulestina? Betra er seint en aldrei?

[hlynurst]

Varðandi lausaféð þá hef ég verið að gæla við eitt.

Er með þetta á Markaðsreikning hjá KBBanka sem býður upp á 9,9 - 13,8% vexti og fer þetta eftir innistæðu. Það sem ég er að spá í að gera ef evran heldur sér áfram í núverandi stöðu er að breyta reikningnum í verðtryggðan reikning sem með ákveðnum binditíma. Ef verðbólgan verður hærri 6-7% þá væri viturlega breyta þessi til að fá betri raunvexti.

Er það málið?

[Leikmaður]

Það sem ég er að spá í að gera ef evran heldur sér áfram í núverandi stöðu....

Er það málið?

En af hverju þá ekki bara setja þetta á gjaldeyrisreikning (held að það séu hefðbundnir debet vextir á honum + þú hangir í hækkun evrunnar) ef krónan lækkar enn frekar.

[hlynurst]

Það sem ég er að spá í að gera ef evran heldur sér áfram í núverandi stöðu....

Er það málið?

En af hverju þá ekki bara setja þetta á gjaldeyrisreikning (held að það séu hefðbundnir debet vextir á honum + þú hangir í hækkun evrunnar) ef krónan lækkar enn frekar.

Þeir bera mest 3,7% ávöxtun (EUR) með 6 mánaða binditíma. Ef evran fer að lækka eitthvað að ráði fyrir þann tíma þá mun ég tapa á því.

[shadow]

En þeir sem eru í ,,góðri stöðu" í dag varðandi lán. Ekkert bílalán, rock solid fasteignalán frá gamla góða Íbúðalánasjóði frá 2003 en með slatta lausafé inn á banka.

Hvað gera þeir?

Á maður að láta peninganna rýrna inni í banka? Eða á maður að hoppa um borð í evrulestina? Betra er seint en aldrei?

Buy low - sell high

Evran er núna á all-time high... og meirasegja seðlabanki evrópu er að reyna gera hvað sem þeir geta svo að evran lækki gagnvart dollaranum.

[Eggert]

En þeir sem eru í ,,góðri stöðu" í dag varðandi lán. Ekkert bílalán, rock solid fasteignalán frá gamla góða Íbúðalánasjóði frá 2003 en með slatta lausafé inn á banka.

Hvað gera þeir?

Á maður að láta peninganna rýrna inni í banka? Eða á maður að hoppa um borð í evrulestina? Betra er seint en aldrei?

Buy low - sell high

Evran er núna á all-time high... og meirasegja seðlabanki evrópu er að reyna gera hvað sem þeir geta svo að evran lækki gagnvart dollaranum.

Ertu viss um að þetta sé rétt?

ECB hafa margoft gefið það upp að þeirra eina markmið er að berjast við/stjórna verðbólgunni.

Og þó svo að € lækki eitthvað gagnvart $, þá getur krónan samt fallið áfram og evran orðið ennþá dýrari.

[Bjarkih]

Svolítið skondið, ég fann í gær gamalt blað inni í vegg heima hjá mér..
Þetta var Þjóðviljinn, dagsettur einhverntímann árið 1985, á forsíðunni var
sagt frá hópi ungs fólks mótmælandi því að hafa misst íbúðirnar sínar.

23. ár síðan.. spurning hvort þetta endurtaki sig?

Það væri gaman að fá að lesa fréttina ef það er mögulegt að skanna hana.

Ég man vel eftir því þegar blöðin voru í hverri viku með 1-4 síður fullar af nauðungaruppboðum á bílum og íbúðum en það hefur verið um þetta leiti og fram til svona 1990 kannski.

Margt ungt fólk hefur ekki hugmynd um að staðan hafi einu sinni verið slík.

http://www.timarit.is/titlebrowse.jsp?t_id=400007&lang=0

Yfir 230 blöð og tímarit þarna á timarit.is

[bebecar]

Sniðug síða en alltof erfitt að leita að þessu