Ég er búinn að prufa 5 tímarit, 2 í USA og 3 í Bretlandi. það væri vafalaust hægt að finna líka ágætis blöð í Þýskalandi, en þýskan mín er ekki svo góð ennþá að ég leggi í það! Ég er búinn að þvælast um Evrópu soldið, og hef ekki fundið önnur blöð sem eitthvað er varið í á ensku á þessum þvælingi.
Það er skemmst frá að segja, að ég var í byrjun mjög hrifin af Roundel, tímariti BMW bílaklúbbsinns í USA, en áhuginn hefur aðeins minnkað síðasta árið eða tvö. Kaninn er mjög mikið í að kvarta og kveina yfir bilunum og lélegri þjónustu, og blaðið er fullt af innsendum kvörtunargreinum. En inn á milli eru mjög skemmtilegar greinar, "The hack mechanic" greinin er mjög oft skemmtileg, og svo eru fínar greinar inn á milli.
http://www.bmwcca.org/Roundel/rdelfset.shtml
Svo var ég áskrifandi að blaði frá vesturströndinni, Bimmer magazine, en nennti ekki að endurnýja áskriftina. Þetta var svona "rich boy magazine", ekkert af greinum um gamla bíla, bara eitthvað nýtt glansandi barbíblað
http://www.yourbimmer.com/magazine2.html
BMWCAR magazine hef ég verið áskrifandi að um nokkurn tíma, og líkar ágætlega við það blað. Mitt val númer 2! Það er góð blanda af nýju og gömlu, kynning á nýju dóti í bílana, innsendar greinar með bilunum sem fundin er lausn á, tekinn, listi yfir alla BMW (á Bretlandsmarkaði) sem seldir hafa verið, með leiðbeinandi verði ásamt tölulegum upplýsingum, private auglýsingar ofl.ofl. Fínt blað.
http://www.bmwcarmagazine.com/
Uppáhaldsblaðið mitt er hins vegar TOTAL BMW. Það er svipað ofangreindu blaði, nema það er ennþá meira af greinum um eldri bílana, 70-90 módel (sem ég hef mestan áhuga á). Annars mjög svipuð uppsetning og á ofangreindu blaði, með innsendum vandamálum, private auglýsingum, samantektarlista yfir framleidda bíla með tölulegum upplýsingum, tekinn fyrir einn bíll varðand kaup í hverju blaði ofl. ofl. Uppáhalds blaðið mitt.
http://www.totalbmwmag.co.uk/
Það er líka mjög gott varðandi Bresku blöðin, að það er frekar ódýrt að vera áskrifandi að þeim, þar sem maður þarf ekki að borga hönd og fót fyrir flugpóst. Kostar £37.50 fyrir árið á TOTAL BMW!
Performance BMW er blað sem ég prófaði líka, en það er svona í anda MAX blaðsins. Mjög breyttir bílar, og ekki minn bolli af te-i í flestum tilfellum. Dáldill "Rice boy" fílíngur... Það er svona meira myndablað heldur en texti (en er samt með dáldlum texta með), meira farið út í breytingar og hvað er í bílnum heldur en söguna á bakvið bílinn og breytingarnar. Blaðið er líka minna heldur en hin 2 Bresku blöðin.
http://www.performancebmwmag.com/
Jæja, vona að einhverjir hafi áhuga á þessu, og panti sér áskrift, með BMW kveðju, Sæmi!
