Egill vélaverkstæði

[Thrullerinn]

Tæki í viðgerð:
Þvottavél(ca 5 ára ariston)
Háþrýstidæla(ca 7 ára bosch 150bar) í viðgerð.

------------------------------

Bilanalýsing:
Þvottavél: Villumelding á þvottavélinni, power Led blikkar þrisvar þegar kveikt var á henni, sem ég tjáði þeim skýrt að þessi ákveðna melding væri á henni. Í miðju prógrammi þá byrjaði stillið að snúast og ekkert gerðist.
Háþrýstidæla: Sló ekki af þegar maður hætti að nota hana, þ.e. þegar maður hætti að sprauta þá sló hún ekki af þrýstingnum og hélt áfram.

------------------------------

Tækin sótt og notuð:
Ég sótti þvottavélina og dæluna í aðskildum ferðum.

Þvottavélin: Redda mannskap til að bera hana með hana niður í kjallara sem var ekkert grín og kveiki á henni. Enn er villumeldingin á og auðvitað enn biluð.
Ég reyndi eina keyrslu og hún stoppaði, ég fór í fýlu og vatnið myglaði í henni, það var talsverð vinna að ná vatninu öllu úr sem ég hreinlega nennti ekki.
Fleygði þessari og keypti nýja. Þessi viðgerð kostaði einhvern 10 þús kall. Þvottavélin var augljóslega ekki prófuð fyrir afhendingu, amk. var þessi melding enn inn á henni.

Háþrýstidælan: Sæki hana og tengi hana inn í bílskúr og set í samband, hún fer alveg á fullt sama hvað. Enginn útsláttur, í raun var hún bilaðri en nokkru sinni fyrr. Þessi viðgerð kostaði einhvern 8 þús kall. AUGLJÓSLEGA EKKI PRÓFUÐ, ÞAÐ ER ALVEG Á HREINU!

Þvottavélin -> á haugana
Háþrýstidælan -> aftur í viðgerð, sjá neðangreint

------------------------------

Þeir bjóðast til að laga háþrýstidæluna, fer með hana aftur í viðgerð og eftir 1-2 vikur er hringt og vilja rukka mig fullt gjald 12 þús kall.
Ég er frekar pirraður yfir því að þurfa að borga meira þar sem fyrri viðgerðin var engin viðgerð.
Þannig mér er gefið samband af þjónustuborði í viðeigandi viðgerðarmann á verkstæðinu sem bendir mér á að tala við deildarstjóra.
Hringi aftur og var þá sagt að deildarstjórinn myndi hringja í mig. Sem hún gerði aldrei.

Lét einhverja viku tvær líða og hringdi aftur, fékk samband við deildastjóra sem tjáði mér að þessa viðgerð þyrfti að greiða að fullu.
Ég bað hana um að sýna þessu ákveðinn skilning í ljósi aðstæðna og fyrirhöfn sem við höfðum lagt í þessar viðgerðir.
Hún sagði mér einfaldlega að borga þetta, augljóslega skítsama um hvað áður hafði gerst.

---------------------------------

Nú hef ég formlega kvatt háþrýstidæluna góðu, sem hefur nýst mér ágætlega síðustu árin og lofa sjáulfum því að aldrei stíga fæti aftur inn á viðgerðarverkstæðið EGILL.is

---------------------------------

Eftirmálar:
Í raun urði engir eftirmálar, ég hef einfaldlega engan áhuga að skipta við þetta blessaða verkstæði.

Nú á Bosch verkfæri fyrir á aðra milljón sem ég þarf vitaskuld að láta laga í framtíðinni, hvert á ég að leita með þau?
...hringi í BYKO og þeir hafa engan annan viðgerðaraðila en egil, sá sem ég ræddi við í byko benti mér á bauhaus og bílanaust sem einnig flytja inn bosch.
...hringi í Bauhaus og þeir benda á egil sem verkstæðið þeirra.
...hringi í Bílanaust og þeir gera sjálfir við bosch verkfæri.

----------------------------------

Í samtali okkar deildarstjórans sagði ég að miðað við þessa þjónustu þá myndi ég koma því á framfæri að þjónustan væri fyrir neðan allar hellur.
Hún sagði að ég væri að hóta sér. Í ljósi aðstæðna þá vil ég skiljanlega vill ég koma reynslu minni á framfæri.
Ég tel mig ekki hafa verið með ókurteisi né leiðindi, reyndar sauð upp hjá mér í blálokin, en engin ill nöfn né fúkyrði.

----------------------------------

Lokaniðurstaða:
Fjórar ferðir í garðabæinn.
Mikill burður.
Tæpur tuttugu þúsund kall út um gluggann ásamt tækjunum báðum, kem til með sakna þessarar dælu.

LÁGMARK AÐ PRÓFA ÞAÐ SEM ER GERT VIÐ!
Annars verða allir (skiljanlega) pirraðir.

Þröstur

Edit: nafn fyrirtækis lagfært, úr viðgerðarverkstæði í vélaverkstæði

[maxel]

Egill vélaverkstæði ehf heitir þetta orðrétt.. skítasaga samt sem áður

[Dóri-]

Flott að fá svona reynslusögur

[T-bone]

EGILL er þjónustuaðili fyrir ELKO. Það brotnaði ein skúffan í ísskápnum hjá okkur. Hann var í aukaábyrgð og allt. Tók 10 mánuði og svona 8 ferðir í EGIL til þess að fá skúffu. Reyndar var ekki til rétt skúffa.. Bara svona sirka. Samt sem áður eru þessir ísskápar ennþá í framleiðslu... Spes að eiga ekki skúffu.