bmwkraftur.is

Æi þetta eru nú einhver mestu vitleysis rök sem ég hef heyrt, að þagga niður í fólki til þess að geri ekki hvort annað reiðara.

DV strokar nú þegar út comment sem eru skrifuð undir nafnleysi, og það er alveg feykinóg. Óþarfi að vera púlla einhverja Norður Kóreu á þetta þar sem eru bara ríkismiðlar sem segja hvað allt sé frábært og gott.

_________________
335i e92 (JB4, downpipes og margt fleira gúdderí.)
330d e46 (Mr. X!)

Ég geri pistla Fartarans hér með bara að mínum eigin, ekkert við þetta að bæta.

Þetta þjóðfélag er að verða ansi skakkt, og maður hugsar sig vel um áður en maður ákveður hvort það sé vilji til að flytja á slíkann stað aftur...

Þessi innheimtumál eru svo annað, en það er á hinn bóginn ekkert séríslenskt fyrirbæri. Og þetta er svo alltaf sama tuggan, helv. aumingja dómararnir, dæmi svo illa/stutt/langt/whatever. Í þessu tilviki helv. lögfræðingarnir. Það er þörf á allskonar starfkröftum og störfum í þjóðfélögum, það eru til slúbbertar í öllum stéttum óháð öllu öðru, en það er ekki það sem málið snýst um.

Hvernig væri að horfa á rótina í þessu öllu og kenna henni um og breyta þar ef fólk vill breytingar. Löggjafarvaldið setur lög og eftir dæmi t.d. dómarar og lögfræðingar vinna vinnu sína.

Ég vona bara að hann Skúli lifi þetta af, það er alls óvíst...

_________________
e39 M5 Carbon Schwartz
Audi A3 "Sportback" 1.6 TDi Miljöpowah!
e9 CSA 1973

Án þess að ég þekki málsatvik nægjanlega í þessu máli, þá getur það verið fullkomlega eðlilegt.

Samkvæmt fréttum þá skuldaði maðurinn brunatryggingariðgjöld en vátryggingafélagi er óheimilt að segja brunatryggingu upp vegna vanskila. Á móti þá hafa vangreidd brunatryggingariðgjöld ákveðna sérstöðu þar sem þau njóta lögveðs í eign sem þýðir að við nauðungarsölu eignar þá greiðast þau á undan hefðbundnum samningsveðum (íbúðarlánum) af söluverði eignar. Þar sem vátryggingafélagi er bannað að takmarka tjón sitt með því að segja brunatryggingu upp (og þarf því að una því að vangreidd brunatryggingariðgjöld safnist upp) þá getur verið nauðsynlegt fyrir vátryggingarfélagið að óska strax eftir nauðungarsölu á hinni brunatryggðu eign, vegna vanskila á iðgjöldunum, þar sem áðurgreindur lögveðsréttur gildir bara í tvö ár.

Bottom lænið er því það að við vitum ekkert í hverju þessi fimm- eða áttföldun á upphaflegri kröfu felst og það er öruggt að þetta rennur ekki allt í vasa innheimtufyrirtækisins. Hækkunin gæti verið tilkomin vegna áfallina dráttarvaxta, kostnaðar við fruminnheimtubréf viðkomandi tryggingarfélags, þóknun til stefnuvotts fyrir að birta greiðsluáskorun fyrir skuldara eða jafnvel tugþúsunda kostnaðar í ríkissjóð vegna nauðungarsölubeiðni sem síðar hefur verið afturkölluð.

_________________
BMW X3 M tech (F25) árg. 2015
VW Golf MK 3,5 cabriolet árg. 2001
Porsche 911 SC árg. 1980
Porsche 924 árg. 1982
Porsche 928 S4 árg. 1991

Sérfræðingarnir eru þér því miður ósammála. Þjóðfélagsumræða sem réttlætir glæpi eða jafnvel stingur upp á þeim mun á endanum orsaka glæpi.

Fyrir utan það er enginn að tala um þagga niður í fólki, heldur að það sé ekki öllum opið að segja hvað sem er á miðlum sem eru opnir alþjóð og eru vinsælustu vefsíður landsins. Ef fólk hefur eitthvað gáfulegt að segja þá mun það fá tækifæri til að segja það opinberlega, en það þarf að vinna sér inn þann rétt.

Því miður fara síðan sumir algerlega yfir strikið með þann rétt eins og t.d. Þór Saari og Marinó Njálsson. Þeir voru fljótir að grípa publicity möguleikann á lofti og notfæra sér ófarir gerandans og mögulega dauða fórnarlambsins til að halda á lofti sínum sjónarmiðum og reyna að kenna anstæðingum sínum um það að þessi ákveðni aðili ætlaði sér að meiða "einhvern" lögræðing.

_________________

E36 M3GTtt

ég sé ekki að menn séu að réttlæta morðtilraun.
ég sé að menn tengja aðstæður í þjóðfélaginu við verknaðinn, er það fáránlegt?
erum við ekki að búa til meira ósætti en þarf, það hafa allir viðurstigð á verknaðinum, aðstæðum skuldsettra í hörðum innheimtuaðgerðum eru líka ömurlegar, sem getur ýtt undir allskonar ofbeldi.

_________________
'BMW, designed by Germans, driven by tossers' J.C.

"Sérfræðingarnir" þínir hljóta líka að sjá að spilling og white collar glæpir sem bitna á öllu samfélaginu, munu á endanum orsaka glæpi, þannig að hvernig væri að tækla það frekar? Það er rótin á þessu öllu saman. Þjóðfélagsumræðan sem þú ert svona hræddur við er bara einkenni.


Maður fer ekki að banna hósta svo að fólk fái ekki kvef.

_________________
335i e92 (JB4, downpipes og margt fleira gúdderí.)
330d e46 (Mr. X!)

Bingo.

_________________
Þórður
'99 M5 SC // '89 M3 S85 // '04 Patrol GR

Sérfræðingarnir mínir eru líka þínir sérfræðingar, því að þeir eru sérfræðingar þjóðfélagsins.

Hvítflibbaglæpir bitna á samfélaginu, það er óumdeilt. Oftar á fleirum en ofbeldisglæpir, en áhrifin eru samt mun minni, hvítflibbaglæpamenn beita venjulega ekki ofbeldi, eða drepa aðra. Það má vera að dauði einhvers sé afleiðing aðstæðna sem mögulegur hvítflibbaglæpur leiðir af sér, en dæmin sanna það (aftur sérfræðingar okkar samfélags en ekki farsími Þórs Saari) að tíðni sjálfsmorða á Íslandi hefur ekki aukist. Hinsvegar þá er það bara þannig að ef menn segja statt og stöðugt að sjálfsmorðstíðni hafir aukist, jafnvel þó að þeirra tölfræði komi úr afturenda þeirra, má aftur benda á að slík umræða mun auðvelda öðrum að taka eigið líf, því að þá munu þeir finna réttlætingu fyrir aðgerðum sínum.

Í framhaldi: Án þess að ég sé að segja að menn séu saklausir/sekir fyrir hvítflibbaglæpi þá bið ég þig að benda mér á þá dóma sem sanna að slíkir glæpir hafi verið framdir. Ef það mun síðan koma í ljós að slíkir glæpir hafa verið framdir mun sammfélagið í gegnum dómstóla senda slíka menn í geymslu fyrir sín brot. Við munum ekki bjóða upp á það að almenningur fari og velji sér einhvern annan úr sömu stétt til að refsa.

Ef það er hægt að halda einkennunum niðri með réttum meðölum má koma í veg fyrir að aðrir smitist að óþörfu.

_________________

E36 M3GTtt

Það má vera að ykkar meining á að segja að þetta hafi ekki komið á óvart sé ekki sú sama og þeirra sem lesa þetta. Það er bottom line. Minn skilningur á því að eitthvað komi ekki á óvart þýðir að ég hafi í raun búist við þessu. Ég get ómögulega sagt að ég hafi búist við því að einhver sem skuldaði 10þúsund krónur í tryggingagjald myndi reyna að drepa starfsmann lögmannsskrifstofunnar sem innheimti skuldina, meira að segja eftir að samningar náðust um niðurfellingu skuldarinnar.

Hinsvegar eruð þið í raun að sanna punktinn minn, umræðan í þjóðfélaginu er orðin svo úrkynjuð og ýkt að fólk býst orðið við því að einhverjum finnist réttlæti í því að fara út og meiða einhvern.

_________________

E36 M3GTtt

Nei það er ekki það sem amk. ég er að segja.

Það er ekkert RÉTTLÆTI í því að beita ofbeldi.

Það er getur hinsvegar verið orsakasamhengi á milli óréttlætis/yfirgangs í samfélaginu annars
vegar og þess að einhverjir snappi og beiti ofbeldi á dauða hluti eða lifandi. Í því að gera
sér grein fyrir því samhengi er ekki verið að viðurkenna réttmæti ofbeldisins.

_________________
Þórður
'99 M5 SC // '89 M3 S85 // '04 Patrol GR

Ég átta mig á því hver þín hlið er á þessu Þórður, auðvitað er þetta aaaaaaaaaalveg óafsakanlegt. Myndi aldrei detta í hug að þér eða Torfa eða öðrum finnist þetta réttlátt eða eðlilegt.

En af hverju heldur þú að maður "snappi?" Það er það sem ég er að reyna að koma mönnum í skilning um.

Eitthvað fuelar reiði hans, í þessu tilviki er frekar augljóst að það er ekki beint hans skuldamál því að eru baunir, hann er brjálaður út í lögmenn almennt mjög líklega vegna þess að umræðan í þjóðfélaginu er á þann hátt sem hún er. Hún elur á reiði og ranghugmyndum, að tala um eitthvað á einhvern hátt, sérstaklega af áhrifamönnum en einnig af fjölda breytir því hvernig menn meta orsök og afleiðingu.

Ég t.a.m. myndi setja orsakasamband á milli nýlegrar umræðu um fjármögnunarfyrirtæki/innheimtufyrirtæki og árás á starfsmann eins þeirra. Umræðan í kjölfarið var á þeim nótum að þessi félög væru ósvífnir glæpamenn, andlegir ofbeldismenn og margir sögðu þá að árásin á starfsmann Dróma (svo að ég segji nú bara nafnið, eða var það SP) kæmi ekkert á óvart sökum aðstæðna í samfélaginu.

_________________

E36 M3GTtt

Ég held að það væri nú eitthvað minna um reiði í þjóðfélaginu ef að það væri bókað mál að þessir pjakkar sem hafa hagnast ógurlega á spillingu og lagaflækjum yrðu dæmdir fyrir það. Fólk er bara að missa trú á því.

_________________
335i e92 (JB4, downpipes og margt fleira gúdderí.)
330d e46 (Mr. X!)

Þetta er ekki alveg nógu ljóst. Soldið eggið og hænan í gangi.
Hvað ákveður að glæpur sé framinn? Framkvæmdin eða dómurinn?

Það þarf ekki nema skrifinnsku mistök saksóknara til að komast undan sakfellingu. Er það jafngildi þess að hafa þá ekki framkvæmt glæpinn?

_________________
With great challenges comes great engineering.
Gunnar Reynisson

Það er allt önnur umræða Gunni, við verðum að vona að dómstólar séu almennt faglegir.

_________________

E36 M3GTtt

Þú verður bara að afsaka, en já það finnst mér fáránlegt. Er ekki komið í ljós hversu lítið þetta mál tengist ástandinu í þjóðfélaginu. Ekki að það skipti máli því rökin standa engu að síður.

Það sem mér finnst undarlegt er að hægt sé að fordæma verknaðinn en senda á sama tíma þau skilaboð að skilningur ríki á ástæðunum fyrir verknaðnum. Það er nákvæmlega sú yfirlýsing sem er stórhættuleg.

Yfirlýsing um skilning á aðstæðum gerandans í þessu máli er alls ekki rétt leið til þess að bregðast við morðtilraun. Með því sendum við skilboð til annarra sem eiga mögulega um sárt að binda að verknaðurinn sé eitthvað minna en rangur.

_________________
JÞS
- 323i coupe - '96