Ég let drauminn rætast og fékk mér minn fyrsta BMW, E39 535i
Það var kona á selfossi sem fékk þennan bíl upp í Skoda og setti hann bara beint á sölu og ég stökk strax á hann.
Þetta er þéttur og góður bíll og er hann beinskiptur sem mér finst ekki vera neinn galli, Bíllinn var fluttur inn nýr af B&L og er með þjónustu og smurbók frá upphafi, einnig hefur hann verið þjónustaður vel af TB og lét konan sem átti bílinn TB alfarið um það að hafa bílinn í topp standi á sínum eigenda ferli.
Hann er vel með farinn að utan og enn betur að innan enda er hann aðeins ekinn 97.000km.
Allt original útlitslega séð, meira að segja á upprunalegu felgunum, en það mun ekki standa yfir lengi þar sem ég er strax farinn að skoða breytingar og pantanir.
Ég lét TB lesa af bílnum og þarf ég að skipta um ABS-sensor H/aftan, einnig þarf að skiptu um einn súrefnisskynjara.
Svo ætla ég að setja nýjar ventlalokspakningar og kerti.
Úti-hitastigsmælirinn er einnig í rugli og segir hann að það sé frost allan ársins hring, svo það verður skipt um hann.
En hér eru nokrar myndir sem ég tók áðan eftir að hafa skolað af honum.
-----------------------------------------------------------------------------------------------------------------------------------------------------------------------------------------------------------------------
Bimminn fór allt í einu að missa afl og drepa á sér, þannig að það var eitthvað ekki eðlilegt, svo að ég fór með bílinn í TB í gær og í morgun kom í ljós að þetta var bensíndælan sem var farin.
Bíllinn var staddur inná gólfi hjá þeim svo að það var ekkert beðið með að skella þeirri nýju í og eru þeir að því í þessum töluðu orðum.
Í lok mars pantaði ég frá pelicanparts ventlalokspakningar, abs-skynjara, útihitamæli og súrefnisskynjara.
Það var ekkert að frétta af sendingunni svo að ég fór inná síðuna hjá þeim og ákvað að rekja hana, pakkinn var kominn í póst og sáu USPS um að flytja hann, þannig að ég fer inná þeirra síðu að rekja sendinguna. Það fyrsta sem kemur upp er: We attempted to deliver your item in IRELAND at 2:14 AM on April 10, 2010
Jújú, að sjálfsögðu hafa þeir skrifað IRELAND en ekki ICELAND á pakkann svo að sendingin er í Írlandi. Það tekur 1-17 daga fyrir þá að ransaka afhverju þetta skeði og þar að auki eru tafir á flugi. Þannig að það er lítið annað sem ég get gert en að bíða rólegur.
Svona svo ég komi því líka að þá er ég í stökustu vandræðum með að finna flottar felgur á hann (18" - 19") svo að ef einhver veit um fínar felgur þá má sá sami henda á mig PM
-----------------------------------------------------------------------------------------------------------------------------------------------------------------------------------------------------------------------
Í maí fékk ég sendinguna frá Pelicanparts, svo að núna er búið að skipta um ventlalokspakningar, súrefnisskynjara, ABS skynjara, útihitamælinn og öll kerti.
--------------------------------------------------------------------------------------------------------------------------------------------------------------------------------------------------------------------
Um daginn tók ég mig til og pantaði þó nokkuð stóra sendingu af aukahlutum á hann til að hugsa aðeins um útlitið,
Glær stefnuljós á frambrettin.
Matt-svört nýru.
Rauð/glær afturljós.
Angel-eyes framljós.
M5-framstuðara og þokuljósin á hann.
-----------------------------------------------------------------------------------------------------------------------------------------------------------------------------------------------------------------------
Skipti um nýrun, afturljósin og framljósin í dag.
Svo verður stuðarinn settur fljótlega í sprautun, er ekki viss hvort ég hafi hann undir í vetur en þetta kemur allt í ljós.
Einnig á ég von á nýjum felgum fljótlega.
-----------------------------------------------------------------------------------------------------------------------------------------------------------------------------------------------------------------------
Sama vandamál koma núna rétt fyrir jól og gerðist snemma á síðasta ári,
semsagt bensíndælu vesen.
Svo ég geri langa sögu stutta þá fór dælan í apríl á síðasta ári, TB sáu um að skipta um hana. Sama vandamál kom aftur upp í október síðastliðinn, TB skiptu semsagt aftur um dæluna og sögðu að hin hafi bara verið gölluð og tóku þeir kostnaðinn á sig.
Núna rétt fyrir jól gerðist sama bensíndælu vandamálið aftur, ég var mjög ósáttur og vildi ekki fara með bílinn aftur í TB.
Ég fer því með bílinn á verkstæði hjá kunningja og kíkja þeir á þetta, þeir staðfesta að bensíndælan sé farin (semsagt sú 3 á innan við 8 mánuðum).
Það var því eitthvað að skemma dælurnar, þá er kíkt á bensín-síuna og þar kemur í ljós að hún er ekkert lítið stífluð og það var ekki einu sinni hægt að blása í gegnum hana. TB hafa því skipt nokru sinnum um dælu í honum og aldrey skipt um síuna.
Þessi kunningi minn sem skipti um dæluna í dag fanst þetta vera alveg út í hött að þeir hafi skipt um dælur svona oft og ekki einu sinni spáð í síunum. Þar sem það ætti að skipta um síuna um leið og það er skipt um dæluna.
Mín viðskipti við TB verða því ekki fleiri.
Annars pantaði ég nokra hluti frá pelicanparts: Viftureimar, loftflæðiskynjara, vatnslás, ballanstangarenda báðu meginn og ný bmw merki á húddið og skottið.
-----------------------------------------------------------------------------------------------------------------------------------------------------------------------------------------------------------------------
Fékk stuðaran úr sprautun.
-----------------------------------------------------------------------------------------------------------------------------------------------------------------------------------------------------------------------
Setti CCFL hringi í framljósin.
-----------------------------------------------------------------------------------------------------------------------------------------------------------------------------------------------------------------------
-----------------------------------------------------------------------------------------------------------------------------------------------------------------------------------------------------------------------
Skipti um vantskassa fyrir stuttu og fleiru sem honum tengist, ásamt loftdælu.
Renndi honum í gegnum skoðun
Næst er það að skipta út gormunum fyrir 35mm sem ég var að fá í hendurnar
þéttur bíll, fannst hann samt frekar máttlaus
