bmwkraftur.is

Lofaði föður mínum að grennslast fyrir um þetta og mér eiginlega datt enginn annar staður í hug. En vitið þið hvað samtökin í kringum peningamarkaðssjóðsbréfin í Landsbankanum kalla sig?

Frétti að það væru ansi margir að fara í mál við Landsbankann og fresturinn til kröfu rynni út um mánaðarmótin. Það eiga að vera einhver tvö lögfræðifyrirtæki (gæti verið mun fleiri, hef þetta frá gamla) sem ætluðu að höfða mál fyrir þetta fólk.

Mig vantar eiginlega bara smá upplýsingar til að komast í samband við þessi samtök og þessi lögfræðifyrirtæki ef einhver hefur upplýsingar handa mér með þetta.

Kv, Gunnar

_________________

BMW E30 328i Coupe

Ég gúgglaði samtök vegna peningabréfa og fékk http://www.rettlaeti.is/

Kröfufrestur vegna Landsbanka rennur út 30. Október og kröfulýsingargögn fást á heimasíðunni.

_________________

E36 M3GTtt

Gúgglaði einmitt svipað og fékk ekkert af viti..

En já, bendi kallinum á þetta. Hann mundi ekki alveg hvað þetta hét.

Þá er annar vinkill, telja menn einhvern fót á því að höfða kröfu á Landsbankann vegna þessara bréfa, er þetta alveg borin von?

Veit að það voru um 400 manns komnir á skrá yfir þá sem voru að fara í mál við bankann vegna þess fyrir einhverjum mánuðum, hefur sjálfsagt bæst töluvert í hópinn núna.

_________________

BMW E30 328i Coupe

Er það ekki Landsvaki sem menn eru í málaferlum við?

_________________

E36 M3GTtt

Menn eru að lýsa kröfum (kröfulýsa) í þrotabú gamla Landsbankans - það er 98% líkur að það komi ekkert að gagni þar sem forgangskröfur, veðkröfur o.fl. koma á undan kröfum vegna taps í peningamarkaðssjóðum (almenn krafa). Að mínu mati er því alger óþarfi að borga einhverjum lögfræðingum fyrir að kröfulýsa fyrir sig - fólk getur gert það sjálft til þess að friða samviskuna.

Svo er það bótamál gegn Landsvaka sem er svo það sem hugsanlega e-ð getur komið út úr - þar gildir ekki þessi frestur sem rennur út um mánaðamótin, heldur almennur fyrningarfrestur kröfuréttinda. Hversu mikið vit er að fara í slíkt mál gegn Landsvaka ætti að skýrast þegar úrlausn úr Hæstarétti fæst varðandi prófmálin sem Ergo lögmenn höfðuðu fyrir 18 aðila í peningamarkaðssjóðnum. Það verður ekki fyrr en eftir áramót.

_________________
Jóhann Karl Hermannsson

BMW 520D F10 ´13
Kawasaki KX450f ´07
8 Ball Lowrider 20"

Þakka þér kærlega fyrir skýr og góð svör Jói

Eins og sést kannski á póstinum frá mér þá er ég ekki mikið inn í þessu, en þetta er ansi þungt mál fyrir kallinum enda átti hann eins og fleiri íslendingar einhverjar krónur þarna inni.

_________________

BMW E30 328i Coupe

Ekki málið Gunni

Það eru allnokkrar lögmannsstofur að sýsla í þessum málum (Regula, Lögmenn Laugardal, Ergo o.fl.). Ef pabbi þinn vill leita aðstoðar einhvers í þessu, þá mæli ég með Ergo lögmönnum í þessu máli. Þeir eru reyndar að rukka mest (85 þús, sjá sjodsfelagi.is) en hjá þeim færðu líka hjálp við að halda kröfu til streitu gegn Landsvaka. En t.d. hjá Regula, sem er að rukka um 25 þús, þá er einungis verið að tala um kröfulýsinguna í gamla LÍ.

Auk þess sem Ergo lögmenn eru þeir sem stefndu þessum málum fyrir dóm fyrstir og eru að mínu mati komnir mest inn í þetta mál. Ungir og metnaðarfullir strákar - þekki ágætlega til þarna. Ef pabbi þinn tapaði einhverjum milljónum, a.m.k. milljón+, þá er ekki spurning um að splæsa þessum 85 þús kalli til þeirra.

_________________
Jóhann Karl Hermannsson

BMW 520D F10 ´13
Kawasaki KX450f ´07
8 Ball Lowrider 20"