Sælir.
Þann 11. september í fyrra fórum við til Þýskalands í ekta BMW ferð.
Athugið að myndirnar eru minnkaðar niður í 25% af upprunalegri stærð. Ég á þær allar til, og margar aðrar sem ég setti ekki hingað inn, í mikið hærri upplausn. Ef þið viljið fá þær, endilega spyrjið mig bara.
Síðan eru þetta ekki mjög góðar myndir, en það verður að hafa það.
Þegar við lentum í Munich fengum við E60 525d Touring og héldum af stað í BMW Welt. Þar tók á móti okkur maður og sýndi okkur verksmiðjuna, þar sem þeir framleiða þristana. Þvímiður mátti ekki taka myndir þarna inni og ég held að það sé ekki nokkur leið að lýsa því sem fór fram þarna. Í stuttu máli, þá sá maður járnrúllur koma inn og fara út sem BMW E90. Þeir gera allt í þessari verksmiðju og ég er nokkuð viss um að mótorarnir séu líka framleiddir þarna. Næstum allt sem fer fram þarna er sjálfvirkt og eina sem mannfólkið þarf að gera er að mata vélarnar. Þá taka við róbottar sem líma þetta saman með nákvæmni sem ekki er hægt að mæla í millimetrum.
Eftir að bílinn er settur saman er hann sprautaður. Hann fer í gegnum langt og flókið ferli, sem inniheldur 7 skref og er það allt 100% sjálfvirkt.
Þannig gengur þetta fyrir sig, þar til komið er að rafmagnskerfinu. Allt þar er handunnið og þræða þeir heilu kílómetrana af leiðslum í einn bíl. En þessu öllu er skipt jafnt og þétt á hópinn og er þörf á mörgum sérfræðingum þarna, svo allt sé tip top. Eftir það er bílinn nánast tilbúinn. Það á bara eftir að setja í hann innréttinguna og sæti. Þegar það er búið fer hver einasti bíll í gegnum ákveðin próf og ef hann stenst þau, fer bílinn á sölu. Allt þetta ferli er ótrúlega flókið og ég hef ekki hæfileikana til að lýsa því. Ég mæli með því að þið farið þangað og sjáið þetta með ykkar eigin augum. Það er örugglega hægt að redda hópferð í BMW factory fyrir kraftinn.
Það var nóg sem við áttum eftir að skoða og fórum við til dæmis í Kehlsteinhaus (Arnarhreiðrið), sem var sumarbústaður sem Hitler fékk gefins í afmælisgjöf. Ótrúlegt að koma þangað, en til að komast þangað þurfti að fara upp þrönganfjallaveg í strætó.
Það var ótrúlega mikil þoka þarna uppi, en útsýnið á víst að vera ótrúlegt. Strætóinn kemst þó ekki alla leið upp að húsinu og þurfti því að stoppa á miðri leið, þar sem gengið var inn í fjallið og þar í lyftu sem fór upp í húsið og tók þá á móti manni marmaraklætt herbergi, sem Mussolini útvegaði.
Og svo húsið sjálft. Ég var svolítið hneykslaður þegar ég frétti að þetta væri veitingastaður í dag. Finnst það svolítið sérstakt að breyta sumarbústaðnum hans Hitlers í skyndibitastað.
. Ég þurfti að eiga mikið við myndina svo það sæist í húsið.
Það kostaði 30 milljón ríkismörk að byggja húsið (150 milljón evrur árið 2007), en Hitler notaði það þó afskaplega lítið og er það líklegast ástæðan fyrir því að það stendur í dag. RAF ætlaði að sprengja þetta í tætlur, en þetta svæði reyndist virkilega erfitt og réðust þeir því frekar á Berghof, sem var á sama fjalli og heimili Hitlers.
Þessi tók á móti manni þegar maður gekk inn í BMW Welt.
Svo var haldið í BMW Museum og á leiðinni þangað sér maður BMW höfuðstöðvarnar:
.
Virkilega flott hús.
Safnið er ótrúlega stórt. Það er BMW búð þarna og bar og næstum allir bílar sem BMW hefur framleitt (enginn E39 eða E39 M5 þó, enda verður það seint talinn eitthvað spes bíll)
Flugvélarmótor sem BMW hannaði í kringum WW1 held ég. Eftir stríðið fengu þeir ekki að framleiða flugvélamótora...
... og fóru því í mótorhjóla bisnis.
Svo hékk M6 grind á veggnum sem sýnir hvernig þeir eru samsettir. Mikið af liði þarna, þannig að ég náði ekki góðri mynd.
Sést glitta í einn BMW Art Car, frekar flottur.
Svo héngu þarna öll merki sem BMW hefur sett á bíl. Þetta spannaði heilar þrjár hæðir!
---Og svo komum við að lúxusbílunum:
--
Ultra aerodynamic hjálmur!
Svona hanna þeir víst bílana sína í dag. Frekar svalt.
---
Roadster gólfið, flestir roadsterar sem BMW hafa framleitt samankomnir þarna. Ljósið þarna var síbreytilegt, þannig myndirnar sem ég náði voru ekki góðar. Þetta eru þær sem 'lifðu af'. Pabbi stóð sig betur í þessu og á fleiri myndir af bílunum þarna, get uploadað þeim ef áhugi er til staðar.
Nokkrir 007 bílar þarna.
--
Svo var það
Motorsport herbergið! Tjúllaðir bílarnir þarna.
Þessi vakti mikla lukku hjá mér, M3 GTR. Vantar bara ökumann og hann er tilbúinn á brautina!
--
Módel sem þeir notuðu til að vinna með í vindgöngum.
--
///M Herbergið. Flestir bílarnir þarna eru með minna en 4000 km á mælinum og eru vægast sagt _awesome_.
Pabbi var virkilega hrifinn af þessari sexu. Held að hann hafi reynt að kippa henni með í handfarangur, en BMW vildi ekki leyfa það (kosta víst sitt, svona bílar).
Rauðir E30 eru endalaust flottir. Þessi var engin undantekning.
M3 CSL. Alveg eins og minn!
Svo héngu þarna nokkrir þristar, fimmur og sexur. Náði þvímiður ekki góðum myndum af þeim (get samt reddað myndum ef það er áhugi á því).
BMW Tröllið, heil þrettán hestöfl!
Stórfurðulegur BMW sem gengur á vetni. Fólki var bannað að snerta þannig að það var virkilega grumpy starfsmaður BMW sem stóð þarna og öskraði á allt sem hreyfðist.
Núna vorum við komnir í gamla BMW safnið, allt hitt var glænýtt. Þetta var lítill turn og maður gekk í gegnum tímabilin og sá flestalla concept bíla sem BMW hefur verið að gæla við. Þetta er BMW Turbo prototype sem var byggður árið 1972, í tilefni þess að Ólympíuleikarnir voru í Munich það árið. Án efa einn sjaldgæfasti BMW sem til er, þar sem aðeins tveir voru framleiddir. BMW fékk útlitið á M1, E31, Z1 og 2008 M1 concept frá þessum bíl. Frekar merkilegur vagn!
BMW X-Coupe. Byggður árið 2001 fyrir bílasýningu í Detroit. Þeir notuðu E53 (X5) grindina og bodyið er allt úr áli. Svo var 3.0L Túrbó-diesel vél notuð í þetta. Mjög svalur bíll, ekta jeppa-coupe.
Ég veit ekki hvað ég á að segja ykkur um þennan. Þetta er Concept bíll sem ég man ekki hvað hét. Þetta er víst nýlegt fyrirbæri (þó útlitið segir annað) og væri gaman að vita meira um hann.
BMW Gina. Held að það viti flestir hérna hvaða bíll þetta er. Það var mikill áhugi á honum, enda vel pakkað í kringum hann. Mér tókst þó að ná tveim skítsæmilegum myndum af þessu 'meistaraverki' (mér tókst líka að snerta hann! *tíhí*).
--
Svo þegar við fórum að skoða í BMW Welt (ekki sama hús og safnið), þá var búið að raða upp nokkrum vélum frá þeim. Maður gat fengið að heyra í þessu og lesa meira um vélarnar. Það var ótrúlega mikið sem hægt var að skoða þarna, m.a. Hydrogen sjöa, tækni sem þeir nota í báta, X-drive simulator, 'eldsneytisbrennslu-simulator', hin og þessi stýri og mikið, mikið meira.
Þegar ég sé þessar myndir, þá man ég að ég á S65B40 (V8 M3) sem ég á bara eftir að sækja í verksmiðjuna þarna úti.
F1 deildin fékk auðvitað sitt eigið horn.
Svo voru þeir með alla nýjustu bílana sína þarna í öllum útfærslum. Allt nema M5.
-
Vonandi höfðuð þið gaman af því að skoða þetta. Mæli algjörlega með því að þið gerið ykkur ferð þangað út ef veskið leyfir, aljörlega þess virði!
Kveðja,
Steini.
Login
Register
FAQ
Search
Meðlimur
