bmwkraftur.is

er halldór að kenna þér ?

Helstu niðurstöður voru þær að bankahrunið hafði ekki teljandi áhrif á kauphegðun bílaáhugamanna og samkvæmt niðurstöðum virðist fátt hafa áhrif þar á. Það sem kom mest á óvart var hversu lítil áhrif bankahrunið hafði á kauphegðun bílaáhugamanna. Þá kom einnig mikið á óvart hvaða áhrif tekjur manna, hjúskaparstaða þeirra og hvernig húsnæði þeir búa í hafa á kauphegðun þeirra þegar snýr að bílum þeirra og upphæðir oft engan veginn samræmi milli tekna og útgjalda í bíl og tengda hluti. Helst var hægt að sjá fylgni milli þess að viðkomandi stundaði mótorsport og að viðkomandi eyddi háum fjárhæðum í bíl sinn og tengda hluti.

Ég dreg þá ályktun af niðurstöðum könnunarinnar að bílaáhugamenn, í það minnsta þeir sem svöruðu könnuninni séu forfallnir dellumenn sem virðast láta fátt hafa áhrif á útgjöld þeirra í áhugamálið sitt. Litlu máli virtist skipta hvort þeir væru í sambandi, sambúð, giftir eða einhleypir og því ekki hægt að draga ályktanir af því þótt oft sé talað um að makar haldi aftur af peningaeyðslu í áhugamálin, sér í lagi bíladellu karlmanna. Ekki er heldur að sjá að í hvernig húsnæði viðkomandi búi hafi áhrif á kauphegðun bílaáhugamanna á hlutum sem tengjast bílum þeirra.

Fátt virðist því hafa áhrif á bíladýrkun og peningamokstur í þetta dýra áhugamál hjá svarendum þessarar könnunar. Miðað við niðurstöður mínar þá hefur bankahrunið haft mun minni áhrif á kauphegðun bílaáhugamanna þegar kemur að bílum þeirra og tengdum hlutum. Mætti jafnvel leiða að því líkur, miðað við niðurstöður, að mjög fátt hafi áhrif á útgjöld bílaáhugamanna annað en áhugi þeirra á bílum og hversu djúpt sokknir í bíladelluna.