bmwkraftur.is

Bílaútflutningur gæti skilað þjóðarbúinu umtalsverðum og kærkomnum gjaldeyristekjum á næstu mánuðum. Til stendur að breyta lögum um opinber gjöld af bifreiðum á þann hátt að þau fáist endurgreidd að verulegu eða öllu leyti við útflutning notaðrar bifreiðar. Viðskiptablaðið greinir þannig í dag frá því að frumvarp um slíkar lagabreytingar verði líklega lagt fyrir ríkisstjórnina í dag. Þó að markaður fyrir notaðar bifreiðar hafi laskast erlendis vegna framvindu efnahagsmála þar undanfarið er sá markaður eflaust í betra standi en hérlendur bifreiðamarkaður um þessar mundir.

Á vef Bílgreinasambandsins kemur fram að u.þ.b. 8 ¿ 10.000 notaðir bílar séu nú til sölu hér á landi, og að meðalverð á notuðum bílum sé í námunda við 2,5 milljónir króna. Þótt veruleg óvissa ríki um hve hátt verð muni fást fyrir þessa bíla erlendis og ljóst að aðeins mun hluti þeirra verða sendur úr landi má ætla að talsverðar gjaldeyristekjur myndu fást með þessu móti. Auk þess mun slík sala létta töluvert undir með heimilum sem eiga töluverða fjármuni bundna í bifreiðum á sölu hérlendis. Loks er gengi krónu afar hagstætt fyrir slík viðskipti í dag, sér í lagi með nýlega bíla sem keyptir voru þegar krónan stóð hvað sterkust á fyrri hluta síðasta árs. Má því ætla að efnahagslegur ávinningur af slíkum útflutningi geti verið töluverður. (JBB)

það var borgað vask af bílunum þegar þeir voru fluttir inn til landsins, og því er bara eðlilegt að vaskurinn sé endurgreiddur þegar bíllin fer aftur úr landi

Hvað er samt eðlilegt við það? Þetta er eins og að fá endurgreitt eftir að bíómyndin er búin.

þetta er líklegasta ein versta samlíking sem ég hef heyrt. Ég tel að það sé ekkert eðlilegra en að endurgreiða vsk við útflutning þegar búið er að greiða hann við innflutning.

Það væri gáfulegri umræða að ræða hvort ætti að greiða hann til fulls eða bara hluta til þar sem varan er ekki ný þegar hún er flutt út heldur hefur þessi bíll t.d. slitið götum og kostað landið peninga meðan hann er í notkun. En bifreiðagjöld t.d. ættu samt að hafa tekið þann kostnað að stórum hluta.

En ég hlýt að meiga eiga mína skoðun á þessu máli, og mér finnst það bara ekki réttlátt að það sé verið að moka ofan í sökkvandi skip, með því að draga (að öllum líkindum) mikla fjármuni úr ríkiskassanum til að eyða í þetta og bjarga þeim sem tóku áhættu.

S85 er vondur mótor þó að hann sé kraftmikill...

Ekki gleyma því að við fáum dýrmætan gjaldeyri á skerið.

nei ætli það meiki ekki meira sens fyrir honum að allir bílabraskarar fari á hausinn frekar,