Banaslysið á Reykjanesbrautinni

[ta]

Sko mitt álit er það að ef ég er að keyra Reykjanes brautina á 95 km á klukkustund þá hleypi ég ekki framúr mér á mína ábirgð með því að fara út í öxlina. Ef þú ætlar framúr mér þá skaltu gera það á þína ábyrð enn ekki mína. Pælið í því af ef þú ert að víkja fyrir plássfrekum bíl og keyrir á staur þá er það þitt mál..

fyrir mér snýst þetta um lipurð, ég vil frekar aðstoða
þann sem liggur á , enn hafa hann stressaðan uppí
skottinu,
ég reyni að skapa svona "easy-flow"
ef engin umferð er á móti fer ég bara 50% til
hliðar og gef stefnúljós....
hjálpa til við framúraksturinn.

ég hef lent í því að menn hafa svo mikið "stolt"
að þeir reyna að drepa mann, ég var einu sinni að
taka frammúr og sá sem ég var að taka frammúr
gefur í og sveigir aðeins til vinstri(svo ég komist
ekki inná hægri akrein) þegar hann sér rútu
koma á móti.........

[Gunnar H]

Er þessi þráður ekki kominn aðeins út af lagi?

Hef fyrir því árteiðanlegar heimildir að maðurinn hafi stöðvað þarna útí kannti til að virða lögin og þá hafi aðili á annarlegu ástandi ekið aftan á hann.

Votta samúð mína

[MrManiac]

Það breytir því ekki að þú ferð út í kantinn á eigin ábyrgð....!

[Þórður Helgason]

Ég keyri þarna um ca 20 sinnum á ári. Ég hef varla annarsstaðar séð annað eins ökulag og þarna. Menn í kappakstri við hver annan, með þvílíkt háskaframúrakstra, og eru svo ekkert fljótari en þeir sem þeir fóru framúr, vegna þess að þeir lenda aftur aftanvið gamla manninn með hattinn 500 metrum framar en þeir voru fyrr. Veður virðist ekki skipta máli.

Auðvitað á að nota axlirnar til þess að hleypa bílum framúr. Aka ekki allir á eigin ábyrgð? Menn verða auðvitað að sjá framfyrir sig til þess, og hafa vald á sínum bíl. Það hentar alls ekki alltaf, en þegar maður lendir á eftir traktorsgröfu eða gamla manninum á Lada SPORT (gott nafn á bíl) í lága drifinu , þá á hann að víkja um stund og hleypa framúr, og til þess eru axlirnar. Auðvitað ekki ef hann sér ekki framfyrir sig eða bílar eru stopp þarna.

Ég vona að breikkunin verði vel heppnuð, en það verður ábyggilega til þess að vitleysingarnir, þessir fáu sem koma þessu orði á veginn, hafa bara meira pláss til þess að reisa kanta á milli.

Hörmulegt slys og ég votta aðstandendum mína samúð.

[bebecar]

Hörmulegt slys, en ég hallast að því að nota þessa vegöxl sem allra minnst - þú ferð þangað útá á eigin ábyrgð og það er einmitt þetta sem maður er hræddur við, ég myndi ekki þora að skipta um dekk þarna t.d.

PS, veruleg góð grein hjá Leóemm... eins og margar aðrar frá honum, mér finnst þessi smalakenning hjá honum nokkuð góð. Það eru nefnilega litlu mennirnir sem haga sér ílla í umferðinni og annarsstaðar.

[Raggi M5]

Ég þurfti einu sinni að skilja Bimmann minn (gamla) eftir útí öxlinni, var á leiðinni útí Voga, og varð bensínlaus, var sem betur fer stutt frá. Hljóp bara yfir móann og lét skutla mér svo til að setja bensín á hann. Mér leið sko ekki vel vitandi af því að einhver gæti kastað einhverju drasli í hann eða eikkað álíka. Hef líka aldrei hlaupið jafnhratt

[Danni]

Kastað einhverju drasli í hann? Ég heyrði nú sögu frá einum sem stoppaði held ég hjá Grindavík eða Garði (man ekki hvorn bærinn það var) sem að lenti í því að það sprakk hjá honum og þegar hann fer að skipta um dekk komst í ljós að það var loftlaust líka. Þannig hann fer og fær far í annaðhvort Grindavík eða Garð og þegar hann kemur aftur er búið ða brjóta eina rúðuna hjá honum. Þannig hann fer aftur í bæinn og nær í plast fyrir rúðuna og þegar hann kemur aftur var búið að kveikja í bílnum!

Ég náttla veit ekki hvort þetta er satt eða ekki en það var pabbi sem sagði mér þetta og ég á það til að trúa honum. Ég persónulega myndi samt bara keyra með brotna rúðu í bæinn og fengið plast og haldið svo ferðinni áfram, ekki skilið bílinn eftir, hugsandi ég gæti komið að bílnum með aðra rúðu brotna.

En aftur í umræðu efnið hérna. Ég hélt alltaf fyrst að þessi kantur hafi bara verið gerður þannig að þeir sem þyrftu virkilega að komast frammúr einhverjum (sjúkrabílar, löggubílar og þannig) fengu að komast frammúr, en mér finnst það alveg útí hött að ef maður er að keyra á hraða sem er réttur miðað við aðstæður að þá eigi maður ekki að víkja útí kannt! Einu skiptin sem ég keyri undir 90 þarna er þegar það er alveg brjálað rok og rigning eða snjókoma eða eitthvað og hleypi ég reyndar ekkert frammúr mér heldur. Fer ekki að keyra útí kannt í einhverju brjáluðu veðri.

En þetta með ábyrgðina, fyrst þetta er á ábyrgð minni ef ég fer útí kannt, er það þá æskilegt fyrir ökukennara að láta mann keyra útí kannt til að hleypa frammúr? Það er samt á hans ábyrgð, ekki það sem ég er að meina, bara að hann er að kenna mér með þessu að hleypa frammúr mér með að fara útí kannt ef einhver vill komast frammúr.
Er það rétt af honum að gera það?

[Einzi]

hehe

Danni: en það var pabbi sem sagði mér þetta og ég á það til að trúa honum

já hörmuleg slys. votta mína samúð

Með þessar axlir

Ef að það kemur bíll aftan að mér á þessum vegi þá færi ég hægri dekkin svona yfir línuna (vík svona 50 %) ef að það er EKKI bíl a móti. Sem sé c.a. sama taktík og annarsstaðar úti á landi þegar mar hleypir framúr. Ef öllu er óhætt þá á með stefnuljósið og fer út í kanntinn til að gera þetta eins öruggt og hægt er.

Ég keyri nú sem betur fer mjög sjaldan þarna á Keflavíkurveginum en mar þarf nú stundum að fara út á flugvöll ekki satt. Mér er illa við að aka þennan veg og reyndar líka á veginn austur fyrir fjall. Í raun bara alla þjóðvegina hér í kringum höfðuborgina. Á þeim er oft mikil umferð og stór hluti fólksins eru af höfuðborgarsvæðinu en allt of stórt hlutfall þeirra er stórhættulegir úti á vegum.

Það kemur ekki til greina að ég lendi í því að ég fara út á öxlina, þeas út af akreininni og bíll taki framúr ef að það bíll á móti. Ég er gjörsamlega búinn að tapa minni réttarstöðu ef eitthvað kemur fyrir. Þarna væru tveir bílar að mætast og eitthvað fífl (ég) sem væri á fullum ökuhraða á öryggisakreininni utan akbrautar. Það er ekki inni í myndinni að ég myndi koma mér í þá stöðu. Ég væri sökudólgurinn ef eitthvað kæmi upp á sem getur nú gerst þegar þrír, jafnvel fjórir bílar mætast þarna í einu.

Lenti í því síðast á leiðinni þarna eftir Keflavíkurveginum að það kemur aftan að mér jeppi sem ég hélt reyndar að ætlaði að keyra aftan á mig. (var ekki að lúsast,var á svona 100). Svo var byrjaði hann að blikka ljósunum á fullu eins og fáviti og var greinilega að ætlast til þess að ég færi út á öryggisakreinina og viku úr vegi hans. Það var nokkuð massíf umferð á móti svo eina staðan var að halda sjó með háuljósin blikkandi í speglinum þar til öruggt var að hleypa fram úr. Ég meina svona fólk, ætli það öskri á þann sem er á undan þeim á kassanum í Bónus eða hvað? Ég meina ég hef númerið á bílnum og get auðveldlega komist að því hver
þetta er. Ég hefði nú alveg getað elt hann heim og ráðist á hann og barið. Fólk hefur nú verið barið fyrir minni dónaskap og dólgshátt en þetta. Sleppti því nú reyndar enda annálaður gentilmaður

nóg í bili.

Einzi

[iar]

Ég keyri þarna um ca 20 sinnum á ári. Ég hef varla annarsstaðar séð annað eins ökulag og þarna. Menn í kappakstri við hver annan, með þvílíkt háskaframúrakstra, og eru svo ekkert fljótari en þeir sem þeir fóru framúr, vegna þess að þeir lenda aftur aftanvið gamla manninn með hattinn 500 metrum framar en þeir voru fyrr. Veður virðist ekki skipta máli.

Og ekki eru þeir betri sem ekki mega sjá það að nokkur maður fari framúr þeim og gefa í þegar einhver reynir að taka frammúr, sama þó vegurinn sé auður framundan, og svo er aftur hægt á niður í tæpan hámarkshraða þegar búið er að sjá til þess að sá sem ætlaði framúr komist ekki lengur framúr.

[Bjarkih]

Ég keyri nú sem betur fer sjaldan þarna enda er þetta að mínu áliti hættulegsti vegur á landinu. Hinsvegar keyri ég frekar oft á milli Akureyrar og Reykjavíkur og svona almennt þá hleypi ég mönnum frekar framúr en að eiga það á hættu að fá þá aftan á mig. En Þá náttúrulega eingöngu ef nógu langt er í næsta bíl á móti og skygni gott.
Svo er náttúrulega spurning hvort að slysum myndi fækka ef hámarkshraðinn yrði hækkaður í 110 þega búið er að tvöfalda, eins og maður sér erlendis. Reynsla manna í USA bendir allavega til þess, þar vari hámarkshraði aukinn (man bara ekki hvar) og öfugt við spár þá fækkaði banaslysum. Ástæðan er talin sú að menn urðu meira vakandi við aksturinn, losnuðu við dæmi sem kallast "highway hypnosis" sem sumir hérna kannast eflaust við á langkeyrslu. Manni fynst maður vera að sofna þegar hægt er farið en þegar hraðinn er aukinn pínu þá er einhvernveginn meira að gera
Ég veit að ég er kominn svolítið út fyrir efnið en þetta er bara svolítið sem þyrfti að ræða, allavega þar sem vegirnir bjóða upp á (sem er nú á afar fáum stöðum enn .

[saevar]

Jæja komin tími til að ég tjái mig um þetta mál.

Ég hef nú þurft að keyra mikið þessa Reykjanesbraut. Ég var í nokkur ár í Iðnskólanum og þá keyrði maður þarna alla virka daga og oftast einu sinni um helgi, lágmark. Og núna síðust tvö til þrjú ár hefur maður þurft að keyra þessa braut svona 3 sinnum á viku að meðaltali.

Áður en vegaxlinar voru bundnar slitlagi þá var maður vanur því að gefa bara stefnuljós til hægri og hægja á sér til að hleypa bílum sem fóru hraðar yfir. Mér finnst það ágætis leið til að hleypa fram úr og geri það enn þann dag í dag nema að núna fer maður kannski aðeins út í kant. En eftir að þessar vegaxlir voru bundnar slitlagi þá eru menn byrjaðir að stinga sér þarna út af á 100 km hraða og hægja ekki einu sinni á sér. Þannig að oft þarf maður að gefa í frammúr þessum einstakling þar sem það er röð af óþolinmóðum ökumönnum fyrir aftan mann og þarf maður þá oft að troða sér á milli bílsins og umferðarinnar á móti. Síðan hef ég oftar en einu sinni orðið vitni af því að trukkar með tvo tengivagna skelli sér út af og slá ekkert af og aftari tengivagninn swingar fram og til baka. Hvað fær menn til þess að setja sig í þessa áhættu

Einhvern tíman heyrði ég að það væri vafamál hvort að maður væri tryggður þegar maður keyrði á þessum vegöxlum. Vegna þess að maður er að keyra utanvega og þá er maður á eigin ábyrgð. Þannig að einn daginn, þegar við félagarnir heyrðum umferðarráð hvetja fólk til að nota vegaxlinar til að hleypa framúr, að hringja í umferðarráð og spurðum þá útí þetta. Þeir gátu ekki svarað okkur en það eina sem þeir sögðu að það væri brotinn lína út í vegakanti og væri þetta eini staðurinn á landinu sem það væri. Þeir gátu samt ekki sagt okkur hvað það þýddi.

Ég ætla þá bara hér með að hvetja yfirvöld hér með að fræða landsmenn hvernig það á að nota þessar vegaxlir, þar sem það virðist vera mikill ágreiningur um það hvernig eigi að nota þær. Einnig vil ég hvetja þá sem eru að keyra Brautina að ekki vera nota axlinar að ástæðulausu þangað til að við fáum einhverja útskýringu á þessu. Nema náttúrulega ef að Sjúkrabílar og svoleiðis eru í forgangsakstri þá fer maður náttúrulega út í kant, bara ekki gleyma stefnuljósinu.

En ef að þið lendið einhvern tíman að menn eru byrjaðir að flauta og blikka ykkur á Reykjanesbrautinni eða annarsstaðar farið þá í guðana bænum út í kant og hleypið þeim frammúr. Ég hef nefnilega lent í því að svona einstaklingur reyndi að keyra mig útaf af því að ég hleypti honum ekki frammúr. Þetta er kallað "road rage" og oft má litlu muna að menn sleppi sér alveg þegar þeir eru í svoleiðis kasti.

Síðan í lokinn vil ég bara minna ykkur á að þessi vegur heitir Reykjanesbraut og er það ekkert rangnefni. Þessi vegur liggur frá Sandgerði og til Reykjavíkur og samkvæmt rökum Leo M þá ætti þessi vegur að heita Sandgerðisvegur. Þessi vegur tengir alla bæi á Suðurnesjum við restina af landinu og liggur eftir Reykjanesskaga og nota flestir veginn til að fara í Reykjanesbæ. Því finnst mér Reykjanesbraut bara ágætis nafn á þessum veg.

[morgvin]

hvað er þetta.... það er hið fínasta mál að víkja útí kant fyrir næsta manni(almenn kurteisi að mínu mati) auðvitað á að gæta þess að vera ekki að stofna þér eða öðrum í hættu.

En ef að það er eitthver svona rassasleikja (sem á að vera bíllengd frá) er að blikka og flauta og annað slíkt fyrir aftan þig þá er ekkert mál að stöðva bifreiðina í róleg heitunum (ekki á maður að vera að flýta sér ). fyrir framan viðkomandi og spyrja hann hvort hann sé að drýfa sig.

Sjálfur vík ég útí kant fyrir hraðari umferð (en verð alveg grautfúll ef fólk þakkar ekki fyrir með hazardinu).

[Kull]

Sjálfur vík ég útí kant fyrir hraðari umferð (en verð alveg grautfúll ef fólk þakkar ekki fyrir með hazardinu).

Er það einhver venja? Aldrei hef ég tekið eftir þessu, keyri svosem sjaldan þennan veg....

Annars nota menn hazardinn óspart á hraðbrautunum úti ef hægist skyndilega á umferðinni, mjög sniðugt, enda hannað til að vara við hættum.

[MrManiac]

Við félagarnir rendum inn í Grindavík um daginn...Ekkert mál með það enn ég verð bara að vera sammála Þórði Helga. Ég játa það að ég er enginn engill í umferðinni Keyri samt OF mikið þannigáð ég álít mig hafa smá Clu um það hvað ég er að gera undir stýri. Keyri vörubíl dags daglega. Þarna á reykjanes brautinni var ég Bókstaflega Fyrir á 95Km einmitt blikkað á fullu,flautað,manni sendur puttinn og ég veit ekki hvað og hvað. Fólk ríkur fram úr manni í blindbeigjum blindhæðum og jafnvel á 2 faldri bannlínu. 'eg segi nú bara að það sé ótrúlegt að það verði ekki fleirri banaslys á þessum vegi enn raun ber vitni. Eins og ég sagði hér áður og Stend við það að ef þið ætlið fram úr mér á rétt tæplega 100 km hraða þá geriði það á ykkar ábyrgð. Ekki mína !

[Jss]

hvað er þetta.... það er hið fínasta mál að víkja útí kant fyrir næsta manni(almenn kurteisi að mínu mati) auðvitað á að gæta þess að vera ekki að stofna þér eða öðrum í hættu.

En ef að það er eitthver svona rassasleikja (sem á að vera bíllengd frá) er að blikka og flauta og annað slíkt fyrir aftan þig þá er ekkert mál að stöðva bifreiðina í róleg heitunum (ekki á maður að vera að flýta sér ). fyrir framan viðkomandi og spyrja hann hvort hann sé að drýfa sig.

Sjálfur vík ég útí kant fyrir hraðari umferð (en verð alveg grautfúll ef fólk þakkar ekki fyrir með hazardinu).

Á þessum hraða á nú að vera "dálítið" lengra á milli bíla en bíllengd en það er munur á því hvað á að gera og hvað fólk gerir