tölva - talva umræða

[Gunni]

PULSA kallinn minn

[Djofullinn]

Pylsa er bara asnalegt maur
Pulsa er málið!

[ta]

pylsa og tómatsósa.

eitt enn sumir segja smúla, ekki spúla.

hehehehe

[jth]

eitt enn sumir segja smúla, ekki spúla.

Nákvæmlega, þetta kannast ég við! Hvaðan í ósköpunum kemur sögnin "að smúla"? Sögnina "að spúla" er hægt að finna í öðrum germönskum málum, en hvaðan kemur þetta "smúlerí"?

[Haffi]

hmm ég smúla alltaf en kemur þó fyrir að ég spúla !

[Heizzi]

Jæja, þetta tók kannski smá tíma en hér er allavega svarið komið

Tekið af vísindavef Háskóla Íslands:

Orðið spúla „skola með vatni" er tökuorð úr dönsku en þangað er það sótt úr miðlágþýsku spûlen, spôlen. Orðið er til í nútíma þýsku sem spülen í sömu merkingu. Spúla er ekki gamalt í málinu en þekkist frá því snemma á 20. öld.

Smúla „skola, hreinsa (þilfar á skipi, gólf, borð í fiskvinnsluhúsum)" virðist ekki eiga sér samsvörun í nágrannamálum og vera innlend hliðarmynd við spúla. Hugsanlega getur smúla í merkingunni „smygla" hafa valdið því að hliðarmyndin varð til.


Ég er sáttur við þessa útskýringu enda hef ég alltaf hallast að því að segja spúla.

[jth]

Jæja, þetta tók kannski smá tíma en hér er allavega svarið komið

Glæsilegt, góð rannsóknarvinna!

En segðu - hvað í ósköpunum fékk þig til að muna eftir þessum, tja - afar rykfallna þræði?

[gunnar]

Ég segi ALDREI pylsa, pulsu á mitt brauð takk..

en ég hengi hvern sem er sem segir talva!

[Heizzi]

Jæja, þetta tók kannski smá tíma en hér er allavega svarið komið

Glæsilegt, góð rannsóknarvinna!

En segðu - hvað í ósköpunum fékk þig til að muna eftir þessum, tja - afar rykfallna þræði?

svona er það þegar maður getur ekki sofnað, var búinn að lesa allt nýtt á spjallinu og fór þá skoða gömul innlegg frá mér og rakst á þessa bráðskemmtilegu umræðu

[Kristjan]

Fyrst að allir eru komnir off topic þá ætla ég líka

Þetta er bara eins og orðið pylsa/pulsa. Skrýtið fólk (og sveitafólk) segir pylsa en venjulegt fólk segir pulsa
Nei, án gríns þá sagði ég alltaf talva þangað til eitthver ''guest'' á spjallinu varð reiður og skammaði mig fyrir að segja talva en ekki TÖLVA

Svo ég vitni nú í Otto West....."ASSHOOOOOOOOLE"

[Haffi]

hehehe þessi djöfull vaknaður

[Schulii]

er ekki hægt að leggjast í rannsóknarvinnu með orðið TALVA líka??

ekki að ég sé hrifinn af notkun þessa orðs þá fer ég ekkert ofanaf því að þetta er orðið rétt að segja þetta

[Haffi]

mig langar að slá fólk í andlitið þegar það segir TALVA !

[Heizzi]

er ekki hægt að leggjast í rannsóknarvinnu með orðið TALVA líka??

ekki að ég sé hrifinn af notkun þessa orðs þá fer ég ekkert ofanaf því að þetta er orðið rétt að segja þetta

Það er greinilega hægt að finna svör við öllu á Vísindavef Háskólans:

Tölva

Þegar búa þurfti til íslenskt orð yfir enska heitið 'computer' varð orðið tölva fyrir valinu. Í desember árið 1964 eignaðist Háskóli Íslands fyrstu tölvu sína, IBM 1620. Orð þótti vanta yfir gripinn og er Sigurði Nordal prófessor eignað orðið tölva sem hann setti fram 1965. Áður höfðu menn notast eitthvað við orðið rafeindareiknir. Tölva er myndað eftir orðum eins og slöngva og völva. Rétt mynd er því tölva sem beygist svona:

et. ft.

nf. tölva tölvur

þf. tölvu tölvur

þgf. tölvu tölvum

ef. tölvu tölva


Benda má á greinina „Um orðið tölva“ eftir Baldur Jónsson í Sagnaþingi helguðu Jónasi Kristjánssyni. I: 33-44. Reykjavík 1994.

Í þessu svari felst að íslenska nýyrðið er tölva en ekki "talva".

Pylsa

Orðið pylsa er tökuorð í íslensku, líklegast úr dönsku pølse. Í nýnorsku og færeysku þekkist myndin pylsa, í sænsku pölsa og í sænskum mállýskum pylsa. Það þekkist í málinu frá því á 17. öld. Miðað við uppruna er rétt að skrifa pylsa með -y- en orðmyndin pulsa er framburðarmynd, hugsanlega fyrir áhrif frá dönsku.

Og ekki orð um það meir

[force`]

Ég segi ALDREI pylsa, pulsu á mitt brauð takk..

en ég hengi hvern sem er sem segir talva!

talvan mín er alveg steikt.
pirraður núna ?
hvað er eiginlega að því að segja talva ?
mér finnst vera mikilvægari vandamál að velta sér uppúr
eins og td, hvernig litlu gelgjurnar eru hreinlega að rústa íslenskunni
á netinu. Og hverjum er ekki sama þó fólk segir talva eða tölva.
Poteitó, potató.