Nokkrir punktar um nagladekk!

[bebecar]

Ályktanir sem draga má af þessarri afmörkuðu tilraunar eru í örstuttu máli þær, að á
þurrum ís gefa loftbóludekk og ný negld vetrardekk minni hemlunarvegalengd en ónegld
vetrardekk og harðkornadekk, þegar ekið er ökutæki af þeirri gerð sem hér var notuð á
hraðanum 40 eða 60 km/klst. Ónegldu vetrardekkin virðast slökust við þessar aðstæður.
Þessar niðurstöður eru óháðar því hvort ökutækið er búið ABS-hemlunarkerfi eða ekki, ef
ökumaður beitir „virkri” hemlun þegar ökutækið er án ABS-kerfis. Þegar yfirborðið er
þurrt eða blautt er lítill munur á hemlunarvegalengdum ökutækis af þeirri gerð sem hér
var notuð, ef það er búið ABS-hemlunarkerfi, en þó eru vísbendingar um að loftbóludekk
hafi meiri hemlunarvegalengd á blautu yfirborði en aðrar gerðir dekkja sem prófaðar
voru.
Rétt er að leggja á það ríka áherslu, að niðurstöður þessarar tilraunar gilda aðeins fyrir
þær aðstæður sem voru þegar prófin fóru fram og ekki er rétt að yfirfæra tilraunina á
einhverjar aðstæður sem ekki ríktu og tæki eða búnað sem ekki var prófaður. Til dæmis
má nefna að þegar gerð voru hemlunarpróf á nokkrum dekkjagerðum árið 19921 voru
vísbendingar um að hemlunarvegalengd væri meiri á negldum dekkjum en slitnum og
nýlegum dekkjum, á blautu malbiki. Þá var beitt hemlun með læsingu dekkja. Þessar
niðurstöður fást ekki staðfestar hér með þessari tilraun, þar sem það var ekki prófað.
Einnig má benda á eftirfarandi þætti sem ekki voru prófaðir í þessu verkefni, en gætu
komið til greina að athuga síðar:

http://www.rabygg.is/skjol/veg/prohemlvegl.pdf

Niðurstaðan er sú að ekki er marktækur munur á hemlunarvegalengd á loftbólidekkjum og nýnelgdum nagladekkjum.

Það segir sig sjálft að nagladekk verða sífellt verri eftir því sem nöglunum fækkar.

[Djofullinn]

Já þetta er nákvæmlega það sem maður hefur alltaf haldið.
Það á bara að banna þessi helvítis nagladekk!

Bebecar, hefur þú prófað að skrifa alþingi um þetta mál?
Væri líka sniðugt að tala við þingmann og byðja hann um að taka þetta fyrir Þess virði að reyna

[fart]

225/45-17 Loftbóludekk til sölu, 4stk mjög lítið notuð

Bridgestone Blizzak

Fart

[bebecar]

Það er ýmislegt reynandi - við gætum nátturulega verið ágætis þrýstihópur og ályktað um hin ýmsu mál.

[Djofullinn]

Það er ýmislegt reynandi - við gætum nátturulega verið ágætis þrýstihópur og ályktað um hin ýmsu mál.

Nákvæmlega! Ég held að flestir bílaáhugamenn séu sammála um það að nagladekk eru SATAN

[bebecar]

Já... það er ég sammála þér um.

[íbbi_]

hmm, ég verð aldrei samþykur því að nagladekk verði alfarið bönnuð, ég bý jú á vestfjörðum þar sem ekki er saltað yfir hálkuna og hálka er oft á tíðum mun meiri en á höfuðborgarsvæðinu, ég er búnað að prufa margar tegundir heilsársdekkja nagladekkja og einnig harðkornadekk, og jú hef líka keyrt bíl nokkuð mikið á loftbóludekkjum,

í glæra hálku finnst mér nagladekkin tvímælalaust langbest, harðkornadekkin fannst mér ekki góð, ég er á Goodyear supergrip á maximuni (naglalaus snjódekk)og þau eru reyndar alveg mjög góð í snjó og slappi og merkilega seig í hálku, en ég bara geri bílnum það ekki að keyra á nagladekkjum þar sem hálkan varir oftast ekki yfir lengi.

heimilis bíllin á mínu heimili er stór og mikill Dodge pallbíll, í hálku þýðir ekkert annað en naglar eða keðjur til að stoppa þetta flykki og varla að það dugi þrátt fyrir ABS,

þó svo að ég sé ekki fylgjandi banni á nagladekkjum skil ég nú samt alveg að þið séuð á móti þeim, en ég bara get ekki samþykt það meðað við þær aðstæður sem ég bý við.

[bebecar]

Ég er ekki endilega fylgjandi algjöru banni á nagladekkjum. Þau eru hinsvegar fullkomlega óþörf á höfuðborgarsvæðinu.

Hinsvegar kom fram í þessari könnun að nagladekk væru EKKI betri en loftbóludekk - þau væri jafngóð meðan þau væru ný - en verri eftir það!

Þessvegna held ég að menn verði aðeins að skoða málin og líklegast er eðlilegast að hér sé hafður sami háttur á eins og í ölpunum í evrópu en þegar það er hálka þar þá eru menn skyldaðir til að nota keðjur - bílar komast mjög vel áfram á þeim og eru um leið með takmarkaðann hraða ef menn vilja ekki skemma bílinn.

Það fylgja tvö nelgd dekk með þristinum þar sem hann er alvarlega lélegur í snjó - ég er hinsvegar á því að kaupa mér frekar keðjur! það er ekkert mál orðið að setja þetta á og þær gefa gífurlegt grip.

[flamatron]

225/45-17 Loftbóludekk til sölu, 4stk mjög lítið notuð

Bridgestone Blizzak

Fart

Á hvað

[fart]

það er vandamálið, ég hef ekki guðmund um það.

Skjóttu á mig tilboði í privat msg

[íbbi_]

bebecar, hefuru keyrt bíl á keðjum? það er vægast sagt viðbjóður eins og bíllin sé að hristast í sundurog meðað við hvernig þær fara með svellið þá get ég ekki ýmindað mér að þær fari vel með malbikið..

[bebecar]

Ég hef keyrt bíl á hefðbundnum (þykkum) keðjum og svo á radial keðjum og þær síðarnefndu eru frábærar og það eru einmitt þær sem menn eru skyldaðir til að nota erlendis.

En eins og áður þá stendur eftir að nagladekk eru ekki með mælanlegan mun á gripi miðað við loftbóludekk.

[Gunni]

Það var einhver norskur gaur sem var að hanna gríðarlega sleipt efni til að setja undir skíði sem hannaði akkúrat andstæðuna í leiðinni. Þetta er eitthvað trefjaefni sem hann setti svo saman í einhverskonar sokk sem maður smellir á dekkin og virkar gríðarlega til að mynda grip í hálku. Þetta er algjör snilld því þetta skemmir ekki malbik. Þess má einnig geta að þetta fékk TÜV viðurkenningu í þýskalandi.

Ég sá þetta í einhverju FÍB blaði minnir mig, en ég held ég sé búinn að henda því. Það væri gaman að hafa uppá þessum "sokkum" því ég væri alveg til í að eiga svona ef svo ólíklega vildi til að það verði einhverntímann einhver massa vetur á höfuðborgarsvæðinu.

Í sambandi við keðjurnar: Ekki nota þær nema þú nennir að taka þær af eftir þennan eina meter sem hálkan er á. Ef ég mundi sjá einhvern keyra á keðjum á beru malbiki mundi ég gera borgaralega handtöku á honum !

[bebecar]

Það er nú varla alvarlegra að keyra á radíalkeðjum á malbiki en nöglum!

[Gunni]

Það er nú varla alvarlegra að keyra á radíalkeðjum á malbiki en nöglum!

jú því naglarnir eyðast frekar fljótlega, meðan keðjan hjakkar malbikið í tætlur...