Ítalska fyrirtækið Racing Dynamics, sem hefur breytt og betrumbætt BMW bíla síðan 1980, telur að BMW hafi áform um nýjann ofurbíl sem þeir hyggist setja á markað árið 2009. Bíll þessi yrði sá fyrsti síðan M1 var framleiddur og verður það að teljast til tíðinda að þekkt breytingarfyrirtæki eins og Racing Dynamics skuli koma með fullyrðingu af þessu tagi. Mögulega vita þeir meira en leikmenn. Þeir hjá Racing Dynamics eru í það minnsta klárir með sína útgáfu af þessum ofurbíl sem þeir telja að fái auðkennið M10. Racing Dynamics munu kalla sinn bíl RS55 Coupé og mun sá verða búinn 655 hestafla V10 vél og hafa hámarkshraða upp á meira en 344 km/klst. Bíllinn virðist bera keim af hinum nýja Z4 coupé að aftanverðu en þó verður að teljast ólíklegt að BMW komi til með að framleiða nýjann ofurbíl í þeim stærðarflokki.
Hljómar ekki illa
