bmwkraftur.is

Góðan daginn,
Þar sem þið eruð nú BMW snillingar, þá leita ég til ykkar
ég er að spá í þessum bíl: BMW 316IA, 1995. ekinn 125.000 km
Hann er til sölu hjá J.R. bílasöluni sjá http://www.bilasolur.is/Redirect.asp?ID=17.
Númerið á honum er RJ082.

Hér eru svo nokkrar spurningar til ykkar sem eruð fróðari en ég,
Er vit í að kaupa þennan bíl?
hvað eru svona bílar að eyða miklu?
er ekki vonlaust að vera á svona bíl á veturna?
það er sett á hann 580.000. er það sanngjarnt?

HJÁLP.....mig vantar svör við þessu sem allra fyrst........takk

Vinur minn á svona bíl reyndar 94 en hann er 316i... hann er ferlega sáttur við hann en hann er náttúrulega vitamáttlaus, en ef þú ert ekki að spá í kraft þá mundi ég segja að þetta væri í lagi... Ég átti 320i og þótti mér hann frekar erfiður í snjó og hálku, en ég var líka ekki á Vetradekkjum . En þeir vilja meina að afturhjóladrifnir bílar séu auðveldari í að ná stjórnum (ef þú missir takið á honum) heldur en frammhj. En flestur hafa bara meiri kunnáttu á frammhj.
Endilega fara með hann í sölusköðun það er alveg must... Og svo bara bjóða í hann...

_________________
Núið:
BMW 730d '04

Ef þú ert ekki að sækjast eftir krafti, bara þægilegum krúser þá jájá



Giska á 8-10 á hundraðið



Alls ekki, flestir sem eru vanir aftuhjóladrifinu eru sammála mér um að afturhjóladrifið er bara mjög fínt í snjó.



Nei, það er of mikið

_________________
Bjarni
www.bjahja.com

Bílprófið handan við hornið
Hvað á maður að bjóða mikið í hann, ég kann ekkert á þetta

Það finnst mér ekkert of mikið! Bíllinn er ekki ekinn nema 125k. Það er talsverður undir-akstur. Ef hann er vel með farinn að öðru leyti þá er þetta alveg sanngjarnt verð.

Færð hann samt örugglega á undir 500 á borðið!

_________________
JÞS
- 323i coupe - '96

580 er of mikið finnst mér... þetta er 10ára 316. Mundi halda að hann tæki 500-520...

_________________
Núið:
BMW 730d '04

600 kall fyrir 10 ára gamlann 316 !!!
Mér er slétt sama hvað hann er ekinn, gæti verið ekinn 10km og mér finnst það samt of mikið
Ég myndi segja nær 400 kallinum, en ef hann er í mega góðu ástandi þá er alveg óhætt að fara nær 500.

_________________
Bjarni
www.bjahja.com

Ok !
Málið er að ég er að leita að bíl handa syni mínum, sem er að fá bílpróf.
Hann sér ekkert nema BMW, en ég er frekar smeikur við þetta !
Ég vill helst kaupa Toyotu Corollu eða sambærilegt, og er reyndar búinn að segja NEI við BMW !

EN ! þar sem ég var nú einu sinnu yngri en ég er í dag, þá skil ég hann nú alveg, að langa í Bimma

Þið talið um kraftlausan bíl, en hann er þó rúmlega 100 hö. er það nú ekki alveg nóg fyrir 17 ára ungling sem er að fá bílpróf !

Það sem mig langar að vita:
1. Eru þessir bílar að bila meira en aðrir bílar?
2. Gæti hugsast að búið sé að skrúfa niður Km-mælir?
3. Er BMW varahlutir dýrari en gengur og gerist með aðra bílategundir?

Þetta er nú kannski ekki alveg rétti staðurinn til að leita ráða, þar sem þessir bílar eru heilagir í ykkar augum "MEIRA SAGT Í GRÍNI"

Með fyrirfram þökk fyrir hjálpina



Ps. Nú les strákurinn þennan pistil frá mér, og sér að ég er nú ekki alveg búinn að loka á þetta BMW dæmi........... DÖö !

Þú ert almennilegur pabbi

BMW eru EKKI heilagir í mínum augum, frekar en annað... þannig að.

316i - ég held að þetta verð sé í hærra lagi en pottþétt hægt að pína það niður.
Ef bílnum hefur verið vel við haldið, þá bilar hann ekki meira en aðrir bílar - hinsvegar má búast við ákveðnum "BMW-kvillum" sem fara nú yfirleitt ekkert í taugarnar á okkur hér en myndu eflaust trylla Toyota fólkið... hér er þessu öfugt farið, aksturseiginleikarnir í Toyota myndu trylla okkur

Ég veit fyrir víst, vegna þess að ég hef kannað það, að varahlutir í BMW eru ódýrari en í Toyota, auk þess meðlimir í klúbbnum fá afslátt hjá B&L og ýmsa óvænta hjálp ef eitthvað bjátar á.

Það gæti hugsast að það sé búið að skrúfa niður mælinn, en frekar hæpið að einhver fari að standa í því á 316i hugsa ég.

PS, svona bíll er mjög sparneytinn - þú mátt reikna með 8 lítrum á hundraðið innanbæjar ef þú ert í sparakstri... annars 10....

_________________
Ingvar Örn || BMW R100RS 1994 || Renault Megane RS Turbo 2009 || Alfa Romeo Duetto 1967 Fast Road

Takk fyrir þetta Ingvar Örn,
Hverjir eru þessir "BMW hvillar" sem þú talar um?

Ps. Ég get nú ekki sagt að ég sé Toyota-fan, en maður er að þykjast vera skynsamur, fyrir hönd stráksins, þar sem það er frekar ömurlegt að vera nýkominn með bílpróf og eiga bíl sem maður er í tómu tjóni með
og hélt að kannski væri hann betur settur með ´97-´99 árgerð af Toyotu !

Mig vantar bara góðan bíl, er með 5-600þús stgr. og satt að segja veit ég ekkert hvað ég á að kaupa ?

Toyota er yfirleitt alltof dýr hvort eð er!

Það getur verið raki í afturljósunum, samlæsingarnar eiga það til að bila (yfirleitt bara lóðning sem gefur sig), þeir spæna uppá sig grjóti þannig að sílsinn við frambrettin verður ansi barinn og stundum með yfirborðsryði - svona svo eitthvað sé nefnt. Það þekkja þetta líklega aðrir betur en ég (ég hef ekki átt svona bíl eins og um ræðir).

Sem fyrsta bíl hinsvegar... þetta er alltaf spurning um verð VS bensínkostnaður. Þú gætir t.d. fengið glæsilegan bíl sem er hér til sölu (gamlan) í þræl fínu standi fyrir 270 þúsund, en hann eyðir hinsvegar ekki 10 á hundraðið. Sá bíll er hinsvegar stór og öruggur og fínn í snjónum.

Ég held aðallega sé málið að skoða allt með opnum huga og gera sér grein fyrir því að það eru oft gífurlega góð kaup í eldri bimmum og bensum... að mínu mati væri ekki fráleitt að spara sér 300 þús á móti bensínkostnaði t.d.

t.d. svona... http://www.bmwkraftur.is/spjall/viewtopic.php?t=10698 Bjarki myndi örugglega finna á hann felgur fyrir sanngjarnan upphæð.

Svo er eitt annað, fyrir 500-600 þúsund færðu eiginlega bara vel gamla bíla og hættan á viðhaldi er að mínu mati alveg sú sama á 6-7 ára gömlum bíl og 15 ára gömlum (sem hefur verið vel við haldið til dæmis).

Eitt enn... þetta er ansi mikið fyrir arfamáttlausan bíl sem verður ekki vinsæll til endursölu eftir 1-2 ár einmitt vegna þess.

Hér á spjallinu eru nokkrir góðir bílar á þessu verðbili til sölu sem allir eru mun öruggari til endursölu - t.d. blæjubíll af eldri gerð (ég veit - klikkuð hugmynd, en maður lifir bara einu sinni er mér sagt) sem er bara ekki langt frá þessum prís sem þú ert að leita að. Slíkur bíll er langt því frá að vera ópraktískur OG er vel till þess fallinn að vinna sér inn virðingu ökumannsins - nokkuð sem kemur til með að draga úr slysahættu á næstu tveimur árum.

Það er reyndar til sölu á sömu bílasölu 3 árum eldri 325 á sama verði.... en hann er því miður líka sjálfskiptur.

_________________
Ingvar Örn || BMW R100RS 1994 || Renault Megane RS Turbo 2009 || Alfa Romeo Duetto 1967 Fast Road

Sjálfur byrjaði ég á E36 BMW Það var 318IS bíll og það kostaði "kúk og kanel" að eiga hann...

Rosalega góður í akstri og það er nú frekar skinsamlegra að senda strákinn af stað í umferðina á öruggum sterkum þýskum bíl frekar en japanskri "dós".

Svo þar sem hann er lika sona mikill BMW maður gæti það vel farið svo að hann beri meiri virðingu fyrir bílnum og sé kannski síður að djöflast eitthvað á honum og með fíflalæti sem oft enda með ósköpum.

Þetta er annars nákvæmlega sama hugmynd og pabbi minn hafði um BMW á sínum tíma en núna og 3 BMW bílum seinna er hann orðinn svo rosalega sáttur við þá að hann er algerlega viðsnúinn þegar kemur að þessu BMW böggi sem flestir virðast sýna þeim sem eiga þessa bíla....

Semsagt. rosalega góðir bílar,
gott að keyra (kannski meiri séns að redda sér úr vandræðum),
Þurfa ekki að eiða miklu (og eru ekki að eiða meira en aðrir bílar með jafn stórar vélar (oft minna ef eitthvað er vegna mikilla tækniþróunar)),
Varahlutir í þá eru oftast ódyrir (nema kanski í rafkerfið en það er líka vel smíðað og dýr vandamál með það ekki algeng),
Svo er það auðvita stór plús að þeir eru gamlir en samt flottir og góðir og falla þessvegna alls ekki eins hratt í verði og nýja toyotan sem er yfirleitt ekkert betri þó hún sé mikið nýrri.

Sæll Jeppakarl. Þú spurðir hvort það væri búið að skrúfa niður mælinn í honum, mér sýnist allar km. tölur stemma samkvæmt skoðunarsögu bílsins. En aftur á móti líst mér ekkert alltof vel á blikuna því mikið hefur verið slugsað að láta gera við hann. Í fyrra því hann fór alls þrisvar sinnum í skoðun á síðasta ári og hefur farið tvisvar á þessu ári en hefur ekki enn staðist skoðunina og er með endurskoðunarmiða held ég

Hér er þetta sem ég gróf upp:

27.05.2005 Endurskoðun - Lagfæring
03.02.2005 Aðalskoðun Frumherji Njarðvík - Frestur
05.08.2004 Endurskoðun Frumherji Njarðvík - Frestur
02.07.2004 Aðalskoðun Frumherji Njarðvík - Frestur
27.06.2004 Boðun í skoðun af lögreglu

_________________
Dóri
BMW 525i e34 '91 [SELDUR]
Opel Vectra CD 2.0 '97[Í notkun]

Ég verð nú að taka undir með Ingvari þegar hann segir að þú sért almennilegur pabbi

Ég hef ekki mikinn samanburð við aðrar bílategundir, en það hefur komið mér á óvart hve lítið varahlutir kosta í þessa bíla (átti Mözdu áður og það kostaði handlegg og fótlegg að versla varahluti í hana).

Varðandi snjóinn, þá er auðvitað númer eitt tvö og þrjú að vera á góðum dekkjum. Þegar það er, þá liggja þessir bílar eins og límdir við veginn. Ég hef ekki lent í neinum vandræðum á mínum (318), hvort sem er innanbæjar eða á ferðalögum út úr bænum.

Mér sýnist þetta vera prýðilegt eintak, lítið keyrður, ekki að sjá neitt ryð og samkvæmt auglýsingunni á síðunni fylgja 17 tommu dekk og þau eru ekki gefins. Vissulega enginn ofurkraftur, en eins og þú bendir sjálfur réttilega á, þá eru 100 hestöfl feikinóg fyrir nýjan bílstjóra.

Ég myndi prófa að bjóða 500 þúsund. Í versta falli færðu nei eða gagntilboð og í besta falli er sett á hann 580 í þeirri von um að fá 500 þúsund fyrir hann.

En ertu viss um að hann sé 316iA (sjálfskiptur)? Sýndist á innimyndinni að það sé gírstöng þarna á milli. Má vera að það séu bara ofsjónir í mér.

_________________
318iA - 290.000 km and stopped counting
540 e39 Shadowline - Fjölskyldubíllinn

Takk kærlega fyrir öll þessi góðu ráð og ábendingar strákar

Varðandi þetta með skoðunina, þá er nýbúið að skoða bílinn.
Ég ætla rétt að vona að þeir hafi ekki bara fundið blindann skoðunargaur !
það er víst stundum þannig

Góður Pabbi segið þið........ég verð nú að viðurkenna svolítið...... !
það eru meiri líkur að ég fái frið með Fordinn minn (sem er ekki beint að eyða litlu enda 300 hestöfl) ef ég kaupi BMW handa stráknum

Grettir ! það er rétt hjá þér, BMW´inn er beinskiptur !
en það stendur samt að hann sé 316IA ! er það rangt ?
ef svo er hvað er hann þá ? 316I ? og ætti þá að vera ódýrari ?

En allavega, þá ætla ég að fara með bílinn í skoðun hjá bílvélavirkja sem
ég þekki og láta hann fara yfir gripinn, sjáum hvernig það kemur út.

En og aftur TAKK KÆRLEGA FYRIR MIG