Er hægt að reikna út hvaða drifhlutfall.........

[Haffi]

Árni ... múhaha þessar formúlur þínar koma þér ekkert að góðu á server

[Þórður Helgason]

settu hvítt teip á drifskaptið, og á dekkið.. fáðu síðan 2 félaga.. annan til að liggja á jörðini og telja hvað drifskaptið fer marga hringi meðan hinn telur hvað dekkið fer..

ekki háþróaðasta aðferðin kannski..

Íbbi, hvað ætlar þú að gera á meðan, fari í kaffi?


Þetta virkar. Það sem þú þarft að gera er mjög einfalt, og þú getur það á 5 mínútum.

Tjakkaðu bílinn upp öðru megin, merktu drifskaftið í einhverri stöðu,, t.d. það sem snýr lárétt til vinstri. Mundu stöðuna vel. Liggðu undir bílnum á meðan hjálparmaður snýr dekkinu einn hring hægt (nota líka svipaðar merkingar), og teldu hringina sem drifskaftið snýst.

Deildu með tveimur í útkomuna og hlutfallið er komið. Þetta gefur alveg nóga nákvæmni til þess að greina á milli hlutfalla sem þú veist að koma til greina.

Og svo er bara að drífa í þessu, þetta stekkur ekki útúr tölvunni sjálfkrafa.

Engar vitlausar útreikningar varðandi snúning vélar, hraða og bla bla...

Það eru alltof margir óþekktir faktorar í því dæmi sem skekkja myndina.

[arnib]

Deildu með tveimur í útkomuna og hlutfallið er komið.

Ég geri ráð fyrir að þessi deiling með tveimur sé tilkomin vegna þess að einungis annað dekkið snúist og taki þar af leiðandi "að sér" snúning fyrir tvö dekk.

Og þetta virkar auðvitað ekki á læstu drifi.

[Þórður Helgason]

Deildu með tveimur í útkomuna og hlutfallið er komið.

Ég geri ráð fyrir að þessi deiling með tveimur sé tilkomin vegna þess að einungis annað dekkið snúist og taki þar af leiðandi "að sér" snúning fyrir tvö dekk.

Og þetta virkar auðvitað ekki á læstu drifi.

Hárrétt. Sé drifið læst er þetta yfirleitt ekki hægt, sum LSD þurfa þó afl frá drifskafti til að læsa sér.

[gstuning]

Það er bara rugl

Sýnið mér video af þessu að gerast,


Tjakka einu dekki upp og snúa dekkinu einn hring og telja hversu marga drifskaftið snýst, hægt er að snúa 2 hringi telja drifskaftshringina og deila í með tveim, en þetta sést svo vel að einn hringur er nóg,

Þótt að eitt dekk sé bara að snúast breyttist ekki drifið úr 4,1 í 2,05 það er mesta bull sem er til!!

Tennunum fækkar ekki sko!!!??

Hvaðan fáið þið þetta,

Ef drif er ólæst og og t.d ekki í bílnum og snúið er einum öxli þá snýst hinn í hina áttina og drifskafts dótið snýst bara í hringi,

[GHR]

Já, ég verð eiginlega að vera sammála GStuning. Ég er ekki alveg að skilja þetta hjá ykkur en kannski er það rétt en veit ekki

[arnib]

Það er bara rugl

Nú jæja

... snúið er einum öxli þá snýst hinn í hina áttina ...

Einmitt!
En hvers vegna gerist það ?
Jú, vegna uppbyggingu drifsins, sem er mjög erfitt að lýsa í orðum og þarf í raun bara að skoða á skýringarmynd. Inni í drifinu sjálfu eru tvö tannhjól sem snúast í raun í kringum sjálf sig!

Ef þú snýrð öðru dekkinu, snýst hitt í hina áttina. Ef einhver héldi hinu dekkinu kyrru, þá væri "helmingi léttara" fyrir þig að snúa þínu dekki, eða möo, það snerist tvöfalt hraðar.

Það útskýrir líka hvers vegna er auðvelt að missa ólæstan bíl í spól á öðru dekki, og ef að bíllinn sekkur ofan í drullu öðrum megin þá fær hjólið sem maður myndi VILJA að fengi kraft engann kraft, því að bílnum finnst léttara að snúa hinu (þar sem það snýst frjálst!).



úff.

Þetta er allavega sá skilningur sem ég legg í þetta, kannski getur einhver annar útskýrt þetta betur fyrir okkur.

[Þórður Helgason]

Rétt, arnib.

GSTuning. eins og þú veist mikið, sýnist mér um bíla og tuningar, afl og tækni, hefurðu aldrei spáð í hvernig mismunadrif virkar?

Sé annað hjólið kyrrt, og bíllinn spólar á hinu, snýst það lausa tvöfalt hraðar en ef þau snérust bæði!!!

Þetta hélt ég að bílaspekúlantar vissu. Þar með þarf að deila með tveimur til þess að fá rétt hlutfall, er taldir eru hringir á drifskafti, ef aðeins öðru hjóli er snúið og bíllinn stendur í hitt. Þessvegna tók ég fram, aðeins lyfta öðru hjóli. Annað er ekki marktækt, t.d. ef hjólið sem er ekki snúið snýst bara smá, þá er dæmið ónýtt.

Sammála .. ósammála ??

Það sem þið eruð að spyrja um er DRIFHLUTFALL, hlutfall á milli snúninga drifskafts og hjóls, þá er best að fara beint í þessa hluti, ekki reikna og reikna út frá hlutum sem þarf kannski að fara að giska á, t.d. er snúningshraðamælirinn réttur, hraðamælirinn, veit ég hve dekkið er stórt, hversu slitið og guð má vita hvað, fara á netið og finna svarið.

Svarið er undir bílnum ykkar, farið þangað og sækið það. Svo stendur það kannski bara á lítilli málmplötu undir einum boltanum á lokinu á drifinu.

Kv. að norðan.

[GHR]

Ja, hérna!!!

Þetta gæti bara verið rétt hjá ykkur
Drif og sjálfskiptingar alls ekki mín besta hlið

[gstuning]

Árnib

Ástæðan fyrir því að það er auðveldarra að fá eitt dekk til að spóla er að um leið og það er meira átak á einu dekkinu(minna grip gegn hinu dekkinu) þá fer allt afl þangað og fer einfaldlega ekki í dekkið sem er að snúast minna(eða er fast)

Einnig er það þyngdardreifingin á dekkjunum, þegar þú tekur hægri beygju þá minnkar gripið á innra dekkinu og því er auðveldara að spóla því, en það er svo mikill þyngdarfærsla yfir á hitt dekkið að það getur ekki spólað, nema með kúnstum, það er alltaf jafn mikið tog sent í bæði dekk, en það tog sem kemst í dekkin er takmarkað að toginu sem gæti fengið annað til að spóla, t.d á ís þá takmarkast tog í bæði dekk á því hversu lítið þarf að spóla dekkinu með minna grip, og á ís þá þarf ekkert tog til að eyða gripinu og því er bara hægt að snúa lausa dekkinu.


Í LSD drifi eru kúplingar sem færa aflið yfir í dekkið sem er fast og þess vegna fer það að snúast,


Samkvæmt howstuffworks því að ég vildi hafa þetta á hreinu, þá fer alltaf tog í bæði dekk, en hlutfallið breyttist aldrei!!

Og þótt að maður sé að snúa bara einu dekki þá breyttist hlutfallið ekki hitt snýst jafn hratt og mikið bara í hina áttina.

Ef einhver getur sýnt mér á video hlutfallið að breytast þegar dekkið snýst í hina áttina þá skal ég kaupa það sem þið segið annars er ég viss um að hafa rétt fyrir mér,

http://auto.howstuffworks.com/differential.htm

[Þórður Helgason]

Jæja, er ekki einhver lipur tilbúinn að prófa, hvort þetta sé rétt hjá mér,

að annað hjólið snúist tvöfalt hraðar ef hitt er kyrrt. Og að þurfi að deila með 2 í snúninga drifskaftsins til að finna drifhlutfallið. Ég er ekki að tala um hvort drif sé 1:3,4 eða 3,7 , heldur sjá menn strax að ef snúningarnir eru kringum 7, þá er þetta rétt. Ef þeir eru aðeins ca 3 - 4
þá er þetta misskilingur.

EINHVER?

[oskard]

mitt drif er læst

[Haffi]

Mitt drif er undir bílnum

[morgvin]

hvað er drif......... ?

hehe...

[GHR]

hvað er drif......... ?

hehe...

Vona þú sért að grínast , tek þetta allavega sem gríni þar sem þú ert að hugsa um að skipta út vél hjá þér.