Ritskoðun á þráðum?

[gstuning]

Heyrði ég þig eitthvað biðja um reglur???

Eða bara reglur á moderators og ekki notendur eða hvað, því að um daginn vildiru engar reglur, hvort er það??

Ok svo að þetta sé ekki tekið illa, ýmindið ykkur að ég sé að tala í rólegri rödd

[bebecar]

Ekki ílla tekið Gstuning... og réttmæt gagnrýni

Ég held reyndar að ég hafi ekki krafist þess að hér væru engar reglur, heldur var ég sáttur við fyrirkomulagið eins og það var. Svo er líka dálítill munur á því að biðja um skýrar reglur og þar er ég að tala um stjórnendur því þeir bera ríkari ábyrgð en við hinir - meiri valdi fylgir auðvitað meiri ábyrgð ekki satt?

[oskard]

Mér finnst dáldið gróft að þetta komi frá þér þar sem að þetta
spjallborð er mjög easy going á "ritskoðun" og álíka þar sem
að þú ert moderator á hugi.is/bilar þar sem enginn má segja
neitt nema moderatorum finnist það skemmtilegt.

Svo má náttúrulega ekki gleyma að þetta er ekki official bmw
klúbbur eða neitt svoleiðis þetta er eign Gunna og Birkis, þeir
stofnuðu þetta og þeir eiga þetta... hér þarf ekki að vera neitt
lýðræði nema að þeim finnist það sniðugt og kjósa að hafa
þetta svoleiðis.

Ég stunda mjög mörg BMW spjallborð og þetta hérna er lang
vinalegast og hérna fær fólk að skemma þræði með því að
byrja að tala um eitthvað annað og álíka vesen. Ef þetta
væri á td. maxbimmer eða e30sport væru öllum commentum
sem ekki koma topicinu 100% við hent !

En í framtíðinni ef þér ber eitthvað á hjarta er miklu betra að senda
gunna bara póst á gunni@bmwkraftur.is og ræða þetta við hann
þar í staðin fyrir að koma upp einhverjum svona flame topicum,
það væri miklu betra fyrir klúbbinn útaf því að það lesa ekki allir
allt hérna og hafa kannski lesið byrjunina á þessu en ekki endirinn

Eða eins og Nings segir Ef þú ert óanægður segðu okkur frá því en ef
þú ert ángæður segðu öðrum frá því

Ef að einhver les þetta og fynst þetta "hart orðað" "persónuleg árás"
eða álíka þá er það ekki meiningin.

[bebecar]

Það er skondið að þú skulir svara svona persónulega og tengja þetta mér og huga.is sem er ekki til umræðu hér, en auðvitað verð ég að svara.

Ég get ekki samþykkt að engin fái að segja neitt á huga sem stjórnendum finnist ekki skemmtilegt, ég veit ekki hvað þú hefur fyrir þér í því en þú ættir þá að taka það upp þar en ekki hér.
Þar er algjörlega frjálst spjall svo framarlega sem menn eru ekki með persónulegar árásir eða dónaskap. Mjög sjaldan eyðum við út svörum, ég hef gert slíkt tvisvar eða þrisvar allan þennan tíma og þá hafa það verið svör sem hafa innihaldið óprenthæfar svívirðingar.

Persónulega finnst mér skemmtilegt að sjá umræður þróast út frá topic, jafnvel þó það sé í þveröfuga átt. Ef menn hafa eitthvað við það að athuga og vilja að menn haldi sig við topic þá er ekkert athugavert við það, menn verða bara að gæta sín þá að sama gangi yfir alla og öll topic (nema kannski off topic). Síðan leggja menn mismunandi mat á hvort að halda eigi sig við upprunalegt topic eða svör við upprunalegu topic.

En það er rétt hjá þér og það er sennilega kjarni málsins að spjallið er eign Gunna og Birkis en spjallið er samt aldrei meira en þáttakendurnir á spjallinu.

Ég er búin að senda Gunna EP og ég mun gera það framvegis að láta hann vita beint ef ég þarf að létta eitthvað á mér. Ég vil líka bæta því við að ég var ekki ósáttur við hlut Gunna í þessu en vildi bara að hann hefði gefið ástæðu fyrir lokuninni aðra en "nóg komið". Gunni er að mínu mati frekar sanngjarn.

[arnib]

Ég vil líka taka annað fram hérna.

Ef að einhver telur að pósti frá sér hafi verið (br)eytt, þá á hinn sami
að sjálfsögðu að láta í sér heyra.
Það er "vinnuregla" hjá þeim sem admina/moderata að þeir eigi að láta notandann vita af því, enda á það ekki að vera neitt til að skammast sín fyrir ef breytingin/eyðslan er réttmæt.

Ef að pósti frá einhverjum er eytt þá ætti hann líka að fá PM frá þeim sem gerði það, þar sem er útskýrt af hverju.
Þetta á þó auðvitað ekki við þegar double-posts er eytt út, þ.e.a.s. sami pósturinn tvisvar, og er kannski óþörf þegar að póstur viðkomandi er mjög grófur, t.d. persónuleg árás á annan spjallverja.
Þá ætti hann að vita uppá sig sökina.

En jú, það hefur komið til umræðu að einhverjir telja að póstum sínum hafi verið breytt og engin skýring gefin á því, og það er auðvitað fullkomlega eðlilegt að þeir kvarti.
Það væri hins vegar best, svo ég noti Nings orðalagið, að þeir létu okkur vita af því.

Ef að einhver admin/moderator er uppvís að því að eyða út eða breyta póstum án þess að hafa ástæðu fyrir því, þá getur þú verið viss um að hann fær ávítun fyrir það.

[bebecar]

Ég er vel sáttur við það fyrirkomulag.

En til að draga þá einhvern lærdóm af þessu öllu saman, þá mun ég og væntanlega aðrir, senda EP ef ég vil benda á eitthvað (nema búið sé að gefa fordæmi með svari í þræðinum sjálfum) og þeir sem hafa vald til að eyða, breyta og loka fara skynsamlega með vald sitt og sýna sömu kurteisi og ætlast er til af öðrum hér á spjallinu.

[Mal3]

Mér finnst dáldið gróft að þetta komi frá þér þar sem að þetta
spjallborð er mjög easy going á "ritskoðun" og álíka þar sem
að þú ert moderator á hugi.is/bilar þar sem enginn má segja
neitt nema moderatorum finnist það skemmtilegt.

Svo má náttúrulega ekki gleyma að þetta er ekki official bmw
klúbbur eða neitt svoleiðis þetta er eign Gunna og Birkis, þeir
stofnuðu þetta og þeir eiga þetta... hér þarf ekki að vera neitt
lýðræði nema að þeim finnist það sniðugt og kjósa að hafa
þetta svoleiðis.

Ég get ekki setið á mér að svara þessari athugasemd, þar sem ég hef lengst manna verið umsjónarmaður á bílaáhugamáli Huga.

Það er einfaldast að benda á það að hvorki ég né bebecar erum eigendur eða stofnendur að Huga, eða bílaáhugamálinu. Á okkur eru gerðar kröfur varðandi stjórnun áhugamálsins og á Huga gilda reglur.

Hugi hefur staðla varðandi innsent efni og vissulega eru þeir eitthvað sem stjórnendur þurfa að túlka. Ég held ég fari ekki með fleipur þegar ég segi að vefstjóri Huga hafi aldrei sett út á framkvæmd stjórnunar á bílaáhugamálinu og ég man ekki til að notandi hafi ákveðið að kvarta yfir stjórnun áhugamálsins við vefstjóra.

Við höfnum jú efni, en ef það væri byggt á því sem stjórnendum áhugamálsins finnst gaman hefði mátt telja að landslag þess hefði oft verið öðruvísi en raun ber vitni. Stundum koma inn greinar sem eru alls ekki skv. þeim kröfum sem Hugi gerir til þeirra. Þá hafa stjórnendur ýmsa möguleika á viðbrögðum og sjaldnast kýs ég, því fyrir aðra get ég ekki talað, að eyða hreinlega umyrðalaust því sem inn kemur, heldur sendi efnið á korka eða orðsendingu ásamt upprunalegum texta um hvað olli eyðingunni.

Til að draga þetta saman þá er augljóst að Hugi leggur fram ákveðnar kröfur á greinar og stjórnendum ber að fylgja því. Einungis ein könnun og ein mynd getur verið á forsíðu áhugamálsins í einu og því þurfa stjórnendur að gæta að vöndun þess efnis. Notendur hafa aftur á móti nánast opinn aðgang að korkunum og þó þar sé eftirlit kemur það ákaflega sjaldan fyrir að stjórnendur þurfi að hafa afskipti. Ef það gerist er það oftast vegna dónaskapar, en ekki byggt á því hvort okkur finnist viðkomandi póstur skemmtilegur.

Virðingarfyllst,
Karl Gunnarsson

[oskard]

ég tók hugi.is sem dæmi útaf því að siminn á huga ekki einstaklingar.

og ég hef tekið eftir þó nokkrum korkum sem hafa verið hent út og
jafnvel greinum útaf því að einhverjum fannst hún ekki allveg nógu
löng... það væri gaman að taka saman notendur vs posta fjöldi á
td. hugi.is og bmwkraftur.is vegna þess að bmwkraftur mundi rasskella
huga í þeim efnum einmitt vegna þess að hérna er mun minna moderatað
og fólk þorir allveg að posta hlutum hérna sem fólk gerir ekki á huga

Hvernig þætti þér mal3 ef ég kæmi á hugi.is/bilar og talaði bara um
sjónvörp, mér finnst það svipað og þegar þú kemur á bmwkraft og talar bara um lotus og porsche.

Ég nenni ekki að standa í svona röfli lengu.

Það eru engar reglur sem við förum eftir heldur almennri skynsemi
ef að okkur finnst eitthvað topic vera að fara útí algjör flame og
skítköst þá læsum við topicinu, ef að okkur finnst skrif spjallverja
alls ekki eiga heima í ákveðnu topici þá hendum við því eða splitum
topicinu í nýja umræðu. Og að vera að krefjast einhverja skírra reglna
finnst mér einfaldlega fáránleg.

Takk fyrir mig, bless.

OG þegar ég refera í huga eða hugi.is þá meina ég að sjálfsögðu bara
bílaáhugamálið ekki neitt annað.

[bebecar]

Maður þorir nú ekki að pósta hverju sem er lengur...

Þér tekst ágætlega að snúa þessum þræði uppí umræðu um huga í stað þess að ræða efnislega það sem ég setti hér fyrst fram. Fullyrðir að ekki sé hægt að skrifa þar nema í samræmi við skoðanir stjórnenda, það er bara engin fótur fyrir því. Ég skil ekki hvaða greinar eða þræði þú hefur séð eytt út því slíkt hefur ekki gerst svo ég muni eftir. Greinar fara ekki inn ef þær eru ekki góðar heldur beint á kork.

Korki hefur ekki verið eytt svo ég muni eftir, enda væri farið að fullu eftir reglum bílasíðunnar.

[oskard]

bíddu fílar þú ekki þegar maður breytir um umræðu efni í topicum ?

Nei ég segi svona, ég er bara að reyna að bera þetta saman
við önnur spjalll svæði og mér fanst hugi.is betra dæmi heldur
en live2cruize.com, það er enþá minna málfrelsi þar.

[Mal3]

ég tók hugi.is sem dæmi útaf því að siminn á huga ekki einstaklingar.

og ég hef tekið eftir þó nokkrum korkum sem hafa verið hent út og
jafnvel greinum útaf því að einhverjum fannst hún ekki allveg nógu
löng... það væri gaman að taka saman notendur vs posta fjöldi á
td. hugi.is og bmwkraftur.is vegna þess að bmwkraftur mundi rasskella
huga í þeim efnum einmitt vegna þess að hérna er mun minna moderatað
og fólk þorir allveg að posta hlutum hérna sem fólk gerir ekki á huga

Hvernig þætti þér mal3 ef ég kæmi á hugi.is/bilar og talaði bara um
sjónvörp, mér finnst það svipað og þegar þú kemur á bmwkraft og talar bara um lotus og porsche.

Önnur málsgrein þín kemur málinu sama og ekkert við. Ef fólk er með skítkast, hvort sem er hér eða á Huga þarf að taka á því, ekki satt? Það er ansi margt fé á Huga og í mörgu fé er oft svartur sauður. Hvað varðar lengd greina eru skýrar reglur um það á Huga sem birtast á skjánum þegar reynt er að senda inn grein. Lengd á korkum skiptir síðan engu máli og mér þætti gaman að vera bent á kork sem var eytt vegna lengdar.

Þegar þú berð saman Hugi.is og spjallborðið hér sem BMW Kraftur á ertu að bera saman epli og appelsínur. Þetta er hreint spjallborð á meðan Huga er skipt meira niður. Ef það væri off-topic korkur á hugi.is/bilar væri þér velkomið að birta hvað sem er þar, svo lengi sem það er ekki meiðandi, eða vafasamt til birtingar á vef opnum öllum. Þar sem það er allt morandi í áhugamálum á Huga og auk þess almennum korkum er augljóslega engin þörf á off-topic korki þar. Eigendur/stjórnendur þessa spjallborðs hafa hins vegar séð þörf fyrir slíkt og margir sent in pósta þar um aðrar bílgerðir en BMW og man ég ekki betur en það mæltist vel fyrir.

Hvað varðar það að ég tali bara um Lotus og Porsche þarftu varla að fara mikið um þetta borð til að sjá að ég ræddi heilmikið um BMW. En fólk hefur misjafnan smekk og flestir bera eflaust jafnvel BMW saman við aðra bíla sem í boði eru þegar kemur til kastanna.

[bebecar]

bíddu fílar þú ekki þegar maður breytir um umræðu efni í topicum ?

Jú, ég geri það en hélt að þú gerðir það ekki...

[oskard]

mal3 ég rendi að ganni yfir 90 síðust postana þína og mér sýndist
að 12 þeirra hafi verið um bmw restin ekki

ég nenni ekki að rífast um þetta hugi.is er öruglega fínt áhugamál
og live2cruize líka

Ef að þið eruð eitthvað sárir eftir þessar umræður þá er það bara
leiðinlegt en ég hætti ekkert að sofa á nóttuni.

Bara það sem ég vill meina er að þetta áhugamál finnst mér ganga
best, vera skemmtilegast og þægilegasta spjallborð sem ég stunda
og ég stunda mörg.

Aðrir hljóta að vera sammála þar sem að það eru alltaf fleiri og fleiri
að skrá sig í klúbbinn og alltaf er verið a posta meira og meira sem
er bara frábært.

Það eru dálkar fyrir öll post í almennar umræður fær flest allt bíla
tengt að vera, í tæknilegar umræður fara tæknilega pælingar í
bmw fram, í off-topic fer síðan allt sem passar ekki í hina dálkana
og haffi sér um að henda því sem er ekki að virka þar.

Ég legg til að notendur þessa spjallborðs reyni að halda sig innan
topics og ef það þarf að tala um eitthvað annað að búa þá bara
til nýtt topic það þarf bara að ýta á einn takka og það kostar ekki neitt,
ekki posta neinu nema bimmum í áhugaverðir bimmar og vera
bara í góðu skapi

[gstuning]

Með allri virðingu fyrir ykkur öllum, haldið áfram að ræða þetta ég er viss um að þetta endar á sniðugann hátt

Eitt sem mér finnst skondið og ekki bara pínu heldur alveg ofboðslega,
Hvaðan kom Mal3 alltí einu?????

Mal3, það þarf ekki að fara lítið um þetta borð til að sjá að þú talaðir minna um BMW á BMW spjalli heldur en Lotus eða Porsche,

Þótt þú (Mal3) hafir kannski talað mikið um BMW þá talaðir þú meira um hitt
Ég fíla að sofa út á morgnanna en ég er ekkert endilega að tala um það hvern einasta dag er það, einnig fíla ég peninga ekki tala ég um þá, það er allt mitt business og á ekki heima á BMW spjalli, nema í Off Topic auðvitað.

Ég held að það sé skýrt að það þarf reglur og að þær hangi fremst á borðinu, þá er hægt að sleppa þessu bara og fara eftir því sem Moderatorarnir segja í reglunum, þá er ekkert hægt að vera að blaðra um ekkert við engann,

Og þessu er ekki beint á þig Bebacar. Sama hvað þú heldur

[Mal3]

Ástæðan fyrir að ég svaraði áðan var sú að mér fannst ómaklega vera vegið að áhugamáli sem ég hef lagt mjög mikið í. Mér sýnist ég ekki vera einn hér sem vill verja hluti sem mér þykja góðir.

Þú segir að flestir póstar frá mér hafi verið um annað en BMW. Hvað það kemur málinu við, sérstaklega í ljósi þess að hér er sérstakt off-topic spjall, veit ég ekki. Hins vegar var gaman að sjá það þegar ég kíkti yfir nýjustu póstana að margir þeirra tengdust almennt ekki bílgerðum og voru nú oftast svar við annara þráðum. Sérstaklega fannst mér áhugavert að svör mín varðandi aðrar bílgerðir voru t.d. á þráði sem þú varst upphafsmaður að, með myndum af Lotus og Ferrari bifreiðum, teknum út um gluggann á Alfa Romeo bíl.

Ég sé ekki að ég sé hér að rífast um Hugi.is, heldur leiðrétta það sem ég er viss um að eru ranghugmyndir. Svo ég vitni í þín eigin orð:

Mér finnst dáldið gróft að þetta komi frá þér þar sem að þetta
spjallborð er mjög easy going á "ritskoðun" og álíka þar sem
að þú ert moderator á hugi.is/bilar þar sem enginn má segja
neitt nema moderatorum finnist það skemmtilegt.

Ef ég viðhefði sömu orð um BMW Kraftur.is, hver yrðu viðbrögðin? En hvort þetta á við BMW Kraft, eða ekki, er bara Hugi.is algerlega óviðkomandi. Í þessum orðum hér að ofan heldurðu því fram að bílaáhugamál Huga sé einhver einkaleikvöllur. Er skrítið að ég svari fyrir mig?

Og vinsamlegast ekki snúa þessu upp í að menn séu fúlir eða kenna þetta við smábarnahátt. Við sjáum einfaldlega höfð um okkur orð sem við teljum ósönn. Því hlýtur maður að svara, eða hvað?

Virðingarfyllst,
Karl Gunnarsson