bmwkraftur.is

Þrátt fyrir að maður aðhyllist frjálshyggju þá þarf maður ekki að vera neinn öfgamaður, ég er ekkert fylgjandi lögleiðingu fíkniefni og á móti fóstureyðingum eins og einhverjir í þessu félagi sem ég nefndi.

Ég vill bara meira aðhald í ríkisfjármálum, niðurskurð í utanríkisþjónustunni eins og þú bentir svo réttilega á, uppstokkun á landbúnaðarkerfinu, meiri einkarekstur í heilbrigðiskerfinu og upptöku skólagjalda í Háskóla Íslands svo fátt eitt sé nefnt

_________________
BMW X3 M tech (F25) árg. 2015
VW Golf MK 3,5 cabriolet árg. 2001
Porsche 911 SC árg. 1980
Porsche 924 árg. 1982
Porsche 928 S4 árg. 1991

Ungliðastjórnmál í dag snúast ekki um að hafa sjálfstæðar skoðanir, vera gagnrýnin á eigin flokk sem og aðra. Þau snúast um að sleikja afturendan á sér æðri mönnum innan flokksins í von um að maður fái einhverntíman sleik frá frá öðrum ungliðum.

Ef þú ert góður strákur þá kemstu kanski langt í flokknum, kemst jafnvel inn á þing. Og þá er eins gott fyrir þig að hlýða og vera stilltur því þá færðu kanski einhverjar nefndir og getur hækkað launin.

Pólitík í dag er algjört BS.. engin hugsjón, menn bara að hugsa um hvað hentar þeim persónulega.

_________________

E36 M3GTtt

Því miður já...

Svona er þetta í laaaaaang flestum tilfellum.

Maður verður að velja sér þau málefni sem manni þykja mikilvægust, fyrir mér hafa það verið minnkandi ríkisafskipti, skattajöfnuður (engin sjómannaafsláttur og ekki heldur skattfrír forsetin (man nú ekki hvort það var búið að breyta því), og ENGA styrki til landbúnaðar!
Auðvitað vill maður hafa öflugt heilbrigðiskerfi - það er afskaplega ofarlega á listanum.
T.d held ég að margir eldri sjálfstæðismenn hugsi ekki mjög hlýtt til flokksins, komnir á eftirlaun í dag sem þeir rétt skrimta á....

Ekki vildi ég vilja vera í sömu stöðu eftir 40 ár. Þessvegna legg ég fyrir NÚNA

_________________
Ingvar Örn || BMW R100RS 1994 || Renault Megane RS Turbo 2009 || Alfa Romeo Duetto 1967 Fast Road

Þeir settu skatt á forsetaembættið... en hækkuðu launin hjá honum til að bæta það upp.

Stjórnmál = Spilling í of mörgum tilvikum.

kemmtileg tilviljun að lífeyrisgreiðslum fyrrverandi ráðherra var breytt þannig að þeir halda fullum lífeyri þegar þeir hætta þó þeir taki annað starf AKKÚRAT þegar Davíð hætti og fór í Seðlabankann.

Já og hvenig var það með bókaútgáfu fyrrverandi embættismanna.. er hún ekki gerð skattfrjáls líka. Taylor made skattalöggjöf. Er ekki 100% á þessu seinna, en minnir það samt.

_________________

E36 M3GTtt

Og það versta er líklega að ef menn gæti sín ekki á svona molbúahætti þá hreppa vinstrimenn næstu stjórn...

Og þá skelf ég á beinunum!

_________________
Ingvar Örn || BMW R100RS 1994 || Renault Megane RS Turbo 2009 || Alfa Romeo Duetto 1967 Fast Road

Ég er nú bara 100% Frjálshyggjumaður.

Enda ekki það sem ég meinti.

Það er eins með frjálshyggjuna og annað, það leynast alltaf öfgamenn á milli.



Nákvæmlega. Þorir enginn að segja sína meiningu af ótta við að missa af góðu bitunum...




Ef ég man rétt þá var það þannig að hægt var að þiggja eftirlaun þó viðkomandi hefði tekjur af bókaútgáfu. Hentar Dabba fullkomlega, skemmtileg tilviljun...

Og talandi um Dabba, á meðan að flest ríki setja doktora í hagfræði og menn með mikla þekkingu og menntun í hagfræði sem seðlabankastjóra þá er Seðlabanki Íslands notaður sem einhvers konar elliheimili fyrir útbrennda stjórnmálamenn. Og á meðan að BNA hafa t.d. bara einn seðlabankastjóra þá þurfa Íslendingar að hafa þrjá...

Það að Sjálfstæðisflokkurinn sé skásti kosturinn segir meira um hversu slöpp stjórnarandstaðan er, frekar en að Sjálfstæðisflokkurinn sé svona góður kostur.

_________________
BMW E34 525iA '95

Þarna get ég nú alls ekki verið sammála þér kallinn. Hvaða hag sérðu í því að skólagjöld séu tekin upp í HÍ, ertu ekki í HR sjálfur? Ég ætti ekki BMW ef ég þyrfti að borga skólagjöld.

Kveðja

Fátæki námsmaðurinn

Þú kýst að fara í háskólanám af því þú telur þig hafa einhvern hag af því, t.d fjárhagslegan þá kannski möguleiki á hærri launum en ef þú hefðir ekki kosið að fara í þetta nám. Í ljósi þessa er ekkert nema eðlilegt að þú berir sjálfur kostnað af námi þínu. Það er í alla staði óeðlilegt að þeir sem kusu að fara beint út á vinnumarkaðinn t.d til þess að sjá fjölskyldu sinni farboða þurfi að greiða fyrir menntun þína með sínum skattpeningum. Ég er ekkert endilega að segja að HÍ nemi eigi að greiða algjörlega fyrir sína menntun eins og tíðkast víða erlendis heldur myndi það bara góð áhrif og auka kostnaðarvitund nemenda ef tekin yrði upp sambærileg skólagjöld og tíðkast í HR. Það myndi að mínu viti draga úr brottfalli úr HÍ sem mér er sagt að sé stórt vandamál. Ef stúdentar taka einhvern þátt í kostnaði af námi sínu þá taka þeir ósjálfrátt námið fastari tökum.

_________________
BMW X3 M tech (F25) árg. 2015
VW Golf MK 3,5 cabriolet árg. 2001
Porsche 911 SC árg. 1980
Porsche 924 árg. 1982
Porsche 928 S4 árg. 1991

Já, þú segir nokkuð. Til að byrja með er varla hægt að ganga út frá því að menn hafi fjárhagslegan hag af öllu háskólanámi, enda kennarar og bókasafnsfræðingar oft með lægri laun en þeir sem vinna verkamannsvinnu. Sumir kjósa einnig að stunda nám sem veitir þeim möguleika á að hjálpa öðrum, t.d. innan heilbrigðisgeirans. Ef enginn hefði áhuga á að leggja út fyrir skólagjöldum þar þá væri ekki mikil heilbrigðisstarfsemi. Sama á við um kennarastéttina.

Auk þess finnst mér ekki eðlilegt að skólar treysti um of á peninga frá nemendum, enda gæti skólinn þá orðið háður þeim að því leyti að ef hann fellir stóran hluta slaks árgangs þá leiddi það af sér lægri tekjur og minni möguleika á að veita 1. flokks menntun. Það væri a.m.k. óeðlilegt ef kennarar þyrftu að hugsa um þetta áður en þeir færu yfir próf.

Mér finnst einnig óeðlilegt að menn þurfi að fá allt lánað til þess að geta staðið undir menntun, minnir að önnin (frekar en árið) í Master í lögfræði við HR sé um 500.000. Svo þarf að kaupa bækur og lifa. Íslendingar eru að mínu mati orðnir of vanir að fá allt lánað.

Mér finnst að allir eigi að hafa jafnan rétt til menntunar og þar á meðal verkafólk. Það borgar ásamt öðrum í þjóðfélaginu skatta en fær a.m.k. valmöguleikann á að mennta sig og sama á við um börnin þeirra Skoðaðu bara kerfið í BNA þar sem fólk neyðist til að safna fyrir menntun barna sinna frá því að krakkarnin fæðast.

Varðandi það að fólk læri betur ef það þarf að borga skólagjöld er erfitt að segja, enda hlýtur það að vera undir hverjum og einum komið hvernig hann kýs að haga menntun sinni.

Til að hafa þetta líka á léttu nótunum þá finnst mér bíllinn þinn mjög flottur og innréttingin sérstaklega falleg.

Þakka hrósið

Annars er ég í óðaönn að skrifa ritgerð um heimildir einstaklinga til handtöku þannig ég má ekkert vera að þessu En punkturinn var sá að það er ekkert algilt að menn hafi fjárhagslegan ávinning, þess vegna setti ég til dæmis fyrir framan fjárhagslegan ávinning. Menn geta farið í háskóla til þess að göfga andann og valið sér fög sem eru kannski ekki beint þau arðbærustu en það breytir því ekki að námið gagnast þeim fyrst fremst hvort sem það er fjárhagslega eða andlega og þess vegna tel ég að þeir eigi að greiða fyrir það. Varðandi rökin um að skólar þori ekki fella nemendur af því þeir greiða skólagjöld er ég algjörlega ósammála. Ef slíkt myndi tíðkast myndi það draga úr áreiðanleika skólans sem myndi leiða til þess að færri nemendur myndi sækja skólann. Ég hef margoft fengið að heyra þessi rök en ég hef aldrei orðið var við þetta. Þegar ég byrjaði í háskólanámi í HR sóttu rúmlega 200 manns um, 100 voru teknir inn í deildina eftir mat á umsóknum og viðtöl nemenda við deildarforseta. Af þessum 100 eru að ég held um 55-60 að ljúka námi í vor. Hinir eru annað hvort á eftir í námi eða farnir að snúa sér að öðrum hlutum. Þeir kennarar sem ég hef haft hafa margir hverjir einnig kennt í HÍ og kröfur þeirra breytast ekkert eftir því hvort logóið er á launaseðlinum.

AH ert þú í lögfræði?

_________________
BMW X3 M tech (F25) árg. 2015
VW Golf MK 3,5 cabriolet árg. 2001
Porsche 911 SC árg. 1980
Porsche 924 árg. 1982
Porsche 928 S4 árg. 1991

Er nú sammála A.H. varðandi skólagjöldin þótt ég skilji alveg afstöðu Spidermans.

Eru ekki nú þegar hálfgerð skólagjöld í HÍ? Þau eru bara kölluð staðfestingargjald eða innritunargjald eða eitthvað álíka? Er það ekki um 45.000 kr.? Fyrir marga er 45.000 kr. dágóð upphæð.

En helsta ástæða þess að ég vil að allir hafi jafnan rétt til náms og þurfi ekki að borga himinhá skólagjöld er sú að það kemur öllu þjóðfélaginu til góða.

Af hverju?

Jú, það segir sig sjálft að það munu fleiri geta menntað sig ef fólk þarf ekki að hafa áhyggjur af skólagjöldum. Því fleira menntað fólk sem þjóðin hefur því meiri verðmæti getur hún skapað og aukin þjóðarframleiðsla þýðir náttúrulega það að það verður meira til skiptanna handa öllum. Sem sagt, það hagnast allir á því að þjóðin sé vel menntuð því það verður mjög mikið til menntaða fólkið sem mun halda uppi hagvextinum í framtíðinni þar sem að sífellt eru gerðar meiri kröfur varðandi menntun. Og ég tala nú ekki um ef Ísland ætlar sér að verða land sem byggir mikið á hátækni- og þekkingariðnaði.

Svo höfum við einkaskóla þannig að þeir sem ekki kjósa að fara í ríkisrekinn skóla hafa val um að fara í einkaskóla.
Og er það ekki einmitt mjög gott, að hafa sem mest val?

Mér líður allavega ekki illa þótt ég þurfi að borga skatta sem síðan eru m.a. notaðir til að halda uppi góðu menntakerfi.

_________________
BMW E34 525iA '95

Margt gott sem er sagt hér. En ef ég má koma með minn punkt. Ég er kannski ungur með sterkar skoðanir, en takið allavega mark á þeim.


Ég verð að segja að mér finnst að það ætti að hætta að greiða með nemendum í háskólanám HÍ. Mjög margir sem fara þarna til að prufa og athuga hvort þeir finni sig og eru þar að taka pláss frá þeim sem vilja læra og vilja sína metnað. Ég sé þetta þannig að það hafa allir möguleika á því að mennta sig, ef þú villt mennta þig þá stenduru undir kröfum, þótt að námið sé dýrara en áður, og því held ég að það verði drifkraftur nemenda að standa sig vel í prófum og námi ef þetta er ekki niðurgreitt.

Ég er sjálfur í einkaskóla (reyndar bara Menntaskóla) og tek sjálfur eftir því að ég stend mig betur útaf því ég vill ekki valda mér og foreldrum mínum vonbrigðum útaf skólagjöldunum. Frekar ætti þessi skattpeningur að fara í að niðurgreiða bækur fyrir námsfólk (og líka á Háskólastigi), dæmi: Ég borga 200.000þúsund fyrir 1 ár í skóla og tek 9 eningar á mánuði, og þarf því að kaupa bækur fyrir 3 áfanga, ca 13-16k. Ég er í skóla frá ágúst til júní sem gera 9 mánuði sem gera sirka 120.000kr í bækur + skólagjöld + að borga lífið.

Mér finnst að það ætti að stytta stúdentspróf að minnsta kosti til 3 ára, jafnvel 2 ára, því það er hægt, og það geta það allir ef viljinn er fyrir hendi. Ég var líka í venjulegum framhaldsskóla og það er þvílíkt slugs og vesen, maður verður kærulaus því það gefst hreinlega of mikill tími í lærdóm og því verður maður latur og lætur ýmisslegt fara framhjá sér.

Ég hef oft velt því fyrir mér ef allir hefðu jafnan rétt til náms. Hvað verður þá um þessi svokölluðu "láglaunuðu störf", ruslakallar, ræstingar, elliheimili, símadömur, kassadömur, og svo framvegis. Þetta eru alveg jafn mikilvæg störf og sjúkraliðar, eða lögregla, viðskiptafræðingur eða eitthvað af þessum menntuðu störfum.

En ef eitthvað ætti að leggja niður í þessu landi að þá ætti að hætta að búa til göng fyrir 300 manneskjur sem búa í einhverjum firði hingað og þangað útá landi. Flest öll þessi sveitaþorp sem voru stofnuð úti á landi voru gerð við sjó og með það í huga að það væri styttra að róa út á miðin að veiða fiskinn. Í dag eru bátar komnar með vélar og geta því farið lengra útá mið og jafnvel siglt einungis frá Reykjavík eða Akureyri til dæmis.

Thats just my two cents.


og nei, þetta var ekkert sem ég er að picka upp eftir pabba gamla

kv,
haukur

Já, ég er reyndar í lögfræði
Ég efast ekki um að það eru ábyggilega ágætis kröfur í HR.
Sé að þú hefur valið þér áhugavert ritgerðarefni. Maður var nú oft stöðvaður í lögreglu-tékk þegar maður var í menntaskóla, kannski of oft. Þá fór maður einmitt að pæla í valdheimildum lögreglunnar og þess háttar. Finnst margir dómar Hr. í gegnum tíðina (og þá sérstaklega eldri dómarnir)hafa verið full hallir undir ríkið, plús það að skaðabætur fyrir að vera handtekinn og lokaður inni í fangaaklefa í sólarhring að ósekju eru fáránlega lágar.
Gangi þér annars vel með ritgerðina,,, ég þarf sjálfur einmitt að fara að læra.

Ég las það þannig að hann væri að gera ritgerð um handtökuheimild einstaklinga þ.e. borgaralega handtöku.

Valdheimildir lögreglu eru að ég held bara nokkuð skýrar.
Og það er klárt mál að lögreglan á Íslandi hefur heimild til þess að taka ökumenn bíla í tékk, til þess að kanna t.d. með ökuréttindi ökumanna og ástand þeirra. Er það bara ekki þannig að þeir sem eru mikið á ferðinni á næturna verða stoppaðir oftar af lögreglu.

Allar skaðabætur á Íslandi eru fáránlega lágar!

_________________
Siggi