bmwkraftur.is

Ég veit ekki með ykkur en ég les orðið alveg skuggalega lítið af íslensku efni....les orðið nánast bara ensku

Svo les ég það mikið af fræði- og tæknibókum að lestur er eiginlega það síðasta sem ég geri þegar ég er að hvíla mig. Les kannski aðeins um jólin einhverjar skáldsögur á íslensku en svo er það bara búið

Það er einfaldlega lítið framboð af íslensku efni á netinu sem er almennilega skrifað og höfðar til ungs fólks. Svo eru allir farnir að skrifa á netið með ýmsum styttingum og slettum án nokkurrar yfirferðar sem er ekki til að bæta úr skák.

Er það ekki bara skylda sem telja sig geta skrifað nokkuð góða íslensku að vanda sig og vera öðrum fordæmi. Ég veit það allaveganna fyrir mitt leiti þá reyni ég að vanda mitt mál þar sem ég bæði aldist upp við og var í skóla þar sem mikið var lagt á að tala rétt mál.

_________________
E36 M3 US | Jeep Grand Cherokee Limited V8

Ég veit að ég reyni að skrifa eins rétt og ég get.

En það þýðir ekki að allt sé rétt hjá manni,
leti er stærsta vandamál þjóðfélagsins í dag.
Það og ábyrgðarleysi, þ.e að láta alla aðra gera allt fyrir mann
t,d uppáhaldið mitt,
"Hringdu í mig við tækifæri" samt er símanúmer hins aðilans augljóslega póstað í spjallþræðinum.... og því getur fyrri hringt hvenær sem er eða á þeim tíma sem hinn tilkynnti

_________________
With great challenges comes great engineering.
Gunnar Reynisson

hahah ég var fyrstur til að kjósa láta þetta vera
annars nota ég meira ensku les meira á ensku og skrifa meira á ensku en á íslensku

_________________
hafa verður í huga að hann er vanur lygari sem hefur lifibrauð sitt af því að ljúga því að trúgjörnum vitleysingum að til sé karl upp í skýjunum sem fylgist með öllu sem fólk gerir og skráir samviskusamlega niður,til að nota gegn því eftir að það deyr

Þar sem ég ætla að búa í framtíðinni mun ég tala miklu meiri þýsku en ensku og íslensku

_________________
Danni

'01 E46 330iA
'99 E46 320i
'98 Honda Civic 1.5i
'17 VW Polo 1.2 TSi

hehh, og ég vinn við að skrifa á ensku.

_________________
E53 X5 4.4i

Að lesa blogg og netmál er að drepa íslenska tungu.

Annað hvort taka á þessu eða hreinlega taka upp ensku.

Eitthvað sambland hljómar jafn illa og fullur hollendingur.

En könnunin er nokkuð afdráttarlaus.

_________________

E36 M3GTtt

Það er fáránlegt að þessi tunga sé að breytast.

Þetta er mjög einstakt mál og við eigum og verðum hreinlega að halda því við.

En ég tek það fram að ég nota oft enskuslettur og svo framvegis, en ég reyni þó að halda þeim í skefjum.

Bimmer og saemi tala um að krakkar verði að lesa meira af bókum, sem eru þá yfirfarnar og svo framvegis. En þarna, þetta helsta skáld okkar, sem við erum neydd til að lesa í framhaldsskóla og jafnvel eina bók í gagnfræðiskóla, hann Halldór Laxness, hann skrifar sína eigin tungu og fylgir engum stafsetningareglum. Og mér finnst mjög fáránlegt að við séum að læra að skrifa orð sem við hreinlega notum aldrei og höfum jafnvel aldrei heyrt, eins og kom fyrir í stafsetningarprófi sem ég þreytti í skólanum mínum. Það er ekki hægt að búast við að fólk geti sest niður og heyrt kennarann sinn lesa upp pistil frá aldamótum 18 og 19 alda. En ég er ekki að segja að við eigum að láta það mál vera, það verður að kynna okkur fyrir því áður en við þreytum stafsetningarpróf.

En ég er sammála því að þetta tungumál er að fara til helvítis, við verðum farin að tala bjagaða ensku/íslensku/dönsku eftir kannski 20-30 ár, þökk sé þessum bloggsíðum og interneti.


kv,
haukur