Í sumar fór ég upp í B&L og ætlaði að kaupa smá touch-up málningu til að plástra í eitt og eitt steinsár á húddinu. Var nokkuð bjartsýnn um að þetta væri til hjá þeim þar sem bíllinn er nýlegur, ca. einsoghálfs, og alls ekki í óalgengum lit, stálgrár.
Eftir mikla leit hjá þeim, bæði í hillum og í tölvunni (fannst í tölvunni, PN 51 91 1 052 651) var mér sagt að þeir ættu þetta ekki til og væri ekki hægt að panta hjá þeim þar sem ekki væri hægt að flytja þetta til landsins
og kenndu þar um 11. september (allt vont þessa dagana er auðvitað 11. september að kenna...) og að þar sem þetta væri eldfimt mætti ekki fljúga með þetta. Svo mér var bara bent á að fara á eitthvað sprautuverkstæðið og láta blanda fyrir mig.
Er þetta ekki frekar dularfullt og hreinlega bara leti hjá þeim?
Ef bíllinn væri eldri væri lakkið kannski farið að eldast og því örugglega betra að láta blanda en þar sem hann er þetta nýr þá vildi ég frekar nota orginal lit frá BMW.
Vitið þið hvort hægt sé að kaupa svona á netinu og fá sent?
