Voðalega er þetta alltaf skrýtið á Íslandi hvað hlutirnir eru oft málaðir svart/hvítt. Annaðhvort er fólk með eða á mót, það virðist vera enginn millivegur hjá sumum.
Það sem bebecar er bara að segja, sem er auðvitað alveg rétt, að með komu AO þá gerðist ekkert stórkostlegt, hann er þó ekki að segja að þeir mættu fara fjandans til. Hann er ekki að segja að hann hefði ekki viljað fá AO á þennan markað. Hann er ekki að segja að hann mundi aldrei kaupa bensínið frá þeim. Hann er einfaldlega að benda á staðreyndir, en auðvitað má það aldrei, því hann verður að vera algjörlega þeim megin við strikið að hann hati stóru bensínfyrirtækin.
Er framtak AO jákvætt? Að sjálfsögðu, enda eru allir hérna sammála um það, sama hvort þeir séu svartir eða hvítir.
Ég hef löngum reynt að kaupa bensín þar sem það er ódýrast, AO er rétt hjá vinnunni og Orkan er rétt hjá mér á leiðinni úr skólanum og úr vinnunni. Ég ætla ekki að kaupa BARA hjá AO til þess að láta þá taka mig í rassgatið. Ég hugsa bara sem almennur neytandi og ætla að taka þá í rassgatið sem ekki stuðla að heilbrigðri samkeppni. Ef AO er mest lægsta verðið og ég á þar leið hjá og vantar bensín, þá ætla ég að umbuna þeim með því að kaupa af þeim. Ég á einnig bensínfrelsi hjá orkunni og ekki skil ég hvernig er hægt að fylla á bílinn sjálfur og lykta eins og bensínstöð, ef menn kunna ekki að pota stúti í gat, þá vorkenni ég þeim mönnum.
Það er því miður þannig, að bensínmarkaðurinn, í þessar mynd, er kornungur og óþroskaður. Það munu koma fleiri litlir aðilar með tímanum. Fyrir 1992 var bensínmarkaðurinn þannig að ríkið sá um ÖLL kaup á allri olíu og verðlagsráð (ríkið) réði verðinu. Þá keypti ríkið mjög slakt bensín frá Sovétríkunum sem var ef ég man rétt 89 oktan. Á þeim tíma varð maður bara að gjöra svo vel og kaupa nákvæmlega sama bensínið á nákvæmlega sama verði, alveg sama hvaðan þú keyptir bensínið. Auk þess sem að taka þarf MARGA hluti inn í heldur en bara verðið, t.d. kaupmátt, sem einmitt hefur verið að aukast síðustu árin. Ennfremur má taka tillit til verðbólgunnar sem var mikil hér á árum áður, þá tók verðlagsráð tillit til verðbólgunnar í hækkunum á bensínin og t.d. 1983 var verðbólgan rúm 80 %, þá hefur bensínið hækkað um 80 % á milli ára.
Það mun taka ríkið smá tíma að losa sig úr þessum markað, eftir að hafa stjórnað honum beint í mörg mörg ár. Yfirvöld virðast samt, því miður, ekki sýna mikið sem bendir til þess að þeir séu að "frelsa" bensínmarkaðinn á næstunni undan tökum ríkisins. En það mun gerast, það er í raun óumflýanlegt, alveg eins og gerðist og mun gerast með áfengið.
Login
Register
FAQ
Search
Meðlimur
