Taka loft út úr kælikerfi E39

[dstone]

Getur eitthver lýst þessu ferli?

[Navigator]

ef það er loft inná kerfinu án þess að við kerfið hafi verið átt, þýðir að það sé leki á því, kælimiðillinn lekur af því (meiri þrýstingur á kerfinu en umhverfisþrýstingur) og þá þarf að lagfæra lekann, annars lekur aftur út af því.

þegar búið er að komast fyrir lekann er loft inná kerfinu, hægt er að reka það út með t.d. köfnunarefni (N2) og svo þarf sogdælu (vakúmdælu) til að ná niður þrýstingi svo vatnið/rakinn á kerfinu gufi upp og í dæluna.

þá er bætt smurefni með kælimiðlinum.

það gæti þurft að skipta um rakasíu.

stundum, á stærri kerfum amk, er loki efst á eimsvala til að tappa af lofti, efast það sé á bílkerfum.

hvernig þetta er gert á akkurat E39 er líklega gegnum loka sitthvoru megin við þjöppuna.

annar lokinn er merktur blár, lágur (low) þrýstingur að þjöppu frá eimara inní bíl.

hinn er rauður, hár (high) þrýstingur frá þjöppu að eimsvala við vatnskassa.

en að það sé loft á kerfinu gæti þýtt leka sogmegin á kerfinu, þar er undirþrýstingur, í loftinu er svo einhver raki sem getur safnast fyrir, frosið og minnkað afköst kerfisins og loftið safnast yfirleitt í eimsvalanum, minnkar afköst hans.

eflaust er ég að gleyma einhverju, endilega bætið við.

[Angelic0-]

grunar að hann sé að tala um kælikerfi bílvélar, s.s. kælivatn...

[birkire]

ef það er loft inná kerfinu .............

fann vélvirkjann

[Navigator]

Hahaha já sennilega kælivatnskerfinu

Leita að nipplum, fylla kerfið, opna nippla, blæða þá og loka, mótor í gang með nefið upp, kreista lagnir, opna og blæða nippla ef þeir eru, ath hita á miðstöð og fylgjast með hitamæli og vatnsstöðu, toppa kælivatn alla leið, drepa á, niður með bíl, út að aka ef enginn er lekinn, stoppa eftir smá akstur og ath stöðu á vatni.

Svona ca og um það bil