Útleiðsla, lélegur geymir eða bæði? E36 325i

[JOGA]

Sælir,

Nokkrar spurningar.

Ég geymi 325i inni og nota lítið. Var með hann í hleðslu í nótt og fór út snemma í morgun í kuldan.
Eftir æfingu ca. 1,5 - 2 klst seinna ætlaði ég að setja hann í gang en hann var þá ekki með nægan straum til að starta.

Bíllinn startar eftir stutta rúnta en ef beðið er í e-h tíma þá lætur hann svona.
Hann dugaði allan daginn fyrir nokkrum vikum þegar það var meiri hiti úti.

Annað. Bíllinn startar svolítið tregt þó að bíllinn hafi verið í hleðslu alla nóttina. Þ.e. startari snýst hægt og letilega.
Þegar gefið er start er hann mun hressari í gang. Sérstaklega ef bíllinn sem gefur start er af "réttri" stærð.

Spurningar:
Geta rafgeymaþjónusturnar sagt mér hvort það sé geymirinn sem er kapút eða hvort um sé að ræða drain?
Hvar er best að kaupa geymi?
Hvað er algeng orsök á svona rafmagnsdrain í E36?.

[ömmudriver]

Hvað er þetta gamall geymir?

Gamlir/ þreyttir geymar þola illa kulda og þá sérstaklega frost og þar af leiðandi þarf að skipta þeim út.

Láttu mæla rafgeymirinn s.s álagsmæla hann, þú getur látið Rafgeymasöluna í Hfj. gera það fyrir þig og eflaust fleirri.

Ég keypti minn 100Ah geymir hjá N1 en hann er frá Bosch og uppbyggður sérstaklega fyrir Luxury sedans en þú þarft minni geymir án vafa. En ég keypti minn hjá N1 vegna þess að þar var besta verðið á þessari stærð af geymir.

Athugaðu verðin t.d. hjá Skorra, Rafgeymasölunni og N1 ef þú ferð út í það að versla nýjan geymir.

Ps. Færð góðan afslátt hjá N1 ef þú ert í AÍH

Ástæðurnar fyrir því að geymirinn hagar sér svona geta verið:

Alternatorinn er orðinn slappur
Margir stuttir rúntar/ lítil notkun þannig að geymrinn nær aldrei fullri hleðslu
Útleiðsla eða spansgræna á geymasamböndum(hún getur nota bene verið glær)
Slappur geymir

[gardara]

Hvar er best að kaupa geymi?

Skorri er með bestu geymana!

[JOGA]

Hvar er best að kaupa geymi?

Skorri er með bestu geymana!

Takk fyrir aðstoðina strákar.
Ætla að kíkja í Skorra eftir vinnu og sjá hvað þeir segja.