Smellti nokkrum myndum af bílnum. Myndavélin var biluð þannig að þessar myndir eru eiginlega allar úr fókus.
Þetta er '93 árgerðin af BMW 320i. Fluttur inn frá Þýskalandi árið 1999.
Bíllinn er vel búinn til "fótanna" á allsvaðalegum svörtum stálfelgum
Takið eftir því að hann er ekki með nein stefnuljós á hliðunum. Man eftir umræðu á spjallinu hér fyrir nokkrum mánuðum síðan um það hvenær þessi stefnuljós hefðu komið á hliðarnar. Nú eru lang flestir þessir bílar með stefnuljós á hliðunum og einnig þeir sem eru eldri en þessi. Þannig að ég var að spá hvort þeir hefðu komið svona án hliðarstefnuljósa í einhverjum sérstökum útfærslum, sbr shadow line bílarnir með nýrun o.s.frv.
Ef þið horfið í gegnum stýrið þá sjáið þið að beint fyrir framan gírstöngina er lítill grá bóla. Þetta er þjófavörnin í bílnum, þegar hún er virk þá blikkar hún rauðu ljósi. Alltaf áður en ég starta bílnum þá þarf ég að slökkva á þessu með þar til gerðu stykki (tölvukubbur) sem ég smelli ofan á þetta og þá hættir hún að blikka. Ef þetta er ekki gert þá startar bíllinn ekki.
Þetta hef ég ekki séð í neinum öðrum svona bíl. Þannig að ég spyr, hafið þið séð svona í einhverjum af þessum bílum?
Orginal kassettutæki sem klikkar ekki
Ekinn 213.512 km, held að hann hafi komið til landsins í kringum 160.000 km.
Bíllinn er hugsanlega til sölu ef einhver hefur áhuga.
