Smá "update":
Jæja ákvað að skella inn smá update-i varðandi það hvað er búið að vinna í þessum frá kaupum á bifreiðinni:
Eftir miklar pælingar rétt fyrir Bíladaga 2009 fundum við Aron Jarl það út að knastásinn væri ónýtur í mótornum og heddið rifið, svo greyið fékk ekki að fara með á Bíladaga í það skiptið.
Strax eftir Bíladaga var farið í það að leita að öðrum knastás/heddi og nokkrum dögum seinna keypti ég hedd af Axel Jóhanni. Settum það hedd strax í plönun og yfirhalningu til Einars Óla í Kistufelli og út úr því komið að það hedd væri ónothæft. Þá brugðum við á það ráð að taka ásinn úr heddinu frá Axeli og 3 útblástursventla einnig(þar sem voru bognir í gamla heddinu) og létum Einar setja þá í gamla heddið. Einar taldi að gamla heddið myndi halda þrýstingi í einhvern tíma en vildi ekki lofa hversu lengi. Allt í góðu með það. Á með heddið og út að keyra !
Mætti þar á eftir 2 driftæfingar og 1 kvartmíluæfingu og allt í fína lagi. Svo um verslunarmannahelgina góðu ákváðum ég og Aron Jarl að skella okkur austur á Kirkjubæjarklaustur, ég fór á mínum og hann á Touring, bara gaman og allt í botni á leiðinni austur en svo á leiðinni til baka rétt fyrir utan Vík kviknaði olíuþrýstingsljósið í mælaborðinu. Fékk ég þvílíkan hnút í magann en tók eftir því að ljósið kom einungis við hægagang. Tókum við þá ákvörðun að rúlla bara í bæinn og vona að hedið héldi, sem það svo gerði, og keyrði ég smá spöl þannig en stuttu seinna logaði ljósið stanslaust og komu einhver óhljóð svo ég drap á bílnum og dró hann út í Hafnarfjörð.(Ekki það skemmtilegasta í heimi eftir fyrra vesenið).
Tók ég hann af númerum í leiðinni og fór hiem frekar svekktur. Þá hófst leitin að öðru heddi og ekki leið á löngu þar til góðvinkona mín Ingsie benti mér á 325IX-bíl í Vöku sem var einungis farin skiptingin í. Ég brunaði niður í Vöku og sleit heddið af, (og vill ég þakka BMW_Owner fyrir mikla sanngirni) og eins og með heddið frá Axeli fórum við með þetta hedd til Einars Óla í plönun og fl. Kom þá í ljós að þetta var frekar heilt hedd/lítið slit í því og var ég mjög sáttur með það. Fórum við þá, ég, Aron Jarl og Aron Andrew í það að setja þetta nýja hedd á mótorinn, og rauk hann í gang eftir það, en þá kom upp eitthvað hljóð sem hljómaði ekki svo vel. Vildi Aron Jarl þá opna kjallarann og skoða hann, sem hann svo gerði, og kom þá í ljós að stangarlegurnar voru grillaðar. Keypti ég nýjar stangarlegur og einnig olíudælu af Aroni Andrew(Þar sem var töluvert slit í minni) og var þessu komið fyrir í mótorinn og rauk hann í gang, án allra aukahljóða. Og hefur hann svo gengið vel síðan. Núna er hann kominn í vetrardvala þannig ekki mun sjást mikið af honum þessa dagana.
Vil ég þakka mest af öllum Aroni Jarli fyrir afbragðsvinnubrögð og hjálpsemi, Ingsie fyrir allan stuðning og hjálp varðandi kaup og annað, Einari Óla fyrir frábær vinnubrögð og sanngirni, og einnig vil ég þakka Aroni Andrew og BMW_Owner fyrir mikla sanngirni, ásamt öllum sem að þessum bíl hafa komið.
Svo smá video af frumraun í drifti:
http://www.youtube.com/watch?v=eh6frPZG2rI