635csi - Nýjar myndir á bls. 7
Posted: Sun 01. Mar 2009 00:48
Styttist í sumarið!!! Snilld, dagarnir lengjast. Staðið til býsna lengi að senda nokkrar myndir á Kraftinn af Sexunni okkar feðganna. Eignuðumst þennan bíl sl sumar og erum rétt að byrja að kynnast honum. 1986 bíll 635 CSI, fluttur inn 1998 úr þýsku dánarbúi. Bíllinn stendur í 113.000 km hér og nú. Allur bíllinn er sem nýr, original að öllu leyti, ryðlaus allan hringinn og original lakk. Sér ekki á bílnum nema rispa neðst á framsvuntu sem verður sprautað áður en sumarnotkun hefst. Innréttingin óskemmd, svört og snilldarfalleg. Engar breytingar verða gerðar á þessum bíl, nema það sem árgerðin leyfir. Mikilvægt með svona bíla að þeir séu "original". Er á original 14" style 5 en til stendur að skipta yfir í BBS style 5 16" ef allt gengur upp. Á annarri myndinni hér hér að ofan er hann á þeim felgum til prufu en dekkin verða ekki rauð!!! og liturinn er BBS en ekki BMW og því verður breytt ef til kemur. Við feðgar erum tíðir gestir hér á Kraftinum og ánægjulegt að sjá pælingar og dugnað meðlima. Mottóið okkar er að halda eldri bílum original. Eigum reyndar einnig fulluppgerðan 1942 Chevrolet C15A hertrukk 4x4 með palli, en af skiljanlegum ástæðum förum við ekki að rúnta á slíkum bíl, bíllinn er beinskiptur og bensíngjöfin er í miðjunni! þ.e. staðsett milli bremsu og kúplingar og á honum er einnig "harðgert" vöðvastýri. Ekki beint hægt að tefla þessum gæðingum saman .... en við elskum andstæður.... Lofum að senda inn fleiri myndir af Sexunni eftir að hún kemur undan vetrarseglinu í vor.
Njótið, hlakkið til sumarsins og ekki orð um kreppuna!!!!
Hérna er trukkurinn, mynd tekin 17. júní 2008 í jómfrúarferð eftir uppgerð.
Hérna er verkfæraboxið aftan í skotti. Eins og það var þegar bílinn kom úr verksmiðjunni.
Vélin er HREIN snilld!
Kveðja, jerry og SteiniDJ
CLEAN 
