Jæja, þá er langþráður draumur orðinn að veruleika, maður er orðinn BMW eigandi. Bílinn var fluttur inn frá Þýskalandi af Georg í Úranus. Ég fékk svo bílinn fyrir einhverjum dögum síðan.
Það er algjör draumur að keyra bílinn, maður var búinn að lesa svo mikið um hversu gott er að keyra BMW bíla og það er svo sannarlega ekki orðum aukið! Algjör draumur í akstri!
Bíllinn er sjálfskiptur og keyrður tæpa 120.000 Km. Liturinn er Schwarz Metallic. Vélin er 192 HP og þó það sé nú ekkert það kraftmesta í heimi þá skilar vélin bílnum ótrúlega vel áfram.
Bíllinn er ótrúlega vel með farinn miðað við 10 ára gamlan bíl og greinilegt að það hefur verið farið mjög vel með bílinn. Bíllinn er reyklaus og fyrri eigandi geymdi hann alltaf í bílskúr þannig að það sést nánast ekkert á bílnum. Það sést ekkert á leðrinu í aftursætunum svo það hefur ekki verið setið mikið í þeim. Allir pappírar voru líka í fullkomnu lagi og allt verið skráð vel og vandlega og var bíllinn alltaf þjónustaður hjá BMW í Þýskalandi.
Hér eru svona nokkar myndir.
Ég er nú ekki mikið fyrir það að breyta bílum en það er þó eitt á dagskrá og það er að skipta út stefnuljósunum og setja hvít í staðinn.
*edit: Bætti einni mynd við.
Til hamingju 
