Farin verður BMWkrafts ferð til Þýskalands núna í sumar í Júlí.
Ferðinni er heitið til Luckau sem er 60km suður af Berlín. Þar verður árleg samkoma BMW áhugamanna sem koma hvaðanæfa að, þó sérstaklega frá heimalandinu, eða Þýskalandi.
Samkoman er haldin á gamalli herflugbraut í fyrrum austur Þýskalandi og er kjörin staðsetning fyrir ýmsar akstursþrautir sem haldnar verða.
Meðal uppákoma er: Kvartmíla, "Show-and-shine" keppni, hljómtækja keppni ásamt tónleikum að kvöldi til.
Flogið verður til Frankfurt með Flugleiðum snemma morguns (brottför rétt fyrir 8 ) föstudaginn 16 Júlí og heim (brottför um 13) á Mánudeginum 19. Einnig er hægt að haga ferðatilhögun að vild t.d. fara heim fyrr eða seinna í staðin. Flogið er daglega til Frankfurt í sumar hjá Flugleiðum.
Einnig er hægt að fljúga með öðrum flugfélögum eins og Iceland Express, en þá þarf að sjálfsögðu að finna hentugt flug áfram til Þýskalands. Vert er að benda á Ryanair, Easyjet og German wings í því sambandi.
Teknir verða bílaleigubílar á flugvellinum og kostar það um 8.000.- kr á dag fyrir bílinn. Það verða hámark 4 í bíl og því má reikna með að kostnaður á mann fyrir bílaleigubíl verði 6-10.500.- kr (3-4 dagar, 3-4 í bíl).
Flugfar fram og til baka með Flugleiðum kostar rétt rúmar 30.000.- krónur á netinu þegar þetta er skrifað í byrjun Maí.
Verð inn á svæðið er 25EUR sem er u.þ.b. 2000kr. Innifalið í því eru allar sýningar og tjaldsvæði.
Reikna má að uppihald á degi hverjum sé ekki undir 6.000.- á dag.
Eldsneyti fyrir hvern bíl verður á bilinu 10-15.000.- (rúmir 1000 km í akstur til og frá Frankfurt + 500 í annað, sem er c.a. 150L )
Heildarkostnaður á mann ætti því að vera rétt yfir 50.000.- miðað við ofangreint.
Fararstjóri verður Sæmi (Sæmundur Stefánsson) og mun hann stýra ferðinni af mikilli röggsemi og festu
Nei nei, en það verða engin fíflalæti og gáleysisgangur leyfð, bara skemmtun. Raðað verður í bíla eftir því sem fólk kýs, en að sjálfsögðu þurfa ókunnir einstaklingar að deila bílum í einhverjum tilfellum. Sem er hið besta mál til að kynnast félögunum í klúbbnum
Allir fá að keyra á bílunum sem teknir verða á leigu, eins og þeir komast áfram á "Autobahn" (sem á annað borð hafa til þess leyfi og vilja). En ræða verður haldin áður yfir þeim um hvernig á að haga sér við svoleiðis akstur.
Það verður tjaldað í hnapp (allir að taka með tjald og a.m.k. eitt hreint sett af nærfötum) og stuð verður á hverjum degi OG KVÖLDI.
Einnig er lítið mál að finna í Þýskalandi gistihús ef einhver nennir ekki að tjalda, þó svo að ég þekki ekki þetta svæði mikið og gæti verið svolítill erill vegna samkomunnar. En það væri þá í mesta lagi einhver hálftíma akstur til að komast í gistihús. Almennt verð fyrir 2ja manna herbergi er 60-80 EUR.
Það skal taka það fram skýrt að það þarf enginn að vera hræddur við að fara með. ÞAÐ VERÐUR FARIÐ hvernig sem þáttakan verður. Þó svo að það verði bara 2 einstaklingar (ég nenni ekki að fara einn). Allir eru velkominir og verða ekki skilnir útundan.
Þó svo þú hafir ekki einhvern vin þinn til að fara með þér þá skiptir það engu máli því öllum verður tekið opnum örmum og hópurinn verður haldinn allan tíman og passað upp á að enginn týnist.
Ef þú ætlar með, þá skaltu senda mér póst á smu@islandia.is Þú þarft ekki að vera 100% ákveðin(n), eina sem þarf að gera er að c.a. viku fyrir brottför þarf að greiða fyrir bílaleigubílinn og mun ég sjá um að panta bíla fyrir hópinn. Það er eina staðfestingin sem þarf að gefa til að koma með. Svo þú hefur alveg þangað til viku fyrir til að vera einn af hópnum. EN allir sjá sjálfir um að panta flugfar og borga það sjálfir og það mun verða dýrara flugfarið hjá Flugleiðum þegar nær dregur. Svo ef þú ert viss um að þú ætlar að fara með okkur þá skaltu panta flugfarið strax.
Ef það verður þannig að fólk fer með öðrum leiðum en Flugleiðum þá mun því verðað hagað þannig að bílaleigubílarnir verði teknir á þeim stöðum sem þau félög fljúga til og þeir aðilar keyra þá saman þaðan.
Nánari upplýsingar er að finna hérna á Þýsku:
http://www.bmw-action.de/
Kem með næsta sumar 
Vá þetta hljómar vel ég ætlar að reyna að komast í þessa ferð, alveg klárlega!
