Jón Garðar Snæland

Sæl öll. Nú er búið að setja í gang undirskriftarlista á vefnum, þar sem frumvarpi um Náttúruverndarlög er mótmælt, og þingmenn hvattir til þess að hleypa ekki lögunum í gegn óbreyttum. Við gerð frumvarpsins var ekkert tillit tekið til allra þeirr athugasemda sem fjölmörg félög gerðu við Náttúruverndarlögin. Hvet þá sem unna útivist og ferðalögum á íslandi til þess að skrifa undir á.http://www.ferdafrelsi.is/

Ekki er líklegt að dragi úr utanvegaakstri vegna kortagrunns, því það verða alltaf til svartir sauðir sem hafa neikvæðan ásetning í þessum efnum. Það eru líka til húsmæður sem stunda búðarhnupl og afar sem stunda ofsaakstur, sama hversu ströng löggjöfin er.

l Kortagrunnurinn mun aldrei innihalda allar akstursleiðir á landinu, en það veldur leiðinlegum hliðarverkunum.

l Akstur um fáfarnar leiðir sem fólk hefur notað að sínum uppáhaldsstöðum gæti verið flokkaður sem utanvegaakstur. Afi og amma gætu því verið gómuð fyrir utanvegaakstur þegar þau fara til berja á leynistaðinn sinn að hausti. Þau eru nú samt á vegslóða, en hann er bara ekki í kortagrunninum og flokkast því sem utanvegaakstur. Pabbi og mamma gætu jafnframt verið tekin og sektuð fyrir utanvegaakstur þegar þau aka að sínu leyni-tjaldstæði að sumrinu. Breytir þá engu að afi, amma, pabbi og mamma hafa ferðast árum saman á þessa staði, án þess að nokkuð sjái á landinu, annað en ógreinileg slóð. Þetta gæti leitt til þess að fleiri verði sektaðir vegna utanvegaaksturs – viljum við hafa það svoleiðis ?

Búinn að skrifa undir og deila.

Ólst upp við ferðalög og hef alltaf ferðast með fólki sem notast við vegina og slóðana á hálendinu. Hef enga virðingu fyrir þeim sem valda skemmdum en þessi hópur mun alltaf finnast, síðasti bjáninn er ekki enn fæddur.