Sælir Kraftsmenn.
Ég á MK3 Golf sem er alveg nett leiðinlegur við mig núna. Hann byrjaði á því um daginn að stoppa bara og neita að fara í gang. Þar sem að ég hef áður átt bíla með brengluðum bensínmæli þá datt mér í hug að greyið væri einfaldlega bensínlaus. Um kvöldið var farið og settir 5 lítrar á græna og búmm hann rauk í gang. Daginn eftir fór hann hins vegar EKKI í gang, ég setti 5 lítra til viðbótar og bensínmælirinn hækkaði í takt við það en bílinn fór samt ekki í gang. 2 dagar líða og ég prufa að starta honum og BÚMM hann dettur í gang!! Fór á honum í vinnuna og aftur heim. Daginn eftir neitaði dósin svo aftur að starta, tók bara ekkert við sér ekkerf frekar en í fyrri skiptin.
Nú var farið að skoða... kom í ljós að enginn neisti fékkst, fór í vöku og keypti háspennukefli, virkaði ekki, fór og keypti kveikju m öllu, ekkert skeði, fékk í heimsókn til mín mann sem vann hjá Heklu, hann yfirfór öryggin aftur og skoðaði pluggin á tölvunni og öryggjaboxinu td. SVO tók hann eftir því að bensíndælan fór EKKI í gang þegar ég svissaði á svo --Bensíndæla og neisti-- voru hvorugt til staðar. Þá fórum við að skoða relyin í bílnum. Rely nr. 167 (neðst til hægri í röðinni) er það sem á vera fyrir allavega bensíndæluna. Setti öryggið mitt í bíl hjá félaga mínum, svissaði á og.. tssszzzzz - bensíndælan datt í gang hjá honum, líka bílinn þegar ég startaði, svo öryggi 167 er líklega EKKI ónýtt hjá mér.
Svo nú á ég 2 háspennukefli og tvær kveikjur í Golf MkIII sem er núna með skoðun 2011 eeeeen fer ekki í gang ennþá og enginn virðist vita hvað ami að.
S ------- O -------- S
