Ég rak augun í þetta
Bílaábyrgð
Vörður Íslandstrygging hf. hefur frá haustdögum 2005 selt svokallaða bílaábyrgðartryggingu. Vátrygging þessi tekur til bilana eða galla í vélbúnaði bifreiða. Auk þess tekur vátryggingin til kostnaðar vegna flutnings bíls á verkstæði og bílaleigubíl í allt að sjö daga standi viðgerð lengur yfir en einn sólarhring.
Hægt er að fá tvær tegundir af bílaábyrgð.
1. Grunnábyrgð; tekur til bilana eða galla í mikilvægum hlutum vélar og drifbúnaðar.
2. Víðtæk ábyrgð; tekur til bilana og galla í flestum kerfum bílsins, s.s. vél, drifbúnað, rafmagn, bremsum o.s.frv.
Hægt er að taka þessa vátryggingu bæði á nýja og notaða bíla og hægt er að velja hversu mörg ár vátryggingin á að gilda. Henni lýkur þó við eftirfarandi tímamörk, hvort sem fyrr ber að höndum:
1. Bíll ekinn 130.000 km.
2. Bíll nær 5 ára aldri frá fyrsta skráningardegi.
Til þess að vátryggja notaðan bíl er nauðsynlegt að leggja fram hjá félaginu ástandsskoðun bílsins frá viðurkenndri skoðunarstöð. Félagið áskilur sér rétt til þess að hafna vátryggingu á bíl án sérstakra skýringa. Ástæður þess geta verið slæmt ástand bíls við vátryggingartöku eða að bíll sé af tegund sem almennt er ekki seld á Íslandi og varahlutir eða viðgerðarþjónusta því ekki aðgengileg.
Vátrygging þessi er tekin til árafjölda að eigin vali og iðgjald þarf að staðgreiða fyrirfram. Vátryggingin fylgir bílnum sé hann seldur. Endursala kann því að vera auðveldari og verðmæti bílsins eykst ef ábyrgð fylgir honum.
Iðgjald fyrir Grunnábyrgð er frá kr. 17.200 - kr. 25.500 á ári.
Iðgjald fyrir Víðtæka ábyrgð er frá kr. 28.500 - kr. 46.900 á ári.
Iðgjaldið fer í báðum tilfellum eftir vélarstærð og búnaði bíls. Aukaiðgjald er tekið ef bíllinn er búinn forþjöppu. Í ofangreindum iðgjöldum er ekki innifalinn almennur viðskiptaafsláttur félagsins.
http://www.leit.is/thjonsla/go.aspx?url ... is&id=6704
