jonthor wrote:
Almennt finnst mér umræðan á Íslandi um erlendu lánin á lágu plani. Ef þeir sem lánuðu vissu að lánin voru ólögleg, af hverju voru þau þá veitt? Hverjum dettur í hug að veita ólögleg lán vitandi að afskrifa þurfi hluta þeirra í framtíðinni?
Varðandi dóminn þá legg ég til að menn lesi dóminn og kynni sér málið áður en þeir gagnrýna niðurstöðuna og fullyrði að refsingin sé í ósamræmi við glæpinn.
Ásetningur skiptir máli þegar kemur að þyngd refsingar, í þessu tilfelli kemur fram í dómnum að ásetningur sakborninga var að vernda hagsmuni bankans.
Nenni ekki að blaða í gegnum allan þennan þráð til að ná samhenginu en ég geri ráð fyrir að þú sért að tala um vafningsmálið. Ég las þann dóm fyrir nokkru og verð að segja að mér finnst dómurinn ekki of vægur. Þetta voru bara menn sem fóru aðeins út fyrir umboð sitt í því markmiði að verja hagsmuni bankans. Þeir högnuðust persónulega ekki neitt á þessu. Mér finnst einmitt lætin sem hafa verið í kringum þennan dóm alveg fáránleg.
Hvað varðar gengistryggðu lánin vissu menn auðvitað að það var bannað að lána með gengistryggingu, það er nú einu sinni í lögum um vexti og verðtryggingu tæmandi listi yfir leyfðar verðtryggingar auk þess sem að í greinagerð var tekið fram að ætlunin væri að gera svona lán ólögleg. Við þessa lagabreytingu bárust þinginu athugasemdir frá samtökum fjármálafyrirtækja þar sem bent var á að þetta myndi gera gengistryggð lán ólögleg.
Hin hliðin á því er aftur á móti að menn reyndu eftir fremsta megni að komast fram hjá þessu. Til dæmis með því að bjóða gengistryggða kaupleigusamninga þar sem gengistryggðir leigusamningar eru löglegir. Verst fyrir þá að dómstólar ákváðu að slíkir samningar væru lán færð í búning leigusamninga (enda stendur "leigjandi" undir öllum kostnaði af hinu "leigða" og eignast það í lok samnings) og bæri því að meðhöndla sem lán.
Menn gengu mislangt í því að komast í kringum bannið en eina leiðin sem ég veit til að hafi virkað var að lána einfaldlega erlenda mynt. Þó það sé bannað að lána með gengistryggingu er ekki bannað að lána erlendan pening en lánið verður þá að vera greitt út í erlendu og endurgreitt í erlendu.
Í stuttu máli vissu þeir að þetta væri ólöglegt en töldu sig kannski hafa komist í kringum það á löglegan máta.
Kv.
Maðurinn sem er að skrifa meistararitgerð um gengistryggð lán og var að klára sitt fyrsta dómsmál um slík.