Bíllinn sem ég keypti var fluttur hingað til lands á vordögum árið 1987 af Porsche umboðinu á Austurströnd en það var eigu Jóns heitins Halldórssonar rallýhetju.
Ástæður þess að bíllinn var fluttur inn var tvíþættar; Í fyrsta lagi voru tollabreytingar í farvetninu sem hækkuðu verð á svona bílum gríðarlega og hins vegar hafði Jón heitinn náð góðum samningum við Porsche verksmiðjurnar í Vestur-Þýskalandi. Svo góðum að Jón tryggði sér fjármagn frá efnuðum íslenskum bifreiðaáhugamönnum og pantaði 6 stk. af Porsche 924 (þar af 2 lítið ekna sýningarbíla árg. 1985) auk eldri 924 bíla sem höfðu fengið yfirhalningu í Stuttgart. Auk 924 bílanna, tók Jón inn 928, 930, 944 og basic 911 bíl.
Samkvæmt upplýsingum sem ég hef aflað þá var bíllinn dökkbrúnn þegar hann var fluttur inn, ekinn ca. 50 þús km og boðinn til sölu af Porsche umboðinu á kr. 650.000,- staðgreitt. Bíllinn skipti ört um eigendur á níunda og tíunda áratug síðustu aldar og áttu margir mætir menn bíllinn, þar á meðal Rúrik Haraldsson stórleikari. Árið 2002 eignaðist Halldór Jóhannsson (Porsche Iceland) bílinn og þá var hann að ég held orðinn dökkblár. Halldór notaði bílinn sem daily driver þar til árið 2008 en þá lenti bíllinn í umferðaróhappi. Í framhaldinu var bíllinn réttur og svo seldur fornbílasafnara fyrr í sumar. Sá notaði sumarfríið sitt í að dunda í bílnum og sprauta hann. Liturinn sem varð fyrir valinu er ansi sérstakur eða Plymouth Prowler orange með dass af glimmer. Þar sem eigandinn var einhverra hluta vegna ekki fullkomlega sáttur með litinn þá ákvað hann að selja mér bílinn og einbeita sér að uppgerð á tveimur öðrum bílum.
Bíllinn er 5 gíra og búinn 2 lítra vél sem skilar 125 hp. Undir bílnum eru svartmálaðar 15 tommu spiderweb felgur en það var dýrari týpan á þessum tíma. Innréttingin í bílnum er nokkuð góð og nánast óslitin.
Bíllinn fer fljótlega af götunni og er planið að endurnýja nokkra hluti í vetur sem og framkvæma smávægilegar útlitsbreytingar.
Myndir segja meira en þúsund orð en heiðurinn að þessum myndum á Arnar Freyr Böðvarsson (ArnarFB)
og frábært með söguna alla. Þessi innrétting er náttla bara pjúra '80s klám. Porsche skriftin á hurðarspjöldunum er priceless. 
