BMW M3 GTR vs. BMW320i ETCC
Þótt svolítið sé síðan þessir bílar fóru fyrst að keppa standa þeir vel fyrir sínu. M3 GTR keppir í bandarískum sportbílakappakstri og 320i keppir í evrópskum sportbílakappakstri. Árið 2004 er búið að vera eitt besta árið í sögu BMW í mótorsporti. Þótt M3 sé næstum tvöfalt aflmeiri en 320i er léttara að keyra hann. Það liggur í því að í M3 er ABS, spólvörn og skrikvörn. Auk þess er hann á breiðari dekkjum og risa spoiler á skottinu. V8 vélin í bílnum er 500 hö og fjórir lítrar. Að taka af stað er ekki mikið mál þökk sé koltrefja kúplingunni. Á 200 km/klst skilar vindskeiðin á skottinu 300 kg þrýstingi niður. 320i bíllinn er talsvert öðruvísi. Hann er með línu 6 strokka vél og 2ja lítra. Hún skilar 270 hö við 8800 sn og 230 Nm togi. Bíllinn er 1140 kg. Það er BMW í hag að keppa á þessum bílum í evrópska sportbílakappakstrinum því síðan 1999 eru þeir búnir að selja í kringum 100 kappaksturssett fyrir 320i sem kosta hvert 219.240 EUR.
