Ég ákvað að athuga þetta mál nánar þar sem samkvæmt þeim tölum sem ég finn á netinu þá ætti ég að geta fengið leiðréttingu upp á ca. 10 þúsund á ári miðað við hver bifreiðagjöldin eru hjá mér núna. Hafði samband við Umferðarstofu og bað um að þetta yrði leiðrétt en fékk þetta svar til baka:
Umferðarstofa wrote:
Til að fá CO2 gildi ökutækis skráð þurfum við að fá það staðfest frá framleiðanda eða viðurkenndri tækniþjónustu. Þau gögn þurfa að berast okkur í frumriti.
Fékk uppgefna eina þjónustu í Þýskalandi sem getur gefið út svona vottorð og kostnaðurinn við þetta er €178,50 eða 28.613,- á gengi dagsins. Semsagt, það er ekki fyrr en eftir um þrjú ár sem það mun borga sig að hafa farið í þessa leiðréttingu.
Attitudið sem ég mætti þarna hjá UST er þvíumlíkt að ég fékk ekki svör við einföldum spurningum, þetta er svo innilega ekki þeirra vandamál að það sé verið að ranglega skattleggja bílana okkar.
Það er með ólíkindum að það sé hægt að senda út bifreiðagjaldareikning sem miðast við Co2 g/km tölu, þegar sú tala er ekki einu sinni í skráningu bílsins. Og þetta rugl skal standa nema þú getir staðið í kostnaði og veseni til að sanna annað!