Var næstum búinn að gleyma að pósta þessu. Skrifað fyrir nokkrum
vikum og aðeins lagað til núna, vonandi ekki stútfullt af stafsetningavillum
og rugli.
-------------------------------------------------------------
Titill: BMW Cars
Höfundur: Martin Buckley
Ljósmyndir: Nick Dimbleby
ISBN: 0760309213
Útgefandi: Motorbooks International; (December 2001)
Amazon:
http://www.amazon.com/exec/obidos/tg/de ... 760309213/
Bókin BMW Cars fer yfir sögu bílaframleiðslu BMW allt frá því fyrir
fyrri heimsstyrjöld, erfiðleika eftir stríðsáranna, uppgang BMW á sjöunda
áratugnum og allt til aldamóta. HÖfundurinn, Martin Buckley, hefur
skrifað um bíla síðan 1985 og hefur skrifað fyrir ýmis blöð, til dæmis
Classic Cars, Top Gear, CAR og Motor Trend.
Texinn er skemmtilegur og er laus við að vera eingöngu þurr upptalning á
bílum eins og stundum vill vera í svipuðum bókum. Martin fléttar einnig
inn í frásögnina lýsingum á þjóðfélagslegum og pólitískum aðstæðum sem
höfðu oft áhrif á ákvarðanir og framleiðslu BMW.
Ljósmyndir Nicks Dimbleby eru margar og mjög góðar og þær fylgja texta
bókarinnar vel.
Það sem mér fannst skemmtilegast við bókina var hversu mikið er um
lýsingar á bílunum, hvernig framleiðslu var háttað, aksturseiginleikum,
útbúnaði og þessháttar. Þetta er líka skemmtilega fléttað inn í hugmyndir
höfundar á hvað lá á bak við ákvarðanir BMW um ýmsa hluti. Hvernig stóð
á því að bíll eins og Isettan var framleidd? Hvað gerði Neu Class bílana
svona vinsæla og hvað olli ákvörðun BMW að fara út í þá framleiðslu?
Þetta eru dæmi um hluti sem höfundur veltir fyrir sér og tengir inn í það
mannlífi eftirstríðsáranna og pólitíkinni í Þýskalandi sem vissulega hafði
að einhverju leiti áhrif á BMW sem og aðra þýska bílaframleiðendur.
Saga BMW er að mörgu leiti mjög merkileg allt frá upphafi og umskiptin
mikil. Til dæmis átti fyrirtækið mjög erfið ár eftir seinni heimsstyrjöld
en tókst að snúa því frá gjaldþroti í þann risa sem fyrirtækið er í dag.
Margar ákvarðanir sem fyrirtækið hefur tekið hafa verið alveg blákaldar og
í gegnum árin má segja að BMW hafi fetað millivegin milli nýjungagirni og
fortíðarhyggju mjög vel því þegar allt kemur til alls er þetta jú bara
"bissness" og þar hefur þýska skynsemin komið sér vel fyrir BMW.
Allt í allt get ég alveg mælt með þessari bók bæði til fróðleiks og
skemmtunar. Eina sem angraði mig örlítið var að höfundurinn hefði jafnvel
mátt hætta eftir tíunda áratuginn því eftir 1990 er stiklað allt of mikið
á stóru og frásögnin verður ruglingsleg og erfitt að fylgjast með. Textinn
dettur í það að verða meira tóm upptalning og ekki nærri eins skemmtilegur
og öll bókin fram að því. Líklega má kenna því um að það er auðvitað
frekar stutt liðið og sagan að mörgu leiti ekki farin að segja sig. Þetta
eru þó bara síðustu blaðsíður bókarinnar svo þetta dregur bókina alls ekki
niður í heild.
Login
Register
FAQ
Search
Meðlimur
