bmwkraftur.is
https://www.bmwkraftur.is/spjall/

Atlands Olía
https://www.bmwkraftur.is/spjall/viewtopic.php?f=1&t=3946		 Page 1 of 7
Author:  Ozeki [ Fri 09. Jan 2004 18:36 ]
Post subject:  Atlands Olía
Jæja þeir eru víst farnir að selja Bensín líka .. á nú samt eftir að kíkja á þá ... ég fylli bílinn alltaf og hann fer alltaf rúmlega 500 km á tanknum, en nú fer að koma að því að fylla. Þá fer ég beint í Kópavoginn og fylli hjá Atlands Olíu og ætla að leggja lykkju á leið mína ef nauðsyn krefur í framtíðinni og tanka bara hjá þeim.

Látum samráðs-svínin finna fyrir því og tönkum bara hjá AO
Author:  oskard [ Fri 09. Jan 2004 18:38 ]
Post subject: 
er atlandsolía með svona skítabensín eins og ÓB og orkan eða er
þetta gott stuff eins og shell ? :roll:
Author:  bjahja [ Fri 09. Jan 2004 18:48 ]
Post subject: 
Ég ætla nebblega ekki að versla við þá, en vona bara að þeim takist að draga niður verðin hjá hinum :wink:
Author:  Benzer [ Fri 09. Jan 2004 19:08 ]
Post subject: 
Þar sem ég er nú í Vestmannaeyjum og þar er enginn Atlandsolía :(
Þá hef ég nú bara alltaf verslað við shell sem er mjög gott :)
Author:  Svezel [ Fri 09. Jan 2004 19:39 ]
Post subject: 
Selja þeir nokkuð 98okt? Minn vill ekki drekka 95
Author:  Benzer [ Fri 09. Jan 2004 20:26 ]
Post subject: 
Ég held að þeir séu bara með 95okt bensín...
Author:  Schulii [ Fri 09. Jan 2004 20:45 ]
Post subject: 
bíddu nú við.. eruð þið að segja mér að þið setjið 98 okt bensín á bílana ykkar??? og er þetta virkilega það slæmt bensín að þið ætlið ekki að styrkja þá til að helv**** samráðs svínin fari að finna fyrir því??

Sko.. ég fékk bílpróf fyrir 10 árum. Fyrir 3 árum þá höfðu þær breytingar átt sér stað síðan ég fékk bílpróf að það er búið að endurnýja allan bensínstöðvaflotann á höfuðborgarsvæðinu, bensínið hefur hækkað um 50% og það eru allir farnir að dælabensíninu sjálfir.

..ég ætla á AtlantsOlíu!!
Author:  Schulii [ Fri 09. Jan 2004 20:46 ]
Post subject: 
..og já, ég á 8cyl bimma :?
Author:  bjahja [ Fri 09. Jan 2004 20:48 ]
Post subject: 
Ég ætla því miður ekki að versla við AO vegna þess að ég er svo sérvitur og vitlaus ða ég kaupi mér alltaf V-power :wink: Og ef ég man rétt þá er mælt með því að það sé sett 98 á Clioinn
Author:  Svezel [ Fri 09. Jan 2004 21:26 ]
Post subject: 
Jamm clio vill ekki 95, bara 98+. Setti einu sinni eða tvisvar á hann 95 og þá gekk hann frekar gróft.

Myndi versla við AO ef þeir væru með 98okt og ekki með stöð í þarna út í r#$%&*!* :lol:
Author:  saemi [ Fri 09. Jan 2004 21:55 ]
Post subject: 
ég kaupi nú bara standard 95 okt bensín. Og já, ég ætla að leggja lykkju á leið mína og tanka hjá strákunum á Kársnesinu!
Author:  bebecar [ Fri 09. Jan 2004 22:21 ]
Post subject: 
Þetta er samskonar bensín og Orkan, ÓB og Esso Express selja.

Ég vil hinsvegar benda þér Svezel á að þú færð 98 okt á einu stað hjá Orkunni og það er úti á Eiðistorgi - og auðvitað á fínu verði líka.

Svo vil ég nú biðja menn að velta þessum hlutum fyrir sér.

Bensín er ekki dýrt á Íslandi, í það minnsta ekkert dýrara en víða í kringum okkur.

Samráð eða ekki samráð þá vil ég benda á það sem mér finnst athygliverðast í þessu og það er að Atlantsolía kemur á markað bensín og auðvitað bjóst maður við almennilegri verðlækkun, en hvað gerist. Þeir bjóða bensín á krónu lægra verði en Orkan var með það á kvöldið á undan!

Ég verð nú bara að segja að mér finnst það bara alls ekkert merkilegt!!! Og þaðan af síður þess virði að ég keyri þangað til að taka bensín.

Auk þess er Orkan búin að lofa frá stofnun lægsta verðinu og hann hefur alltaf staðið við það. Samkeppnin kemur þaðan þó fyrirtækið sé í eigu Shell.

Og síðan hvenær ertu að miða við að bensín hafi hækkað um 50%??? Það er nú ekki rétt. Ef svo væri þá hefði það kostað 66 krónur og það eru nú meira 10 ár síðan bensínið kostaði svo lítið, líklega meira en 15 ár!

Ég vil líka minna menn á að á sama tíma (15 árum) hefur húsnæðisverð örugglega hækkað um meira en 100% og mjólk (sem mér finnst alltaf gaman að taka til samanburðar) hefur hækkað úr 25 í held ég 85 krónur eða nokkur hundruð prósent!

Það hefur öll síðustu ár eða frá því að Orkan opnaði verið virk samkeppni í eldsneytisverði og það sést einmitt best á því að Atlantsolía getur ekki boðið nema krónu betur en Orkan (sem auðvitað lækkaði meira eins og lofað var).
Author:  Bimmser [ Fri 09. Jan 2004 22:28 ]
Post subject: 
bebecar wrote:
Og síðan hvenær ertu að miða við að bensín hafi hækkað um 50%??? Það er nú ekki rétt. Ef svo væri þá hefði það kostað 66 krónur og það eru nú meira 10 ár síðan bensínið kostaði svo lítið, líklega meira en 15 ár!


Þegar ég fékk bílprófið, fyrir 9 árum, kostaði líterinn af 95 oktana 67 krónur, svo endilega kallinn að passa upp á þetta :wink:
Author:  Svezel [ Fri 09. Jan 2004 22:32 ]
Post subject: 
Já ég er nú sammála þér bebecar með þetta, þetta er í raun ekkert rosa mál, lækka bensín um 1kr frá keppinaut. Þetta væri frétt ef þeir hefðu tekið 10kr af. Eini staðurinn sem ég veit að bensín er eitthvað ódýrara svo talandi sé um er í Bandaríkjunum, þar er aftur á móti allt annar markaður.

Málið er að ríkið er að hirða 60% af bensínverðinu eins og sást um daginn þegar Esso opnaði í Mosfellsbæ og seldi án skatts í einhvern klukkutíma, þar var 95okt á 37kr.

Annars vissi ég að Orkan á Eiðistorgi seldi 98okt, en vissi ekki aftur á móti að það væri eina stöðina. Ég tek þar þegar ég er mjög nískur en annars V-power eða Esso 98okt.
Author:  bebecar [ Fri 09. Jan 2004 22:38 ]
Post subject: 
Ég tek nánast alltaf V-Power en einstaka sinnum 98 okt úti á nesi.

Þetta er nú bara tilfellið. Menn verða bara að sætta sig við að hér er sáralítið svigrúm til lækkana á bensíni nema ríkið taki sig til og lækki skatta á okkur bifreiðaeigendur. Nóg er nú sótt í okkar vasa.

Varðandi samráðsmálin þá held ég að menn geri sér flestir grein fyrir því að ef um samráð hefur verið að ræða þá hefur það allavega ekki falist í því að hafa hátt verð á bensíni. Þetta verður ekkert lægra en það er núna.

Ég sé t.d. ekki fyrir mér að Atlantsolía haldi þessu verði ef þeir ætla að fara byggja sjálfsafgreiðslustöðvar fyrir reksturinn með niðurgröfnum tönkum, sjálfsala, dælum og skyggni. Ef verðið er ekki lægra en þetta núna (þegar ekki þarf að byggja stöðvar) þá mun það svo sannarlega ekki lækka.

Ég held því að Orkan sé hagstæðust sem fyrr og það er sennilega í krafti stærðar Skeljungs (innkaup) og svo fyrirkomulags Orkunnar (lágmarks yfirbygging).
Page 1 of 7 All times are UTC
Powered by phpBB® Forum Software © phpBB Group
https://www.phpbb.com/