Mig hefur lengi, lengi dreymt um að eignast BMW, og núna er komið að því að ég ætli að kaupa minn fyrsta bíl (búin að vera með próf í tæpt ár). Mig langar rosalega að versla einmitt BMW en það eru alltaf einhverjir sauðir í kringum mann sem reyna að telja mann af því.
Maður heyrir reglulega hluti eins og "BMW bila alltof mikið" eða "BMW eyða alltof miklu" - Ég tel mig svosem vita nægilega mikið um bíla, að BMW þurfa ekki endilega að bila meira en aðrar tegundir svo lengi sem þeim sé vel viðhaldið (þetta nær ekki endilega yfir einhverjar gamlar 7'ur með skrímsli undir húddinu), en mig langar samt að fá að heyra eitthvað um þetta frá ykkur eigendum og delluköllum. T.d. er væntanlega dýrar að útvega sér varahluti í BMW heldur en Toyotu og þá komum við að punkti númer 2.
Ég hef bullandi bíladellu og hef haft hana lengi, hinsvegar veit ég ekkert "rosalega mikið" um bíla, þ.e.a.s frá tæknilegu sjónarhorni. T.d. hef ég hvorki kunnáttu né aðstöðu til að fikta og lagfæra bíla... Og maður heyrir stundum að það sé ekkert vit í að eiga BMW nema þú sért einhver fúskari sem getur leikið þér í þessu sjálfur. Kunnáttan mín byrjar og endar á að skipta um olíu.
Allavega, ætti ég að fylgja draumnum eftir og skella mér á bimma og "sjá eftir því seinna meir" eins og sumir halda fram? Hvaða týpur ætti ég þá einna helst að vera skoða?
Get svosem látið það fylgja að ég ætla mér að eyða rúmri hálfri milljón í kaupverð á bílnum og myndi svo hafa efni á u.þ.b 40 þúsund krónum í rekstri á mánuði.
Takk fyrir hjálpina
