bmwkraftur.is

Mig langaði nú bara að deila þessu með ykkur.

Ég komst að því núna í hádeginu að sessunautur minn hafði tekið þátt í fyrstu þremur rallkeppnum sem haldnar voru hér á Íslandi (1976 - minnir hann).

Fyrsta keppnin var svona tilraun og þá var keppt á VW bjöllu. Í þá daga voru engin veltibúr, standard dekk og eina öryggisatriðið var hjálmur. Bílunum var ekkert breytt.

Önnur keppnin var hinsvegar sérstök fyrir þá félaga því þeir sigruðu á BMW 1600! Í þriðju keppninni sigraði svo Ómar nokkur Ragnarson.

Það væri nú gaman ef einhver kannaðist við þetta því ég býst ekki við að BMW hafi unnið sigur í rallý hér heima síðan þá - enda ekki hefðbundnir rallýbílar sosem.

Þetta er magnað, keppa á algjörlega orginal bílum, ekkert búr eða neitt bara hjálmur og af stað.

Já - fyrst þetta var leyft í þá daga - hmmm - þá ætti nú að vera hægt að fá leyfi fyrir að loka Hvalfirðinum og hafa keppni þar.

Veltibúr, 4 punkta belti, slökkvitæki og hjálmur sem skylda...

He he hafa svona Monte Carlo malbiks-rall á Íslandi

Hell yeah!

Eða bara svona Hvalfjarðar "Mille Miglia".

bebecar wrote:
Eða bara svona Hvalfjarðar "Mille Miglia".

(Ósmekkleg athugasemd):Með sömu áherslu á "þátttöku" áhorfenda

Nú þarf að minna mig á þáttöku áhorfenda í Mille Miglia - kem af fjöllum

Mille Miglia keppnirnar (hófst 1921) voru þekktar f.það að áhorfendur hópuðust að akstursvegum og oftast nær inn á þeim - þegar verst lét voru keppendur að keyra í "göngum" af áhorfendum.

Fyrsta alvarlega atvik í sögu Mille Miglia var 1939 þegar Lancia bifreið keyrðu í áhorfendaskarann í Bologna. 10 áhorfendur létust, þ.á.m. 7 börn. Keppnin var lögð niður næsta árið.

Eitthvað var um minni atvik, en keppnin var svo endanlega bönnuð 1957 þegar ökuþór Ferrari, Portago missti dekk undan bíl sínum í miðju þorpi. Portago, aðstoðarökumaður og tíu áhorfendur létu lífið.

Þessar keppnir hljóta að hafa verið stórfenglegar - 1000 mílna keppni sem þrautreyndi á alla þætti keppnisliðs - menn og búnað. Mille Miglia keppnirnar 24 eru taldar af mörgum hafa markað upphaf Grand Tourer hugtaksins - við megum nú aldeilis vera þakklátir f.það

Já, ég hafði nú eitthvað heyrt um þetta en ekki gert mér grein fyrir því að þetta hefði veirð svona alvarlegt.

Fólk verður náttúrulega að hafa vit á því að passa sig - það er nú ekki víða hægt að standa við veginn í Hvalfirðinum.

Umræddur Ómar Ragnarsson keppti á 315 bimma í einni keppni einhvern tíma milli 1981-85. Og VANN!!! Ég held að renault druslan hafi bilað 2 dögum fyrir keppni og hann fór og keypti sér 315 tík, skellti í hann veltibúri og stólum og vann rallyið! Geri aðrir betur