Ágreiningur getur risið milli annars vegar vátryggingafélaga og hins vegar þeirra, sem telja sig eiga rétt til vátryggingarbóta. Ætíð er unnt að skjóta slíkum ágreiningi til almennra dómstóla. Sú leið er þó iðulega bæði tímafrek og kostnaðarsöm, og af þeim ástæðum oft ekki fýsileg fyrir neytendur. Samband íslenskra tryggingafélaga (SÍT) og aðildarfélög þess, í samstarfi við stjórnvöld og samtök neytenda, hafa því á markvissan hátt byggt upp kerfi, sem ætlað er á faglegan hátt, en þó skjótvirkan og ódýran, að leysa úr ágreiningi við vátryggingafélög án milligöngu dómstóla. Í hnotskurn er ferlið þetta:

1. Vátryggingafélag. Tjónadeild.
Takist ekki að ná niðurstöðu um bótaskyldu, sök eða sakarskiptingu við starfsmenn vátryggingafélagsins, oftast starfsmenn tjónadeildar, er unnt að fara þess á leit að félagið sjálft leggi málið fyrir Tjónanefnd vátryggingarfélaganna.

2. Tjónanefnd vátryggingarfélaganna.
Hún er skipuð lögfræðingum, sem tilnefndir eru af aðildarfélögum SÍT. Er nefndin vistuð hjá SÍT. Þeir aðilar máls, sem eru ósáttir við afgreiðslu félags á kröfu um vátryggingarbætur, geta óskað eftir því, að félagið leggi málið fyrir nefndina. Slíkt málskot er mönnum að kostnaðarlausu. (Meira)

3. Úrskurðarnefnd í vátryggingamálum.
Vilji menn ekki sættast á niðurstöðu tjónanefndar, er unnt að skjóta málinu áfram til úrskurðarnefndarinnar. Hana skipa þrír lögfræðingar, sem tilnefndir eru af viðskiptaráðuneytinu, Neytendasamtökunum og SÍT. Nefndin er vistuð hjá Fjármálaeftirlitinu. Fylla þarf út sérstakt eyðublað vegna málskots til úrskurðarnefndarinnar, sem fá má hjá vátryggingafélögunum, Fjármálaeftirlitinu, SÍT eða Neytendasamtökunum. Eyðublaðinu og fylgigögnum ber að skila til Fjármálaeftirlitsins ásamt málskotsgjaldi, nú að fjárhæð kr. 5.000,-. Gjaldið er endurgreitt verði niðurstaðan málskotsaðila í hag að öllu leyti eða hluta. Hægt er sækja formið hér. (Meira).

Árétta ber sérstaklega, að réttur manna til að skjóta ágreiningsmálum til almennra dómstóla skerðist ekki, þótt málinu hafi verið skotið til tjónanefndar og/eða úrskurðarnefndar.

Ég bakkaði réttum meginn eins og ég myndi keyra upp götuna þannig ég myndi ekki bakka á móti umferð.

Þú bakkaðir sem sagt vitlausu megin á götunni?
Engu að síður ef hann var með útrunnið skírteini ætti ekki að skipta neinu máli hvernig þetta gerðist, heldur ætti hann alltaf að vera réttlaus.

En þú bakkar líka og þá er niðurstaðan eflaust 50/50 skv þeirra mati, þ.e.a.s. báðir bílstjórarnir aka aftur á bak. Einnig eru þetta líka svo er virðist orð gegn orði hvað varðar að hinn ökumaðurinn hafi stöðvað og flautað. Var ekkert vitni að atburðinum, ef ekki reyndu þá að áfrýja þessu áfram á tjónanefnd tryggingafélaganna.